IJAI 25:12 - Bibəl ta Sar̄

¹² Ḭ̄ Moab, ndogə̄ mbal̄ yāí gə̄ ń ā ī-rɔ̄ɔń dɔ rɔ̄í tə́ ní, nin̄ ń ngɔ̄mīn̄ majə ngá̰ý ní, Kɔ́ɔ̄ɓē tetədə́ nang tə́, ni mbə́rē tə́nīdə́ kɔ̄ɔ́, tə́nīdə́ nang tə́ kum bumbə́rú tə́.

Bible sar

¹² Ḭ̄ Moab, ndogə̄ mbal̄ yāí gə̄ ń ā ī-rɔ̄ɔń dɔ rɔ̄í tə́ ní, nin̄ ń ngɔ̄mīn̄ majə ngá̰ý ní, Kɔ́ɔ̄ɓē tetədə́ nang tə́, ni mbə́rē tə́nīdə́ kɔ̄ɔ́, tə́nīdə́ nang tə́ kum bumbə́rú tə́.

IJAI 25:12 Referans Kwoze

JEJU TEĒ KUM JA̰A̰ 18:21

Anī de kə́ dɔ rā̰ tə́ kógə̄ḿ kə́ tɔ́gən i ngá̰ý, un mbal̄ kógə̄ḿ kə́ bo tītə̄ mbal̄ riī yá̰á̰ kə́ bo beé, ənī kum bā bo tə́ ba əda na: A unən̄ Babilon ń i ɓē kə́ bo ní yā kənīn gidə kógə̄ḿ tītə̄ ń noō ō, a əngen̄ ɓē kə́ Babilon gogə́ to̰ aĺ ō.

IJAI 26:5

Ni-rāā ngé ndi ɓē loo kə́ kḭḭ kə̄ dɔɔ́ gə̄ tə́ adə̄ tə́sōn̄. Ni mbəre ɓē bo kə́ de gə̄ ngɔ̄mə̄n̄ majə ngá̰ý ənīn. Ni-tél seneé bátə́ ugə̄ seneé nang tə́, ənīn kum bumbə́rú tə́.

HEBƏRO 11:30

I kə ta kūl̄ taā kem n ndogə̄ mbal̄ ń gīr̄ gidə ɓē kə́ Jeriko tə́sōn̄ nang tə́, dan ń ngán Israel gə̄ gīrə̄n̄ gidə ɓē ndɔ̄ sīrí ní.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

JEREMI 51:58

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ndogə̄ mbal̄ kə́ ngāl̄ ngá̰ý gə̄ kə́ Babilon tə́ tə́sōn̄ ō, hor o̰o̰ ta róbə yān gə̄ kə́ ngālə̄n̄ ngá̰ý kum kə̄ dɔɔ́ gə̄ ō. Gír de gə̄ rāān̄ i kəla kə́ ndāńg karī ō, nápar de gə̄ rāān̄ kəla adə̄ kɔr rāādə́ i tām̄ yā hor tə́ ngóy ō.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

IJAI 14:23

M-ā m̄-rāā ɓē bo ngeé ń toō kadə̄ a tél loo kə́ man̄ i tū tə́ ō, bɔr kə́ tū tə́ i kə́ ndul ō, kɔȳ gə̄ a ndin̄ tū tə́ ō. M-ā m-ɔ́y loo kə́ tū tə́ i kə ndəsā kə́ a nujə loo. I mā Kɔ́ɔ̄ɓē kə́ bo kə́ tɔ́gən i ngá̰ý n m-ə́da najə̄ ń noō ní.

IJAI 2:15

Ni a rɔ̄ɔ̄ kújə ngɔ̄m̄ dɔ ɓē kə́ bo gə̄ malang ō, ndogə̄ mbal̄ kə́ yā rɔ̄ɔń dɔ ɓē tə́ gə̄ malang ō.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.