IJAI 24:6 - Bibəl ta Sar̄

⁶ I tām̄ najə̄ ń toō n ndɔ̄ĺ yā Nə́ɓā əsa dɔ nang kɔ̄ɔ́ ō, de kə́ tū tə́ gə̄ əngen̄ ndéy ō ní. Nin̄ oyn̄ ō, gotədə́ na̰y i sḛ́ý beē ō.

Bible sar

⁶ I tām̄ najə̄ ń toō n ndɔ̄ĺ yā Nə́ɓā əsa dɔ nang kɔ̄ɔ́ ō, de kə́ tū tə́ gə̄ əngen̄ ndéy ō ní. Nin̄ oyn̄ ō, gotədə́ na̰y i sḛ́ý beē ō.

IJAI 24:6 Referans Kwoze

MATIYE 7:14

Ba i ta róbə́ kə́ dūú ō, róbə́ kə́ kunən tōr̄ ngá̰ý ō n a aw̄ kə deé tū kajə tə́ ní, ba ngé kənge ta gə̄ i sḛ́ý beē.

Makətūbə̄ ń Pol ndang adə̄ Rom gə̄ ní 9:27

Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

LEBI GƏ̄ 26:22

M-ā m-ə́la kə dā̰ do̰ gēé kadə̄ əhɔn̄ ngáńsí gə̄ ō, yá̰a̰ kul̄ yāsí gə̄ ō. A əhɔn̄sí kadə̄ ā ī-nayiī i sḛ́ý beē, kadə̄ deē a a̰a̰ deē loo njə̄rā tə́ dɔ ngáń róbə yāsí gə̄ tə́ to̰ alé.

2 PIYER 3:10

Ndɔ̄ yā Kɔ́ɔ̄ɓē a reē i tītə̄ nge ɓogə beé. Ndɔ̄ ngeé ń noō tə́ ní, dɔ rā̰ a hində̄ lim kə kōō yá̰á̰ kógə̄ḿ kə́ ɓār̄ to ɓōĺ ngá̰ý ō, yá̰a̰ gə̄ ń Nə́ɓā əndādə́ á hor i tū tə́ ní a nujən̄ kɔ̄ɔ́ ō, dɔ nang kə yá̰a̰ malang kə́ tū tə́ a gətóo kɔ̄ɔ́ ō.

MALASI 3:9

Yá̰á̰ kə́ to kum kaȳ aĺ a teē dɔsí tə́! Ndɔ̄lə́n̄sí, i tām̄ ī-gól̄mī, sḭḭ̄ ngán Israel gə̄ malang.

EJEKIEL 5:3

Banī ā ī-ngɔ̄m̄ núsə bḭḭ̄ kə́ sḛ́ý beē yā ɓōkə́ gə́le ngong kə́ tū kūbə̄ yāí tə́ tə́.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

NDŪ NAJƏ̄ 28:62

Sḭḭ̄ ń kutəsí asə naā kə kutə tə́yō̰ gə̄ kə́ dɔ rā̰ tə́ ní, ā ī-tél ā ī-na̰yiī i sḛ́ý beē, tɔdɔ̄ ōō ta Kɔ́ɔ̄ɓē Nə́ɓā yāí alé.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

MATIYE 27:25

Anī kósə de gə̄ malang tél ədan̄ na: Ādə̄ mósən əsō dɔjí tə́ ō, dɔ ngáńjí gə̄ tə́ ō!

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

IJAI 9:19

De gə̄ rə́yā̰n̄ dāmə̄n kə́ ko̰ó̰, banī ɓō rāādə́ ɓáý. Nin̄ do̰ō̰n̄ dāmə̄n kə́ geleé, banī ndānə̄n̄ alé. Náā nəkɔ́ ɓáa ənī madə̄ ɓēn i rɔ̄ɔ̄.

IJAI 34:5

Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

JEREMI 5:14

I tām̄ najə̄ ń toō tə́ n Kɔ́ɔ̄ɓē Nə́ɓā kə́ Nge tɔgə yá̰a̰ malang əda tītə̄ ń toō beé na: Sḭḭ̄ ɔ̄rī najə̄ beé ɓá ní, m-ā m̄-rāā kadə̄ najə̄ yāḿ ń m-ə̄ndā taí tə́ ní tél hor ō, m-ā m̄-rāā gír de gə̄ ń toō i kīr̄ kə́ yā kadə̄ hor a o̰o̰ tə́ ō.

2 MBAN̄G 24:12

Loo ń noō tə́ mban̄g Joakin əya̰ rɔ̄n adə̄ mban̄g Nabukodonosor. Ni teē kem ɓēé reē rɔ̄ mban̄g Nabukodonosor tə́. Reēn̄ nin̄ i kə kó̰o̰neé ō, kə ngé kəla yān gēé ō, kə de kə́ bo yān gēé ō, kə ngol áskar yān gēé ō. Mban̄g kə́ Babilon əhɔdə́ dəngáy. I kem ɓāl̄ ko̰o̰ ɓē yā Nabukodonosor kə́ nge ko̰ sɔ́sɔ́ tə́.

2 MBAN̄G 25:12

Banī əya̰ núsə́ ngé ndoō gə̄ kə́ kem ɓēé gə̄ kadə̄ ndɔrə̄n̄ kem kāgə̄ nduú gə̄ ō, kadə̄ ndɔrə̄n̄ ndɔr̄ kə́ rang gə̄ ō.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.