IJAI 24:3 - Bibəl ta Sar̄

³ Nujən̄ dɔ nang sák sák, ɔyn̄ yá̰á̰ kə́ tū tə́ malang dɔ gúú tə́, tām̄ i Kɔ́ɔ̄ɓē n gḛy kadə̄ i tītə̄ ń noō ní.

Bible sar

³ Nujən̄ dɔ nang sák sák, ɔyn̄ yá̰á̰ kə́ tū tə́ malang dɔ gúú tə́, tām̄ i Kɔ́ɔ̄ɓē n gḛy kadə̄ i tītə̄ ń noō ní.

IJAI 24:3 Referans Kwoze

IJAI 24:1

Kɔ́ɔ̄ɓē nujə dɔ nang, ni ɔy yá̰a̰ kənge kə́ tū tə́ dɔ gúú tə́. ni bugə́jū loo dɔ nang tə́ kɔ̄ɔ́, tə̄ndā de kə́ dɔ nang tə́ gə̄ tḭ̄ḭ̄də́ kə̄ loo gə̄ tə́.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

MISE 4:4

Náā nəkɔ́ ɓáa a ndɔr̄ i kāgə̄ nduú yān, aláa i kāgə̄ kótə̄ yān, kanjə̄ kadə̄ deē njə́ɓān. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n noó.

EJEKIEL 36:4

I beé ní, sḭḭ̄ mbal̄ bo gə̄ kə́ Israel tə́, ōōī najə̄ kɔrə̄ḿ! Mā Kɔ́ɔ̄ɓē Nə́ɓā, m-ə́da i mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō. M-ə́da i loo kə́ nujə sák sák kə́ to dɔ naā tə́ bing gə̄ ō, ɓē bo gə̄ kə́ de gə̄ əya̰n̄ kɔ̄ɔ́ gə̄ ō. Nápar de kə́ rang gə̄ ń ndin̄ gīrə̄n̄ gidə ɓē bo gə̄ ngeé ń toō ní, ɔyn̄ yá̰a̰ kənge kə́ kemeé gə̄ kɔ̄ɔ́ dɔ gúú tə́ ō, tájə̄n̄ ɓē bo gə̄ ní ō.

IJAI 22:25

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ndɔ̄ kógə̄ḿ tə́ anī, gində̄ kə́ dɔ rugə kə́ kəla kadə bɔr tə́ ní a tetə. Tá əlan̄ gində̄ ní i loo kə́ ngan̄g tə́. Gində̄ ní a tetə ō, a əsō ō. Loo ń noō tə́ a nujən̄ yá̰á̰ ń kété ni ətō ní kɔ̄ɔ́. Tɔdɔ̄ i Kɔ́ɔ̄ɓē n ɔr̄ najə̄.

IJAI 21:17

Dan ngé rɔ̄ɔ̄ gə̄ kə́ Kedar tə́ ní, ngé kur gərā gə̄ a na̰yn̄ i sḛ́ý beē ngóy. Najə̄ ń Kɔ́ɔ̄ɓē, Nə́ɓā yā Israel, əda ní n noó.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ sabat gə̄ ń ngán Israel gə̄ əndān̄ kumdə́ gírí aĺ ní tə́.

NDŪ NAJƏ̄ 29:28

Yá̰a̰ gə̄ ń ton̄ loo mundə̄ tə́ ní, i Kɔ́ɔ̄ɓē Nə́ɓā yājí ngóy n i nge ger̄də́ ní. Banī yá̰a̰ gə̄ ń teēn̄ kumjí dɔ tə́ ní, i tām̄ yājí tə́ ō, ngáńjí gə̄ tə́ ō, ngán kaají gə̄ tə́ ō, ngándáńg. Yá̰a̰ gə̄ ní i yá̰á̰ kə́ yā rāā gə̄ ń ndū najə̄ yā Nə́ɓā əda kadə̄ jə-rāāī ní.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

JEREMI 13:15

Ōōī, ī-nēlī mbīsí ōōīneé, ī-tetiī rɔ̄sí kə̄ nang tə́ ba ōōī: I Kɔ́ɔ̄ɓē n ɔr̄ najə̄ ní.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

IJAI 24:2

I yá̰á̰ kə́ kógə̄ḿ beē n rāā nge tun̄ yá̰a̰ ō, nge tun̄ yá̰a̰ aĺ ō, kɔ́ɔ̄ ɓəlo ō, ɓəlo ō, kɔ́ɔ̄ kújə́ kə́ dəyá̰ ō, nge kəla kə́ dəyá̰ ō, nge kigə yá̰a̰ ō, nge mang yá̰a̰ ō, nge kadə̄ yá̰a̰ loo tə̄nā tə́ ō, nge tə̄nā yá̰a̰ ō, de kə́ kə̄rā i dɔn tə́ ō, de kə́ yá̰a̰ yān i dɔ deē tə́ ō ní.

IJAI 24:4

Dɔ nang əhɔ ndoō, ni-əsō ngísə kɔ̄ɔ́, yá̰a̰ malang kə́ dɔ nang tə́ nujə kɔ̄ɔ́, əsō ngísə kɔ̄ɔ́. I kum mbang ń nujənə̄ń dɔ nang ní n nujənə̄ń dɔ rā̰ ō ní.

MISE 2:4

Kum mbang ngeé ń noō tə́ ní, de gə̄ a ənīn̄ pā ń toō sesí, a ənīn̄ pā yo ń toō: Táān̄ yá̰a̰ yājí gə̄ malang kɔ̄ɔ́. Gír deē yājí gə̄ aw̄n̄ kə dɔ nang to̰ alé. Ngé kɔy yá̰a̰ yājí gə̄ dɔ gúú tə́, kēgə̄n̄ naā ndɔr̄ yājí gə̄ dɔ dáńdə́ tə́. Nin̄ táān̄ yá̰a̰ yājí gə̄ malang kɔ̄ɔ́ i najə̄ rí tə́?

IJAI 42:22

Ba ń toō ɓáa sḭḭ̄ i gír de gə̄ kə́ ɔyn̄ yá̰á̰ kənge yāsí kɔ̄ɔ́ dɔ gúú tə́. Ɓōkə́n̄sí malang kem bəlo kə́ bo gə̄ tə́ ba utə̄n̄ tasí, ī-ndiī i kem kújə dəngáy gə̄ tə́. Madə̄ ba̰ā̰ gə̄ əhɔn̄sí tītə̄ yá̰a̰ kənge kə́ kəhɔ ta rɔ̄ɔ̄ tə́ beē ō, de kə́ reē dḭḭ̄sí gətóo ō. Nin̄ aw̄n̄ sesí ō, de kə́ yā kəda na ādə̄mī sedə́ gətóo ō.