IJAI 24:22 - Bibəl ta Sar̄

²² A kánə̄n̄də́ tītə̄ dəngáy gə̄ beé kem bəlo kógə̄ḿ kə́ bo tə́. A utə̄n̄ tadə́ kem kújə dəngáý kógə̄ḿ tə́. Ndɔ̄ ngá̰ý gō tə́ anī, i gáŕ kadə̄ nin̄ a ɔjən̄ yá̰a̰ rāādə́ gə̄.

Bible sar

²² A kánə̄n̄də́ tītə̄ dəngáy gə̄ beé kem bəlo kógə̄ḿ kə́ bo tə́. A utə̄n̄ tadə́ kem kújə dəngáý kógə̄ḿ tə́. Ndɔ̄ ngá̰ý gō tə́ anī, i gáŕ kadə̄ nin̄ a ɔjən̄ yá̰a̰ rāādə́ gə̄.

IJAI 24:22 Referans Kwoze

JAKARI 9:11

Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

IJAI 42:22

Ba ń toō ɓáa sḭḭ̄ i gír de gə̄ kə́ ɔyn̄ yá̰á̰ kənge yāsí kɔ̄ɔ́ dɔ gúú tə́. Ɓōkə́n̄sí malang kem bəlo kə́ bo gə̄ tə́ ba utə̄n̄ tasí, ī-ndiī i kem kújə dəngáy gə̄ tə́. Madə̄ ba̰ā̰ gə̄ əhɔn̄sí tītə̄ yá̰a̰ kənge kə́ kəhɔ ta rɔ̄ɔ̄ tə́ beē ō, de kə́ reē dḭḭ̄sí gətóo ō. Nin̄ aw̄n̄ sesí ō, de kə́ yā kəda na ādə̄mī sedə́ gətóo ō.

EJEKIEL 38:8

Ndɔ̄ń tə́, gō ɓāl̄ gə̄ kə́ ngá̰ý tə́ ní, m-ā m-ə́laī kadə̄ āw̄ ī-rɔ̄ɔ̄ ɓē kə́ Israel. Kum mbang ngeé ń noō tə́ ní, de kə́ kemeé gə̄ teēn̄ ta rɔ̄ɔ̄ tə́ i sa sat. Nin̄ teēn̄ kɔ̄ɔ́ kem ɓē gə̄ ń ndin̄ kemeé tə́ ní. A kánə̄n̄də́ dɔ mbal̄ gə̄ kə́ Israel tə́ ń de gə̄ gətóon̄ dɔ tə́ i jóó ngá̰ý ní. Dan ń nin̄ teēn̄ kɔ̄ɔ́ dan gír de kə́ rang gə̄ tə́ oy anī, nin̄ malang a ndin̄ kanjə̄ sōl̄ yá̰á̰ kógə̄ḿ.

IJAI 24:17

Ɓōĺ ō, bəlo kə́ ɗúú ngá̰ý ō, gūmbə̄ gə̄ ō, yá̰a̰ malang ń noō ní i tām̄ yāsí tə́, sḭḭ̄ de kə́ dɔ nang tə́ gə̄.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

JEJU TEĒ KUM JA̰A̰ 20:2

Ni-əhɔ dā̰ kə́ to ɓōĺ ngá̰ý ń i lī kə́ jóó ō, i diabəl ō, i Sətan ō ní, do̰ō̰n kə súĺ kadə̄ rāā ɓāl̄ dūbú.

JAKARI 9:12

Siī dəngáy gə̄ ń kəndā kem dɔ tə́ yāsí i ngá̰ý ní, ī-tél ī-reēī gogə́ kem ɓē yāsí kə́ ngɔ̄m̄nən̄ majə tə́! Ɓōólaā nəkɔ́ ń toō m-ə́dásí najən̄, yá̰á̰ ń sḭḭ̄ āwīiń kɔ̄ɔ́ ɓá ní, m-ā m-ādə̄sí yá̰á̰ ní loo nja kə́ jōó tə́.