IJAI 24:14 - Bibəl ta Sar̄

¹⁴ Ngé gə̄ ń teēn̄ ta yo tə́ ní, unən̄ ndūdə́ kə̄ dɔɔ́, nin̄ ənīn̄ pā bo yā Kɔ́ɔ̄ɓē. Nin̄ teēn̄ kə̄ kem ɓē gə̄ kə́ no ɓē tə́ a reēn̄ kə kɔŕ rɔ̄nelēé tadə́ tə́:

Bible sar

¹⁴ Ngé gə̄ ń teēn̄ ta yo tə́ ní, unən̄ ndūdə́ kə̄ dɔɔ́, nin̄ ənīn̄ pā bo yā Kɔ́ɔ̄ɓē. Nin̄ teēn̄ kə̄ kem ɓē gə̄ kə́ no ɓē tə́ a reēn̄ kə kɔŕ rɔ̄nelēé tadə́ tə́:

IJAI 24:14 Referans Kwoze

JAKARI 2:10

Kɔ́ɔ̄ɓē əda wáńg na: Āwī, āwī! Sḭḭ̄ ń m̄-tə̄ɓāsí ādə̄ āwī kə̄ loo gə̄ tə́ dām̄ mbɔ́r ɓē kə́ ko̰ó̰ tə́ ō kə́ geleé tə́ ō, dūn̄ ɓē tə́ ō, no ɓē tə́ ō ní. Ā̰yī naā ngɔlaā, ə́ya̰ī dɔ nang kə́ dām̄ mbɔ́r ɓē kə́ ko̰ó̰ tə́, ba āwī.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 44:23

A̰á̰ā̰, Kɔ́ɔ̄ɓē rāā yá̰a̰. Adə̄ ḭ̄ dɔ rā̰, ə̄nī pā rɔ̄nel̄, ḭ̄ loo kə́ dɔ nang tə́ kə́ ɗúú ngá̰ý, ī-rāā ādə̄ ndūí ɓār̄. Sḭḭ̄ mbal̄ bo gə̄ ō, kāgə̄ gə̄ kə́ kem ku loo tə́ gə̄ ō, ə́gaī kɔŕ rɔ̄nel̄. Tām̄ Kɔ́ɔ̄ɓē gān̄g dɔ gír deē yān gə̄, ni ɔjə kɔsə gɔn yān kə̄ ndágá dɔ nang kə́ Israel tə́!

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

IJAI 27:2

Ndɔ̄ ngeé ń noō tə́ ní, ənī pā tām̄ yā kāgə̄ nduú kə́ kasən nel̄ ngá̰ý tə́.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 25:1

Kɔ́ɔ̄ɓē, ḭ̄ i Nə́ɓā yāḿ. M-ā m-ə́ga kɔŕ yā kɔsəń gɔn rīí. A̰á̰ā̰, yá̰á̰ kə́ majə ngá̰ý gə̄ ń ḭ̄ ī-núm̄ ní, ḭ̄ ī-rāā yá̰a̰ gə̄ ní adə̄ reē udən̄ gíŕ kə́ rɔ̄ tə́. Yá̰a̰ gə̄ ní ran̄ ngan̄g i jóó ngá̰ý, nin̄ ngangə̄n̄ ō, ton̄ kum gotədə́ beē ō.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

IJAI 60:5

Dan ń á̰á̰ yá̰á̰ ń noō anī, rɔ̄nel̄ a rāā kadə̄ ta kumií a ndə́lē ō, dan wurií a ndām̄ ndām̄ rɔ̄nel̄ ō. Tām̄ yá̰a̰ kənge gə̄ kə́ kum bā bo tə́ a reēn̄ yā kugə̄ ɓēé looí, yá̰a̰ kənge kə́ to loo ɓɔ̄ɔ̄ tə́ gə̄ yā nápar de gə̄ a reēn̄ bátə́ yā kugə̄ looí, ḭ̄ Jerusalem.

JEREMI 51:10

Kɔ́ɔ̄ɓē rāā adə̄ kajə yājí to kə̄ ndágá wáńg. Ī-reēī, j-ənī gotə kəla ń Kɔ́ɔ̄ɓē Nə́ɓā yājí rāā ní Siyo̰ tə́.