IJAI 24:12 - Bibəl ta Sar̄

¹² I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

Bible sar

¹² I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

IJAI 24:12 Referans Kwoze

MISE 1:12

Ɓōĺ rāā de kə́ Marot gə̄ adə̄ ndewn̄ najə̄ yá̰a̰ kənge yādə́ tə́. Tɔdɔ̄ yá̰á̰ kə́ to kum kaȳ aĺ ń Kɔ́ɔ̄ɓē əlań ní, reē ugə̄ ta róbə́ kə́ Jerusalem tə́.

MISE 1:9

Tɔdɔ̄ ndéý ń ɔdə Samari ní, dáwán gətóo. Ɓē kə́ Juda gə̄gē, ndéý ní ɔdən ō, ndéý ní ɔdə ta róbə́ kə́ Jerusalem ō, loo ń gír deē yāḿ gə̄ ndin̄ tū tə́ ní.

NŌŌ RƆ̄ 5:18

I tɔdɔ̄ mbal̄ Siyo̰ tél loo kə́ nujə kɔ̄ɔ́ ō, loo kə́ tal̄ gə̄ a njə̄rān̄ tū tə́ ō.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

IJAI 32:19

Kɔ̄sə̄ a tə́sō dɔ ku kāgə̄ gə̄ tə́ ō, ɓē a əsō ō.

IJAI 45:2

Mə̄kɔ́ m-ā m̄-njə̄rā kété noí tə́, yá̰a̰ gə̄ ń dēsə́n̄ rɔ̄də́ noí tə́ ɔgīn̄ mān̄ ní, m-ā m̄-ró̰ȳdə́ kɔ̄ɔ́, ta róbə gə̄ ń rāān̄də́ kə gində̄ nə̄ngá kasaá ní, m-ā m̄-nujəń kɔ̄ɔ́, gində̄ gə̄ ń rákə̄nəń ta róbə gə̄ ní, m-ā m̄-tétə̄ kɔ̄ɔ́.