IJAI 24:1 - Bibəl ta Sar̄

¹ Kɔ́ɔ̄ɓē nujə dɔ nang, ni ɔy yá̰a̰ kənge kə́ tū tə́ dɔ gúú tə́. ni bugə́jū loo dɔ nang tə́ kɔ̄ɔ́, tə̄ndā de kə́ dɔ nang tə́ gə̄ tḭ̄ḭ̄də́ kə̄ loo gə̄ tə́.

Bible sar

¹ Kɔ́ɔ̄ɓē nujə dɔ nang, ni ɔy yá̰a̰ kənge kə́ tū tə́ dɔ gúú tə́. ni bugə́jū loo dɔ nang tə́ kɔ̄ɔ́, tə̄ndā de kə́ dɔ nang tə́ gə̄ tḭ̄ḭ̄də́ kə̄ loo gə̄ tə́.

IJAI 24:1 Referans Kwoze

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

IJAI 42:15

M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

IJAI 24:20

Dɔ nang bḭ́ḭ̄ tītə̄ de kə́ nge kasə rāā beé, ni mbo̰y tītə̄ kújə́ kámbə́ kə́ nél rāān beé. Yá̰a̰ rāān kə́ gōtə́ aĺ ɔyn adə̄ teē əsō, ni a asə kḭḭ dɔɔ́ gogə́ alé.

EJEKIEL 35:14

Najə̄ ń mā Kɔ́ɔ̄ɓē Nə́ɓā m-ə́dá ní n toó: Dan ń rɔ̄ gír de gə̄ malang a nel̄də́ anī, m-ā m̄-nujiī sák sák kɔ̄ɔ́.

EJEKIEL 12:20

De kə́ kem ɓēé gə̄ a gətóon̄ kɔ̄ɔ́ ō, ɓē a tél dəla loo ō. Loo ń noō tə́ ā ī-gerī kadə̄ Kɔ́ɔ̄ɓē i mā.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

EJEKIEL 6:6

Loo malang ń ī-ndiī tū tə́ ní, a nujən̄ ɓē yāsí gə̄ kɔ̄ɔ́ ō, ā ə́ya̰ī loo ndɔ̄ȳ yāsí gə̄ kɔ̄ɔ́ ō, adə̄ a nujən̄ kə loo tun̄ yá̰a̰ yāsí gə̄ ń najə̄ i dɔ tə́ ní kɔ̄ɔ́ ō. A tétə̄n̄ ɓesə̄ yāsí gə̄ kɔ̄ɔ́ ō, a nujənə̄ń sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, a nujən̄ yá̰a̰ malang ń ī-rāāī ní ō.

EJEKIEL 5:14

Nápar de gə̄ ń gīrə̄n̄ gidisí ní ō, de gə̄ malang ń a aw̄n̄ Jerusalem ní ō, a a̰a̰n̄ kadə̄ m̄-nujə ɓē kə́ Jerusalem sák sák ō, m-ə́la rɔ̄sɔl̄ dɔ tə́ ō.

EJEKIEL 5:2

Dan ń ndɔ̄ gə̄ ń ɓē i kə́ gīrəń gidə ní a tə́gān̄ kɔ̄ɔ́ ní, ī-róō gírən kə́ ta kəga dɔ kum hor tə́ dan ɓēé. Ā ɔ́y gírən kə́ nge ko̰ jōó ba ā ə́nda kə kaskaraá ī-gīrəń gidə ɓē. Gírən kə́ ko̰ mətá ní, ā ī-tə̄ndā ā ī-tḭ̄ḭ̄ kum néĺ tə́, banī m-ā m̄-ngɔ̄də̄ gō kə kaskar yāḿ.

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

IJAI 29:16

Tá yá̰á̰ sḭ́ndə̄sí ngá̰ý! Deē a a̰a̰ kɔdə̄ jóo ɔjəń nánjə̄? Yá̰a̰ asə kəda nge rāān na: I ni n rāām̄ alé a? Jóo a əda kɔdə̄ jóo na: Ni ger̄ rāā kəla alé a?

IJAI 27:10

Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

PĀ GƏ̄ 146:9

Kɔ́ɔ̄ɓē ngɔ̄m̄ ngé nam̄ ɓē gə̄. Ni i nge rāā kə ngōn̄ halaá ō, kə dəyá̰ kə́ ngaa koyoó ō. Banī yá̰á̰ ń ngé kem ndul gə̄ nómə̄n̄ rāā ní, ni nujəń kɔ̄ɔ́.

NEHEMI 1:8

Ɓá tā ba ādə̄ əga kemií dɔ najə̄ ń ə̄ndā ta nge kəla yāí Moijə tə́ ādə̄ əda ní. Ni ədají na ré jə-ra dɔ ndūjí ń j-ənī j-adī tə́ ní aĺ anī ḭ̄ na ā ī-tə̄ndā yā tḭ̄ḭ̄jí kə̄ loo gə̄ tə́ dan gír de gə̄ tə́.

2 MBAN̄G 21:13

M-ā m̄-nujə ɓē kə́ Jerusalem tītə̄ ń m̄-nujəń ɓē kə́ Samari ō, de gə̄ kə́ gír kojə yā Akab tə́ ō ní. M-ā m̄-tə́go kem ɓē kə́ Jerusalem tītə̄ ń deē a tə́goń səmbē ba sébə kemən nang tə́ ní.

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

EJEKIEL 24:11

Gō tə́ anī, ə̄ndā jóo ndīr̄ yá̰á̰ ń kemən i karī ní, dɔ yā̰l̄ hor gə̄ tə́ ādə̄ təngā ō, ādə̄ gində̄ jóo tawá ní kərē káláńg káláńg ō. Loo ń noō tə́ yá̰á̰ kə́ yḛr kə́ kemeé gə̄ a gətóon̄ kɔ̄ɔ́ ō, hor a o̰o̰ kārā kɔ̄ɔ́ ō.

JEREMI 40:15

Tā anī Yohanan, ngōn̄ Karea əda Gedalia loo mundə̄ tə́ jəke Misəpa na: Ādə̄m̄ ta róbə ādə̄ m-āw̄ m̄-tɔ̄l̄ Ismael kə́ ngōn̄ Netania kanjə̄ kadə̄ deē ger̄ gō. Ī-gḛy kadə̄ tɔ̄lī kə̄ non tə́ a? De kə́ Juda tə́ gə̄ malang ń ndi gīrə̄n̄ gidií ní a tə̄ndān̄ naā yā tḭ̄ḭ̄ kə̄ loo gə̄ tə́ ō, de gə̄ ń na̰yn̄ Juda tə́ ní a oyn̄ ō.

JAKƏ 1:1

I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

KƏLA RĀĀ 17:6

Ba dan ń nin̄-əngen̄də́ aĺ anī ndɔ́rə̄n̄ Jaso̰ ō, ngákó̰ó̰jí kə́rēý gə̄ ō, aw̄n̄ sedə́ no ngé ko̰o̰ ɓē gə̄ tə́. Nin̄-ədan̄ kə̄ dɔɔ́ ngá̰ý na: De gə̄ ń toō sól̄yōn̄ de gə̄ kə gō loo gə̄ malang kə́ dɔ nang tə́ laā. Ba ń toō ɓáa nin̄-reē ugə̄n̄ laā,

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

IJAI 13:13

I tām̄ najə̄ ń noō tə́ n dɔ rā̰ a ndew ō, a yéȳn̄ dɔ nang dɔ ngəran gə̄ tə́ ō ní. Yá̰á̰ ń noō a rāā yá̰a̰ sɔɔ̄ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý, ndɔ̄ ń wōn̄g yān a o̰o̰ń loo tītə̄ hor beé ní.

IJAI 24:19

Dɔ nang njar, ni tá̰ā̰, ni-əsō.

IJAI 30:32

A dānə̄n̄ gō jī Kɔ́ɔ̄ɓē loo kəndan tə́ i kə kɔdə gə̄ ō, kənde gə̄ ō. Kɔ́ɔ̄ɓē a wél̄ jīn yā kəlań ɓōĺ kem Asiri tə́ ō, ni a rɔ̄ɔ̄n ō.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

IJAI 34:10

Hor ní a oy ndɔ̄ɔ́ aĺ ō, kadaá aĺ ō. Sa hor kə́ dan gān̄g aĺ a ḭḭ kum kə̄ dɔ rā̰ tə́. Ɓē ngeé ń toō a tél dəla loo i kə́ njɔ́ḿ gə̄ tə́, deē a mān̄ noó to̰ alé.

JEREMI 51:34

Nabukodonosor, mban̄g kə́ Babilon, rə́yā̰m̄ naā tə́ ō, əsam̄ ō. Ni rāām̄ ādə̄ m̄-tél səmbē kə́ tō̰ń kem kɔ̄ɔ́. Ni urəm̄ kemən tə́ tītə̄ dā̰ kə́ bo kə́ to ɓōĺ ngá̰ý beē. Ni njúū yibə̄ kə́ kəngāḿ tə́ adə̄ ndān̄ kemən ba əya̰m̄ kɔ̄ɔ́.

NAHUM 1:5

Mbal̄ bo gə̄ ndewn̄ najə̄ yān tə́ ō, ngán mbal̄ gə̄ yéȳn̄ ō. Dɔ nang ndebə ta kumən tə́, dɔ nang kə taá malang kə de kə́ tū tə́ gēé, ndebə ta kumən tə́.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 32:12

Ɔ́jiī rɔ̄nel̄ aĺ yāsí kə̄ ndágá. Ī-nōōī tām̄ majə kə́ ndɔr̄ gə̄ majən̄ tə́ ō, tām̄ kāgə̄ nduú gə̄ kə́ anə̄n̄ ngá̰ý tə́ ō.

EJEKIEL 6:14

M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

EJEKIEL 7:12

Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán Israel gēé malang.

EJEKIEL 7:14

De gə̄ a kɔ̄rə́n̄ bərúnjə ngá̰ý ō, a əndān̄ dɔ yá̰a̰ malang danaá kɔ̄ɔ́ ō ɓá tā, ba deē kógə̄ḿ kə́ yā kaw̄ ta rɔ̄ɔ̄ tə́ a gətóo. Tɔdɔ̄ wōn̄g rāām̄ i kə ngán Israel gēé malang.