IJAI 23:8 - Bibəl ta Sar̄

⁸ Kété ní ɓē kə́ Tir i ɓē kə́ nge nə̄ɓō de gə̄ jākā mbang gə̄. Kété ní ngé kigə yá̰a̰ yān gə̄ i ngán ngār gə̄. Kété ní ngé rāā gātə̄ yān gə̄ i de kə́ bo gə̄ kə́ dɔ nang tə́ laā. I náā n un ndūn yā nujə ɓē ń toō ní?

Bible sar

⁸ Kété ní ɓē kə́ Tir i ɓē kə́ nge nə̄ɓō de gə̄ *jākā mbang gə̄. Kété ní ngé kigə yá̰a̰ yān gə̄ i ngán ngār gə̄. Kété ní ngé rāā gātə̄ yān gə̄ i de kə́ bo gə̄ kə́ dɔ nang tə́ laā. I náā n un ndūn yā nujə ɓē ń toō ní?

IJAI 23:8 Referans Kwoze

JEJU TEĒ KUM JA̰A̰ 18:8

I tām̄ najə̄ ń noō tə́ n yá̰á̰ kə́ tōr̄ gə̄ ń əndān̄ dɔ danaá tām̄ yān tə́ ní, a reēn̄ dɔn tə́ i ndɔ̄ kógə̄ḿ beē ní. Yá̰á̰ kə́ tōr̄ gə̄ ní i yo ō, kəhɔ ndoō ō, ɓō ō, tá hor a o̰o̰n ō. Tɔdɔ̄ Kɔ́ɔ̄ɓē Nə́ɓā ń gān̄g sarya dɔn tə́ ní, tɔ́gən i ngá̰ý.

IJAI 36:9

Ḭ̄ ń ə̄ndā kemií dɔ kənge púsə rɔ̄ɔ̄ gə̄ ō sə́nda gə̄ ō jī ɓē kə́ Ejiptə tə́ ní, ā ásə rāā kadə̄ kógə̄ḿ dan ngol áskar gə̄ yā kɔ́ɔ̄ḿ tə́ tél kə̄ gogə́ i ba̰ý? Ká i ngol áskar gə̄ kə́ dūú gə̄gē a tél kə̄ gogə́ i ba̰ý?

IJAI 10:8

Ni-əda na: Go̰ rɔ̄ɔ̄ yāḿ gə̄ malang nin̄ i mban̄g gə̄ aĺ a?

JEJU TEĒ KUM JA̰A̰ 18:23

Deē a a̰a̰ hor kə́ tū lámbá tə́ ɓēé looí to̰ aĺ ō, nge nong kə́ dəngam ō, dəyá̰ nong yān ō ní, deē a oō ndūdə́ ɓēé looí to̰ aĺ ō. Tɔdɔ̄ ngé rāā gātə̄ yāí gə̄ i de kə́ bo gə̄ kə́ dɔ nang tə́, tām̄ rāā kəga yāí rāā adə̄ nápar de gə̄ malang ndúmə̄n̄ kɔ̄ɔ́.

EJEKIEL 26:12

Nin̄ a ɓogən̄ yá̰a̰ kənge yāí gə̄ ō, a ɔyn̄ yá̰a̰ gātə̄ yāí gə̄ dɔ gúú tə́ ō. A mbə́rēn̄ ndogə̄ mbal̄ yāí gə̄ yā tə́nī nang tə́ kɔ̄ɔ́ ō, a nujən̄ kújə yāí gə̄ ń yá̰a̰ i ngá̰ý tū tə́ ní ō, ba a ɔyn̄ mbal̄ kə́ tū tə́ gə̄ ō, kāgə̄ kə́ tū tə́ gə̄ ō, butə̄ yá̰á̰ kə́ tū tə́ gə̄ ń a na̰y ní ō, yā ɓōkə́ gír bāá kɔ̄ɔ́.

NAHUM 3:16

Kété ní, kutə ngé rāā gātə̄ kə́ looí gə̄ tɔȳ kutə tə́yō̰ gə̄ kə́ dɔ rā̰ tə́. Ngɔlaā nin̄ hində̄n̄ lim kɔ̄ɔ́, tītə̄ yim̄ gə̄ kə́ ḭḭn̄ bɔ̄gə̄ aw̄n̄ kɔ̄ɔ́ beē.

JAKARI 9:3

Tir əndā ndogə̄ mbal̄ gə̄ kə́ yā rɔ̄ɔń dɔ rɔ̄n tə́. Ni kán̄ gində̄ arjā̰a̰ ngá̰ý kə̄ dɔ naā tə́ tītə̄ bumbə́ru kə́ kum róbə kɔsə gə̄ tə́ ō, kán̄ lɔ́r ngá̰ý kə̄ dɔ naā tə́ tītə̄ bɔr kə́ kum kə̄lá róbə gə̄ tə́ beē ō.