IJAI 23:13 - Bibəl ta Sar̄

¹³ Ādə̄ əga kemsí dɔ ɓē yā Babilon gə̄ tə́: Gír de gə̄ ń noō gətóon̄ kɔ̄ɔ́. Dɔ nang kə́ Asiri rāā ɓē ní adə̄ tél i ɓē yā dā̰ kə́ bembeé gə̄. De kə́ Asiri gə̄ rāān̄ kújə́ kə́ ngāl̄ ɓururu kə̄ dɔɔ́ gə̄ yā kənīnneé rɔ̄ɔ̄. Nin̄ tétə̄n̄ kújə ngol yān gə̄ nang tə́ kɔ̄ɔ́ ō, nin̄ rāān̄ adə̄ ni-tél i kɔkərɔ kə́ kán̄ dɔ naā tə́ bing ō.

Bible sar

¹³ Ādə̄ əga kemsí dɔ ɓē yā *Babilon gə̄ tə́: Gír de gə̄ ń noō gətóon̄ kɔ̄ɔ́. Dɔ nang kə́ Asiri rāā ɓē ní adə̄ tél i ɓē yā dā̰ kə́ bembeé gə̄. De kə́ Asiri gə̄ rāān̄ kújə́ kə́ ngāl̄ ɓururu kə̄ dɔɔ́ gə̄ yā kənīnneé rɔ̄ɔ̄. Nin̄ tétə̄n̄ kújə ngol yān gə̄ nang tə́ kɔ̄ɔ́ ō, nin̄ rāān̄ adə̄ ni-tél i kɔkərɔ kə́ kán̄ dɔ naā tə́ bing ō.

IJAI 23:13 Referans Kwoze

KƏLA RĀĀ 7:4

Loo ń noō tə́ Abəraham əya̰ dɔ nang yā Kalde gə̄ ba aw̄ ndi Haran. Dan ń bɔbə̄n oy kɔ̄ɔ́ anī, Nə́ɓā ɔrə̄n Haran ba reē seneé dɔ nang ń ī-ndiī tū tə́ ɓōólaā toó.

HABAKUK 1:6

Babilon gə̄ ń i gír de kə́ ngé rāā yá̰a̰ kə dɔ́nɔ́ gə̄ ō, kumdə́ o̰o̰də́ aĺ ō ní, m-ā m̄-reē sedə́. Nin̄-aw̄n̄ kə̄ loo gə̄ tə́ malang dɔ nang tə́ yā taā gō nang gə̄ ń i yādə́ aĺ ní.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

EJEKIEL 29:18

Ḭ̄ ngōn̄ deē, ōō! Nabukodonosor, mban̄g kə́ Babilon ra kə ngé rɔ̄ɔ̄ yān gēé adə̄ rāān̄ kəla ngan̄g ngá̰ý gə̄ yā rɔ̄ɔń Tir. Nənga dɔ áskar yān gə̄ ɔr̄ kɔ̄ɔ́ malang ō, əngen̄ do dɔ bɔ̄gə̄də́ gə̄ tə́ ō. Ɓá tā ba yá̰á̰ ń mban̄g nin̄ kə ngé rɔ̄ɔ̄ yān gēé loo rɔ̄ɔ̄ ɓē kə́ Tir tə́ ní, nin̄ əngen̄ yá̰á̰ kógə̄ḿ gírí jī ɓē kə́ Tir tə́ alé.

IJAI 13:19

Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

IJAI 10:7

Banī Asiri a̰a̰ yá̰a̰ gə̄ ní i tītə̄ ń noō alé. Gír̄ yān i tayā. Ni gír̄ i nujə loo ngóy, gír̄ i rāā kadə̄ nápar de gə̄ ngá̰ý udən̄ kɔ̄ɔ́ ngóy.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

PĀ GƏ̄ 72:9

Ngé ndi kem dəla loo tə́ gə̄ a ɔsən̄ nodə́ nang tə́ non tə́, madə̄ ba̰ā̰n gə̄ a əsan̄ nán̄g.

Makətūbə̄ yā Job 1:17

Ni a ɔr̄ najə̄ kə̄ tan tə́ ɓáý anī, nge kə́ rang reē əda na: De kə́ Kalde tə́ gə̄ kə́ ɓūtə̄də́ gír i mətá reē əhɔn̄ jámbal gə̄ aw̄n̄neé ō, tɔ̄lə̄n̄ ngé kəla yāí gə̄ malang kɔ̄ɔ́ kə kaskaraá ō. I mā ngóy n m̄-teē á m̄-reē kadə̄ m-ə́daī ní.

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

2 MBAN̄G 20:12

Dan ń noō tə́ ní Merodak Baladan ń i mban̄g kə́ Babilon ní əla kə makətūbūú ō, kə kadə̄ karī gēé ō, adə̄ Ejekias, tɔdɔ̄ ni oō najə̄ mo̰y yān.

2 MBAN̄G 17:24

Mban̄g kə́ Asiri ɔy de kə́ Babilon gə̄ ō, kə́ Kuta gə̄ ō, kə́ Awa gə̄ ō, kə́ Hamat gə̄ ō, kə́ Separbaim gə̄ ō, reē tə́ndādə́ kem ɓē kə́ Samari tə́ gotə ngán Israel gə̄ tə́. Nin̄ taān̄ gō nang kə́ Samari ba ndin̄ tū tə́ kə̄ kem ɓē gə̄ tə́.

TA KƏLA 11:31

Tera un ngōnən Abəram ō, kaan Lot ń i ngōn̄ Haran ní ō, umən Sarai nə̄yá̰ Abəram ō, teē sedə́ kɔ̄ɔ́ Ur, dɔ nang kə́ Kalde tə́, ba aw̄ sedə́ kə̄ gō nang kə́ Kanaan tə́. Nin̄ aw̄n̄ bátə́ ugə̄n̄ Haran, ba ndin̄ tū tə́.

TA KƏLA 11:28

Haran ojə Lot ba oy kum bɔbə̄n Tera tə́, ɓē kojən tə́ Ur, dɔ nang kə́ Kalde tə́.

TA KƏLA 11:9

I tām̄ najə̄ ń noō tə́ n əndānəń rī ɓē ní na i Babel ní. Tɔdɔ̄ Kɔ́ɔ̄ɓē tə́la ta yā de kə́ dɔ nang tə́ gə̄ malang naā tə́ i loo ń noō tə́ ō, ni tə̄ndā tḭ̄ḭ̄də́ kə̄ loo gə̄ tə́ dɔ nang tə́ malang i loo ń noō tə́ ō.

TA KƏLA 2:14

Rī jīn kə́ nge ko̰ mətá na i Tigər. I ni n nūgə́ dūn̄ ɓē kə́ Asur tə́ ní. Ba jīn kə́ nge ko̰ sɔ́ i Opəratə.

IJAI 13:21

Banī məla kə́ bembeé gə̄ a ndin̄ kem ɓē ngeé ń toō tə́, kɔȳ gə̄ a rosən̄ kem kújə gə̄ tū tə́. Burum gə̄ a rāān̄ ɓē kemeé ō, bal bə̄yā̰ gə̄ a ndāmə̄n̄ naā kemeé ō.

IJAI 18:6

Yā Etiopi gə̄ i tītə̄ ń noó ō, a əya̰n̄də́ kɔ̄ɔ́ yā kadə̄ kə̄rō gə̄ kə́ dɔ mbal̄ bo gə̄ tə́ ō, dā̰ kə́ kem bembeé gə̄ ō. Kə̄rō gə̄ a əsan̄də́ dan kə́ majə tə́ ō, dā̰ kə́ bembeé gə̄ a əsan̄də́ dan kə́ majaĺ tə́ ō.

IJAI 43:14

Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ táĺ yā Israel, əda ní n toó: M-ə́la kə deē kógə̄ḿ Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.

EJEKIEL 23:23

M-ā m̄-reē kə Babilon gə̄ ō, Kalde gə̄ malang ō, de kə́ kem ɓē kə́ Pekod tə́ gə̄ ō, Sowa tə́ gə̄ ō, Kowa tə́ gə̄ ō, de kə́ Asiri gə̄ a reēn̄ sedə́ ō. M-ā m-ɔ́sə dɔ de kə́ dəngam gə̄ ń noō naā tə́. Nin̄ i de kə́ balsáa gə̄ ō, majən̄ deē ō, nin̄ i ngé ko̰o̰ ɓē gə̄ ō, ngé gān̄g sarya gə̄ ō, nin̄ i ngé rɔ̄ɔ̄ gə̄ ō, ngé kəla kə́ bo gə̄ ō, nin̄ malang ní gerə̄n̄ kal̄ sə́nda majə ō.