IJAI 22:5 - Bibəl ta Sar̄

⁵ Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

Bible sar

⁵ Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

IJAI 22:5 Referans Kwoze

Najə̄ kə́ Majə yā Jeju ń Luk ndang ní 23:30

Loo ń noō tə́ de gə̄ a ədan̄ mbal̄ kə́ bo gə̄ na kə tə́sōn̄ dɔdə́ tə́ kɔ̄ɔ́ ō, a ədan̄ ngán mbal̄ gə̄ na kə utə̄n̄ dɔdə́ kɔ̄ɔ́ ō.

MISE 7:4

De kə́ dandə́ tə́ kə́ majə tɔȳ gotə́ gə̄, to i tītə̄ mu kə́ ndo̰ō̰ kə́ to dɔ naā tə́ bing beé ō, majaĺ tɔȳ túpə kō̰n̄ ō. Ndɔ̄ kə́ yā kəndańsí tām̄ yá̰a̰ rāāsí kə́ gōtə́ aĺ tə́ n toó. Ngé ngɔ̄m̄ loo yāsí gə̄ ń i ngé koō ta gə̄ ní, ədan̄sí najə̄n kété. Sḭḭ̄ ə́laī gír ndi kə ɓōló kɔ̄ɔ́ ɓá.

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

IJAI 37:3

I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

IJAI 22:1

Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

MATIYE 24:16

ādə̄ ngé gə̄ ń ndin̄ dɔ nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ ō,

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

IJAI 5:5

I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

ESTER 3:15

Ngámbang kəla gə̄ aw̄n̄ láẃ tītə̄ ń mban̄g ədań ní ō, ənīn̄ mbēr dɔ tə́ kem ɓē bo kə́ Sujə tə́ ō. Mban̄g nin̄ kə Haman ndi a a̰ȳn̄ yá̰a̰, banī de kə́ kem ɓē bo kə́ Sujə tə́ gə̄ tá a̰a̰n̄ oy oy.

2 MBAN̄G 25:10

Ngol ngé ngɔ̄m̄ dɔ mban̄g adə̄ ɓūtə̄ áskar gə̄ malang kə́ Kalde tə́ gə̄ tɔ̄ɔ̄n̄ ndogə̄ mbal̄ kə́ gidə ɓē kə́ Jerusalem tə́ kɔ̄ɔ́.

2 MBAN̄G 19:3

yā kədan na: Ejekias ɔr̄ najə̄ i beé əda na: Ɓōólaā i ndɔ̄ wur kɔl ō, ndéy ō, rɔ̄sɔl̄ ō! Ngán gə̄ əndān̄ rɔ̄də́ ta róbə́ tə́ yā teē kem kó̰də́ gə̄ tə́ kə̄ ndágá, banī tɔ́gə́ kə́ yā kojəńdə́ gətóo!

IJAI 63:3

A̰á̰ā̰, i mə̄kɔ́ kə kérə́ḿ n m̄-mbə́rē kan̄ nduú loo mbə́rē kan̄ nduú tə́ ní. De kə́ dan gír de gə̄ tə́ kə́ seḿ gətóo. Loo ń noō tə́ wōn̄g rāām̄ ngá̰ý, adə̄ m̄-mbə́rēdə́, m̄-tə̄ɓādə́ kə wōn̄g kə́ ngá̰ý. Mósə́də́ kə́rā kə̄ tū kūbə̄ yāḿ gə̄ tə́ adə̄ kūbə̄ yāḿ gə̄ malang i kə́ m̄-rāā adə̄ mósə́də́ tákə̄.

IJAI 63:6

Dan ń wōn̄g rāām̄ ngá̰ý ní m̄-rējə̄ gír de gə̄. m̄-rāā adə̄ wōn̄g yāḿ rāādə́ kə́ kasə tə́ ō, m̄-ɓōkə́ mósə́də́ nang tə́ ō.

EJEKIEL 7:7

De kə́ kem ɓēé gə̄, ta i dɔsí tə́. Kum mbang asə. Dɔ ndɔ̄ gān̄g sarya i ngɔr. Kɔŕ rɔ̄nel̄ a ɓār̄ dɔ mbal̄ gə̄ tə́ to̰ alé, banī i ɓōĺ n a rāā de gə̄.

SOPONI 1:15

Ndɔ̄ ngeé ń noō i ndɔ̄ yā wōn̄g ō, wur kɔl ō, i ndɔ̄ yā ɓōĺ ō, loo kə́ nujə ō, i ndɔ̄ yā yo ō, loo kə́ ndɔ̄ɔ́ ō, i ndɔ̄ yā loo kə́ risə til ō, yā kil̄ man̄ gə̄ ō, i ndɔ̄ yā kə́ tuútu ō.

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.