IJAI 22:23 - Bibəl ta Sar̄

²³ M-ā m-ə́lan nang tə́ tītə̄ kāgə̄ kə́ kəla nang tə́ loo kə́ ngan̄g tə́ beē ō, de gə̄ a ɔsən̄ gɔn kojə yā bɔbə̄n i kə ta kūl̄neé ō.

Bible sar

²³ M-ā m-ə́lan nang tə́ tītə̄ kāgə̄ kə́ kəla nang tə́ loo kə́ ngan̄g tə́ beē ō, de gə̄ a ɔsən̄ gɔn kojə yā bɔbə̄n i kə ta kūl̄neé ō.

IJAI 22:23 Referans Kwoze

Makətūbə̄ yā Job 36:7

Ni un kumən kɔ̄ɔ́ ta de kə́ gōtə́ gə̄ tə́ alé. J-ɔrī najə̄ yā mban̄g gə̄ ń ndin̄ dɔ kōr̄ kāgə̄ mbang tə́ ní ō. Nə́ɓā əndādə́ dɔ tə́ i yā kadə̄ nin̄ o̰o̰n̄ ɓē dan i ngá̰ý. Banī nin̄ ɔjən̄ rɔ̄də́.

ESDRAS 9:8

Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

JAKARI 10:4

Ngār kə́ tayā tayā gə̄ a ḭḭn̄ Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

JEJU TEĒ KUM JA̰A̰ 3:21

Deē ń a tetə rɔ̄ɔ̄ anī m-ā m-ādə̄ a ndi seḿ dɔ kōr̄ kāgə̄ mbang yāḿ tə́, tītə̄ ń mə̄kɔ́ m̄-tetəń rɔ̄ɔ̄ á m̄-ndiń kə Bɔbə́ḿ dɔ kōr̄ kāgə̄ mbang yān tə́ ō ní.

KOHELET 12:11

Najə̄ kɔr̄ ngé kum kedə̄ gə̄ to i tītə̄ kāgə̄ kə́ ta katə gə̄ ō. Gosə̄ najə̄ kə́ kɔsə nja naā tə́ gə̄ ton̄ i tītə̄ máyá̰ gə̄ kə́ udən̄ majə ō. Yá̰á̰ ń nge kul̄ kə́ kógə̄ḿ beē adə̄ karī ní n noó.

ESTER 10:3

Tɔdɔ̄ kem ɓē ko̰o̰ yā mban̄g Jerses tə́ ní de kə́ utə̄ gō mban̄g Jerses i Mardose ń ni i Jipə deē ní. Mardose i de kə́ bo kə́ dan Jipə gə̄ tə́ ō, nel̄ ngákó̰o̰n kə́ Jipə gə̄ malang seneé ō. Ni sāā yá̰á̰ kə́ majə tām̄ yā gír deē yān gə̄ tə́ ō, ɔr̄ najə̄ lápə́ya tām̄ yādə́ tə́ ō.

ESTER 4:14

Tɔdɔ̄ ré na ndi tan mbóo dan ń toō tə́ anī, a rāān̄ kə Jipə gēé kə ta róbə́ kə́ rangaá kadə̄ nin̄ a ajən̄. Banī ni na a oy, adə̄ ta gír kojə yān na a udə kɔ̄ɔ́. Tá i náā n ger̄? Majanī ni na tél nə̄yá̰ mban̄g i kadə̄ əndāń rɔ̄n ta yá̰á̰ kə́ beé gə̄ tə́.

IJAI 22:24

De gə̄ malang kə́ kem kújə yān tə́, kə́ ngɔr ngá̰ý gə̄ aké kə́ sa̰y gə̄ ní, a naān̄ rɔ̄də́ tū yān tə́ tītə̄ ngán gájə́ yá̰a̰ rāā kəla gə̄ kə́ deē naā tū gində̄ kə́ dɔ rugə kə́ kəla kadə bɔr tə́ beé, ḭḭ dɔ bay gə̄ tə́ bátə́ ugə̄ dɔ səmbē kə́ laa gə̄ tə́. I yá̰a̰ kətō kə́ ba̰ý beé!

IJAI 22:25

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ndɔ̄ kógə̄ḿ tə́ anī, gində̄ kə́ dɔ rugə kə́ kəla kadə bɔr tə́ ní a tetə. Tá əlan̄ gində̄ ní i loo kə́ ngan̄g tə́. Gində̄ ní a tetə ō, a əsō ō. Loo ń noō tə́ a nujən̄ yá̰á̰ ń kété ni ətō ní kɔ̄ɔ́. Tɔdɔ̄ i Kɔ́ɔ̄ɓē n ɔr̄ najə̄.