IJAI 22:14 - Bibəl ta Sar̄

¹⁴ Banī Kɔ́ɔ̄ɓē kə́ bo kə́ tɔ́gən i ngá̰ý ədam̄ najə̄ ń toō adə̄ m-ōō, ni-əda na: m̄-túbə, yá̰á̰ kə́ gōtə́ aĺ ń ī-rāāī toó, a mā̰ȳn̄ rɔ̄də́ dɔ tə́ yā kadə̄sí alé i bátə́ kadə̄ óyiīń. Najə̄ ń Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda ní n noó.

Bible sar

¹⁴ Banī Kɔ́ɔ̄ɓē kə́ bo kə́ tɔ́gən i ngá̰ý ədam̄ najə̄ ń toō adə̄ m-ōō, ni-əda na: m̄-túbə, yá̰á̰ kə́ gōtə́ aĺ ń ī-rāāī toó, a mā̰ȳn̄ rɔ̄də́ dɔ tə́ yā kadə̄sí alé i bátə́ kadə̄ óyiīń. Najə̄ ń Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda ní n noó.

IJAI 22:14 Referans Kwoze

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

IJAI 5:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda adə̄ m-ōō ní n toó: m̄-túbə̄ kə rɔ̄ḿ, a nujən̄ kújə gə̄ ń noō malang kɔ̄kə́. Kújə́ kə́ bo kə́ majə gə̄ ń noō, deē a ndi kemeé alé.

1 SAMUEL 3:14

I tām̄ najə̄ ń noō tə́ n m̄-túbə m-ādə̄ de kə́ gír kojə yān tə́ gə̄ m-ə́da na: Yá̰a̰ tun̄ gə̄, aláa yá̰a̰ ndējə̄ gə̄ a asən̄ kɔl̄ yá̰á̰ kə́ majaĺ ń de kə́ gír kojə yā Eli tə́ gə̄ rāān̄ ní aĺ bátə́ ní.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.

IJAI 30:13

I beé ní, yá̰á̰ kə́ gōtə́ aĺ ń toō a to i tītə̄ loo kə́ njar tū ndogə̄ mbal̄ kə́ bo tə́ beé tām̄ yāsí tə́. Loo agə̄ gul tū ndogə̄ mbal̄ tə́ ō, kə̄ ta jī tə́ noō ndogə̄ mbal̄ teē əsō ō.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

1 SAMUEL 9:15

Ba Kɔ́ɔ̄ɓē tāā Samuel rāā ndɔ̄ kógə̄ḿ pá tá kadə̄ Saul ugə̄ ɓáý. Ni-əda Samuel na:

IJAI 31:2

Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

IJAI 65:20

Ngōn̄ kásə̄ kə́ yā ndi ndɔ̄ kóndóńg wań ngóy a koy kɔ̄ɔ́ a gətóo ō. De kə́ tɔgə kə́ yā gān̄g koy kanjə̄ tɔgə ɓə́ga a gətóo ō. De kə́ dūú tɔȳ madə̄n gə̄ a rāā ɓāl̄ ɓú tá a oy ō, de gə̄ a rāān̄ koy kə́ kanjə̄ kadə̄ ɓāl̄ deē i ɓú i ndɔ̄ĺ kə́ reē dɔ deē tə́ tə́.

2 SAMUEL 6:23

I tām̄ najə̄ ń noō tə́ n Mikal ngōn̄ Saul ojəń ngōn̄ aĺ bátə́ oyń ní.

AMOS 8:7

Kɔ́ɔ̄ɓē ənī ndūn kə ngangá ngá̰ý əda na: Israel ɔjə rɔ̄n kə ɓē yānneé. I beé ní, m̄-túbə̄ kə ɓē ń toō, loo rāā yá̰a̰ yāsí gə̄ ní, dɔḿ a ndigə̄nal aĺ i kə́ bátə́ gə̄ tə́.