IJAI 22:13 - Bibəl ta Sar̄

¹³ Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

Bible sar

¹³ Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə *nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

IJAI 22:13 Referans Kwoze

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

1 KORḚNTƏ 15:32

Rɔ̄ɔ̄ ń m̄-rɔ̄ɔ̄ kə dā̰ gēé kem ɓē kə́ Epejə tə́ ní, ré m̄-ra i dɔ gír̄ yā deē ndul gə̄ tə́ anī a teēm̄ i rí? Ré de gə̄ ń oyn̄ ní a ndólə̄n̄ aĺ anī, ādə̄ j-əsaī ō, j-a̰yī ō, tɔdɔ̄ bírí anī j-a j-ɔyiī.

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

IJAI 5:22

I yá̰á̰ kə́ to kum kaȳ aĺ kə́ ba̰ý beē, tām̄ yā ngé gə̄ ń nin̄ i go̰ kasə gə̄ ō, gerə̄n̄ tə́la kasə kə́ ngan̄g gə̄ naā tə́ ngá̰ý ō ní!

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

IJAI 5:11

I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

IJAI 26:10

Ba ré deē o̰o̰n tām̄ yā de kə́ majaĺ gə̄ tə́ anī, nin̄ a ndóōn̄ rāā yá̰á̰ kə́ nelī alé. Kem ɓē ń deē rāā yá̰a̰ majə tū tə́ ní gə̄gē, nin̄ rāān̄ yá̰á̰ kə́ majaĺ, Kɔ́ɔ̄ɓē, nin̄ a̰a̰n̄ kadə̄ ḭ̄ i de kə́ bo alé.

IJAI 29:1

Kɔ́ɔ̄ɓē əda na: Yá̰á̰ kə́ to kum kaȳ aĺ! Ariel, Ariel! Ɓē kə́ Jerusalem ń mban̄g Dabid reē ənīn rɔ̄ɔ̄ ní! Ásə ɓōĺ gidə ndɔ̄ rāā nāā gə̄ malang, kə dɔ ɓāl̄ gə̄.

IJAI 47:8

Ngɔlaā ní, ḭ̄ ń ī-gḛy rɔ̄nel̄ ngá̰ý ní, ōō yá̰á̰ ń toō: Ḭ̄ ī-ndi nang tə́ jəke ī-gírəń najə̄ ń toō ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo. M-ā m̄-tél dəyá̰ kə́ ngaa koy aĺ i kə́ bátə́ gə̄ tə́ ō, m-ā m̄-tḭ̄ḭ̄ ta ngánə́ḿ gə̄ aĺ ō!

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.