IJAI 22:12 - Bibəl ta Sar̄

¹² Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

Bible sar

¹² Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

IJAI 22:12 Referans Kwoze

JOEL 2:17

Ādə̄ ngé tun̄ yá̰a̰ gə̄ ń i de kə́ bo gə̄ yā Kɔ́ɔ̄ɓē ní ran̄ mbənā ngōn̄ kújə́ kə́ ta róbə́ tə́ kújə yā Kɔ́ɔ̄ɓē tə́ kə loo tun̄ yá̰a̰ ba nōōn̄ tə́. Ādə̄ ədan̄ na: Kɔ́ɔ̄ɓē, á̰a̰ kum tō ndoō yā gír deē yāí gə̄. Ī-lōō rāā kadə̄ yá̰á̰ kə́ to rɔ̄sɔl̄ ə̄sō dɔ yá̰a̰ kənge yāí tə́, yā kadə̄ nápar de gə̄ lúrən̄də́. I tām̄ rí tə́ á de gə̄ ədan̄ dan gír nápar de gə̄ tə́ na Nə́ɓā yādə́ i rá ní?

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

MISE 1:16

Sḭḭ̄ de kə́ Jerusalem gə̄, ī-ró̰yī nənga dɔsí gə̄ ō, ī-dəsāī dɔsí ɔ́jiīń kadə̄ ə́hɔī ndoō, najə̄ yā ngáńsí gə̄ kə́ ī-tariīdə́ ngá̰ý tə́! Ādə̄ nənga gətóo dɔsí tə́ tītə̄ yā míndə māl̄ beé, tɔdɔ̄ a ɔyn̄ ngáńsí gə̄ ngeé ń toō yā kaw̄ sedə́ dɔ ɓē kə́ rang tə́ dɔ gúú tə́, sa̰y rɔ̄sí tə́.

JAKƏ 5:1

Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

JONAS 3:6

Mban̄g kə́ Ninibə oō kōō yá̰á̰ ní. Anī ni-ḭḭ kɔ̄ɔ́ dɔ kōr̄ kāgə̄ mbang yān tə́. Ni-ɔr̄ kūbə̄ mban̄g kə́ rɔ̄n tə́ kɔ̄ɔ́, ba əla kūbə̄ kəhɔ ndoō rɔ̄n tə́ ō, ndi kum bū tə́ ō.

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

KOHELET 3:11

Nə́ɓā ɔjə kum mbang ń kadə̄ yá̰a̰ gə̄ a rāān̄neé yá̰á̰ ní kógə̄ḿ kógə̄ḿ kə gō naá. Ni-əndā ɓō ger̄ gír yá̰á̰ kə́ mān̄ kɔ̄ɔ́ ō, kə́ a reē ɓáý ō kem de gə̄ tə́. Banī j-asiī ger̄ kum kəla rāā Nə́ɓā kə ta njaá malang alé.

KOHELET 3:4

Kum mbang kə́ yā kadə̄ deē nōoń i noó ō, ni kə́ yā kadə̄ deē əgōń i noó ō. Kum mbang kə́ yā kadə̄ deē nōoń rɔ̄n i noó ō, ni kə́ yā kadə̄ deē ndāməń i noó ō.

Makətūbə̄ yā Job 1:20

Anī Job ḭḭ dɔɔ́, əhɔ ta kūbə̄ kə́ dɔ madə̄ gə̄ tə́ kə́ rɔ̄n tə́ rə̄yā̰ ō, dəsā dɔn ō. Gō tə́ anī əsō sébə kumən nang tə́

NEHEMI 9:9

Á̰a̰ kaají gə̄ loo ka̰a̰ tápə̄ tə́ dɔ nang kə́ Ejiptə tə́ ō, ōō kɔŕ ń əgan̄ ta bā tə̄ɓā gə̄ tə́ ní ō.

ESDRAS 9:3

Dan ń m-ōō najə̄ ń noō ní, m-ə́hɔ kūbə̄ yāḿ kə́ gír madāá m̄-*rə̄yā̰ ō, m̄-rə̄yā̰ nge kə́ dɔ madə̄ tə́ ō, m̄-ró̰ȳ nənga dɔḿ ō, mbāyə́ḿ ō, m̄-ndi nang tə́ ō, tɔdɔ̄ tɔ́gə́ḿ ur̄ wak kɔ̄ɔ́.

2 YÁ̰A̰ GƏ̄ 35:25

Jeremi nge koō ta rāā pā kógə̄ḿ nōoń Josias. Əla gír ndɔ̄ ń noō tə́ bátə́ ɓōólaā ní, gōsə̄ pā kə́ dəngam gə̄ ō, kə́ dəyá̰ gə̄ ō, malang a ɔrə̄n̄ i najə̄ yā Josias kem pā nōō rɔ̄ yādə́ gə̄ tə́, tɔdɔ̄ tél i jī bēl̄ loo rāā yá̰á̰ kə́ dɔ nang kə́ Israel tə́ kɔ̄ɔ́. Ndangən̄ pā gə̄ ní i kem makətūbə̄ pā nōō rɔ̄ gə̄ tə́.

IJAI 3:24

Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

IJAI 26:10

Ba ré deē o̰o̰n tām̄ yā de kə́ majaĺ gə̄ tə́ anī, nin̄ a ndóōn̄ rāā yá̰á̰ kə́ nelī alé. Kem ɓē ń deē rāā yá̰a̰ majə tū tə́ ní gə̄gē, nin̄ rāān̄ yá̰á̰ kə́ majaĺ, Kɔ́ɔ̄ɓē, nin̄ a̰a̰n̄ kadə̄ ḭ̄ i de kə́ bo alé.

IJAI 29:1

Kɔ́ɔ̄ɓē əda na: Yá̰á̰ kə́ to kum kaȳ aĺ! Ariel, Ariel! Ɓē kə́ Jerusalem ń mban̄g Dabid reē ənīn rɔ̄ɔ̄ ní! Ásə ɓōĺ gidə ndɔ̄ rāā nāā gə̄ malang, kə dɔ ɓāl̄ gə̄.

IJAI 32:11

Sḭḭ̄ dəyá̰ gə̄ ń ɔ́jiīń na yá̰a̰ na a rāāsí aĺ ní, ī-ndewiī! Sḭḭ̄ ń ī-taāī kem rɔ̄sí mámák ní, ī-ndiī kə sōlōó! Ī-ró̰yī kūbə̄ gə̄ rɔ̄sí tə́ kɔ̄ɔ́, ɔ̄rī kūbə̄ yāsí gə̄ kɔ̄ɔ́ ba ə́lāī kūbə̄ kəhɔ ndoō rɔ̄sí tə́.

IJAI 58:3

Tá nin̄ ədamə̄n̄ na: Ré á̰a̰n aĺ anī ī-*ndi ɓō tām̄ yā Nə́ɓā tə́ i najə̄ rí tə́? Ré j-ə̄ndā ma̰ȳn á̰a̰n ī-gerə̄n aĺ anī, jə-téliī kə rɔ̄jí kə̄ nang tə́ adə̄ jə-dúūī i tām̄ rí tə́? Anī m̄-tūr̄ m-ə́da na: Ndɔ̄ ń sḭḭ̄ ī-*ndiīń ɓō tə́ ní, sḭḭ̄ á̰a̰ī gō kəla yāsí gə̄ ō, ī-rāāī ngé kəla yāsí gə̄ majaĺ ō.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

JEREMI 7:29

Ə́ja nənga dɔí ń ɔjə kadə̄ ɔ̄r̄ kamí tām̄ yā Nə́ɓā tə́ ní ba ī-ɓōkə́ kɔ̄ɔ́. Ə̄nī pā nōō rɔ̄ kum róbə gə̄ tə́, tɔdɔ̄ Kɔ́ɔ̄ɓē kídə̄ de gə̄ ń rāānən̄ adə̄ ənge wōn̄g ní ō, əya̰də́ kɔ̄ɔ́ ō.

JEREMI 16:6

Kem ɓē ń toō tə́ ní, de kə́ bo gə̄ ō, de kə́ dūú gə̄ ō a oyn̄ mbak. Deē a dubə̄də́ aĺ ō, a un pā yo dɔdə́ tə́ aĺ ō, a əja rɔ̄n kə doó najə̄ yādə́ tə́ aĺ ō, a dəsā dɔn aĺ ō.

JEREMI 16:8

Ā údə kem kújə́ kə́ de gə̄ a əsan̄ yá̰a̰ nāā tū tə́ tə́ yā ndi ta kār̄ tə́ sedə́ kəsań yá̰a̰ ō, ka̰ȳń ō alé.

EJEKIEL 27:31

Nin̄ dəsān̄ dɔdə́ ō, a o̰o̰n̄ kūbə̄ kəhɔ ndoō ō, najə̄ yāí tə́. Nin̄ a nōōīn̄ kə man̄ kumdə́, tɔdɔ̄ kemdə́ nel̄də́ aĺ ngá̰ý ō, nin̄ a nōōn̄ rɔ̄də́ kə wur katāá ō.

DANIEL 5:1

Mban̄g Baltajar rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́. De gə̄ ní i deē dūbú. Ni a̰ȳ kasə nduú sedə́.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.

JOEL 1:8

Ī-nō rɔ̄í, tītə̄ ngōmandə kə́ ger̄ dəngam aĺ ɓáý kə́ o̰ō̰ sákə̄ kūbə̄ rɔ̄n tə́, yā nōoń dəngam ń əhɔ gātə̄n dan ń ni i mandən tə́ ní.

IJAI 37:1

Dan ń mban̄g Ejekias oō najə̄ ní anī, rə́yā̰ kūbə̄ kə́ rɔ̄n tə́ ō, əla kūbə̄ kəhɔ ndoō rɔ̄n tə́ ō, ba aw̄ kem kújə yā Kɔ́ɔ̄ɓē tə́.

IJAI 37:2

Ni-əla Eliakim ń i ngār kə́ dɔ kújə ngol tə́ ní ō, Sebəna nge ndang makətūbə̄ ō, ngé tun̄ yá̰a̰ gə̄ kə́ nin̄ tɔgən̄ tɔȳn̄ madə̄də́ gə̄ ō, ɓē Ijai nge koō ta kə́ ngōn̄ Amots tə́. De gə̄ ngeé ń toō nin̄ o̰ō̰n̄ i kūbə̄ kəhɔ ndoō ō.

JOEL 2:12

Kɔ́ɔ̄ɓē ɔr̄ najə̄ əda na: Ngɔlaā ní, ī-teliī kə̄ rɔ̄ḿ tə́ kə ngarā̰ kemsí malang. Ī-*ndiī ɓō tām̄ yāḿ tə́ ō, ī-nōōī ō, ī-sɔ̄míī ō.