IJAI 22:1 - Bibəl ta Sar̄

¹ Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

Bible sar

¹ Najə̄ yā wól loo kə́ deē a̰a̰ yá̰a̰ tū tə́. Sḭḭ̄ de kə́ Jerusalem gə̄, i tām̄ rí tə́ á sḭḭ̄ malang ālī dɔ kújə gə̄ tə́ dɔɔ́ ní?

IJAI 22:1 Referans Kwoze

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

PĀ GƏ̄ 125:2

Mbal̄ bo gə̄ gīrə̄n̄ gidə ɓē kə́ Jerusalem. Kɔ́ɔ̄ɓē gīr̄ gidə deē yān gə̄ i tītə̄ ń noō ō, i ngɔr ń toō tə́ ō, bátə́ kə̄ no tə́ ō.

IJAI 15:3

Nin̄ əlan̄ kūbə̄ kəhɔ ndoō rɔ̄də́ tə́ njə̄rān̄neée kum róbə kɔsə gə̄ tə́. Nin̄ ran̄ kə̄ ta kújə gə̄ tə́ ō, kə̄ ndágə loo gə̄ tə́ ō ənīnəń pā yo ō, de gə̄ malang nōōn̄ ō.

Makətūbə̄ ń Pol ndang adə̄ Rom gə̄ ní 3:2

Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.

MISE 3:6

I tām̄ najə̄ ń noō tə́ n tām̄ yāsí sḭḭ̄ ngé koō ta gə̄ ɓáa, loo ndɔ̄ kɔ̄ɔ́ ní. Sḭḭ̄ ā á̰a̰ī yá̰á̰ kógə̄ḿ to̰ alé. Tām̄ yāsí sḭḭ̄ tə́ ɓáa, loo risə til nding. Dɔsí a ədasí yá̰á̰ kógə̄ḿ to̰ alé. Mbang a udə kɔ̄ɔ́ tām̄ yāsí tə́, loo kə kadaá a risə til.

JEREMI 48:38

Deē a oō i nōō rɔ̄ dɔ kújə gə̄ kə́ Moab tə́ ō, ndágə loo gə̄ tə́ ō. m̄-tetə Moab naā tə́ tītə̄ yá̰á̰ kə́ nelə̄m̄ aĺ beē. Najə̄ ń Kɔ́ɔ̄ɓē əda ní n noó.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

Gōsə̄ najə̄ gə̄ 29:18

Dan ń Nə́ɓā teē kum ngé ka̰a̰ yá̰a̰ gə̄ dɔ yá̰á̰ tə́ to̰ aĺ anī de gə̄ a rāān̄ i yá̰á̰ ń kemdə́ ndigə ní kanjə̄ kəhɔ rɔ̄də́ dɔ tə́, banī deē ń rāā yá̰á̰ ń ndū najə̄ əda ní rɔ̄n nelə̄n!

PĀ GƏ̄ 114:5

Bā bo, ā̰ȳ i tām̄ rí tə́? Bā Jurdḛ, ī-tél kə gōí i tām̄ rí tə́?

2 MBAN̄G 6:28

Gō tə́ anī mban̄g dəjen na ké gḛy i rí wa. Anī dəyá̰ ní tél ədan na: Dəyá̰ ń toō ədam̄ na kə j-əsa ngōnə̄ḿ ba ré kə teē kə bírí anī kə j-əsa yān.

2 SAMUEL 14:5

Mban̄g dəjen na ké i rí n rāān wa. Anī ni-tél ədan na: Mā i dəyá̰ kə́ nge kəla ndoō. Ngaḿ oy kɔ̄ɔ́,

1 SAMUEL 11:5

Kum mbang ngeé ń noō tə́ ní Saul tél bembeé kə man̄g yān gēé. Ni-dəje de gə̄ na ké i rí n rāā yá̰á̰ á de gə̄ a nōōn̄ naā beé wa. Anī ɔjənən̄ najə̄ ń de kə́ Yabes gə̄ ədan̄ ní.

1 SAMUEL 3:1

Ba Samuel ń i ngōn̄ ní, a rāā kəla yā Kɔ́ɔ̄ɓē i ta kum Eli tə́. Dan ngeé ń noō tə́ ní Kɔ́ɔ̄ɓē a ɔr̄ najə̄ kə deé i láẃ láẃ aĺ ō, a rāā kadə̄ deē a̰a̰ yá̰a̰ i láẃ láẃ aĺ ō.

NGÉ SARYA 18:23

Nin̄ əgan̄ kɔŕ dɔ de gə̄ yā Dan tə́ anī de gə̄ ní tūrə̄n̄ tadə́ ba ədan̄ Mika na ké i rí n rāān áké ndang de gə̄ kə ngɔ̄dɔ̄ɔ́ beē wa?

NDŪ NAJƏ̄ 22:8

Ré ī-rāā kújə́ dúŕ dur anī, ə̄ndā bɔr ta tə́ dɔɔ́, kadə̄ ɔgə̄ deē kḭḭ dɔ tə́ kəsō, na sōgə́ deē ḭḭ dɔ tə́ əsō oy anī, mósən dum̄ dɔí tə́.

TA KƏLA 21:17

Nə́ɓā oō ndū ngōn̄ ní loo sɔ̄ḿ tə́, adə̄ nge kəla yā Nə́ɓā ndi dɔ rā̰ tə́ ɓāŕ Agar, ədan na: Agar, i rí n rāāī? Ī-lōō sōl̄, tɔdɔ̄ Nə́ɓā oō ndū ngōn̄ loo sɔ̄ḿ tə́ loo ń to tū tə́ tə́ ní.

MATIYE 10:27

Najə̄ ń m-ə́dásí kum til tə́ ní, ə́daī loo kə́ kadaá tə́ ō, najə̄ ń kɔdə̄n̄ ta mbīsí tə́ ní, ə̄nīī kə́ mbēr̄ tə́ dɔ kújə tə́ dɔɔ́ ō.

IJAI 22:5

Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

JEREMI 19:13

Kújə́ kə́ Jerusalem tə́ gə̄ ō, Juda tə́ gə̄ ō, a télən̄ yá̰á̰ kə́ yḛr tītə̄ loo kə́ Topet tə́. Rɔ̄kum, kújə gə̄ ń noō malang ń de gə̄ róōn̄ yá̰a̰ ndējə̄ gə̄ ndágə loo gə̄ kə́ dɔ tə́ tə́ adə̄n̄ tə́yō̰ gə̄ ō, tə́ten̄ kasə nang tə́ tū tə́ adə̄n̄ nə́ɓā kə́ rang gə̄ ō ní, a télən̄ yá̰á̰ kə́ yḛr.

JEREMI 32:29

Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.

JEREMI 32:32

najə̄ yá̰á̰ kə́ majaĺ gə̄ malang ń Israel gə̄ ō, Juda gə̄ ō rāān̄ tə́ ní. Nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō, ngé koō ta yādə́ gə̄ ō, de kə́ Juda tə́ gə̄ ō, de gə̄ ń ndin̄ Jerusalem ō ní,

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.