IJAI 21:9 - Bibəl ta Sar̄

⁹ Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

Bible sar

⁹ Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ *Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

IJAI 21:9 Referans Kwoze

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

JEJU TEĒ KUM JA̰A̰ 14:8

Anī de kə́ dɔ rā̰ tə́ kə́ rang kə́ nge ko̰ jōó utə̄ gōn, əda na: Babilon ń i ɓē bo ní, əsō kɔ̄ɔ́, əsō kɔ̄ɔ́! Ni-adə̄ nápar de gə̄ malang kasə nduú ń i ájə́ba kɔ̄r̄ yān ní adə̄ a̰ȳn̄.

JEREMI 51:8

Ba Babilon teē əsō gidə kógə̄ḿ ō, tétə̄ rárák ō. Ī-nōōī najə̄ yān tə́, ī-rāāī bəto kāgə̄ ta don tə́, na majanī do ní a edə̄.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

IJAI 13:19

Babilon ń i ɓē kə́ majə tɔȳ ɓē gə̄ kə́ kem ɓē ko̰o̰ tə́ ō, i yá̰á̰ súū rɔ̄ kə́ majə ngá̰ý yā de gə̄ kə́ Babilon ō ní, tām̄ yān tə́ ɓáa nujə sák sák ń a teē dɔn tə́ rétə́ gēé ní, i tītə̄ nge ń teē dɔ ɓē kə́ Sodom tə́ ō, Gomor tə́ ō ní, ɓē gə̄ ń noō ń Nə́ɓā nujəń kɔ̄ɔ́ ní.

JEJU TEĒ KUM JA̰A̰ 18:21

Anī de kə́ dɔ rā̰ tə́ kógə̄ḿ kə́ tɔ́gən i ngá̰ý, un mbal̄ kógə̄ḿ kə́ bo tītə̄ mbal̄ riī yá̰á̰ kə́ bo beé, ənī kum bā bo tə́ ba əda na: A unən̄ Babilon ń i ɓē kə́ bo ní yā kənīn gidə kógə̄ḿ tītə̄ ń noō ō, a əngen̄ ɓē kə́ Babilon gogə́ to̰ aĺ ō.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

JEREMI 51:52

I tāmə̄n̄ ń toō tə́ n m-ā m̄-nujə ɓesə̄ yān gə̄ kem ndɔ̄ gə̄ ń a reēn̄ tə́ noō ní. De gə̄ ń əngen̄ do kə́ asə yodə́ kem yān tə́ kə taá ní, a to̰ō̰n̄ rus rus.

JEREMI 51:47

Ká ré i beé gə̄gē anī, ndɔ̄ gə̄ a reēn̄ noó kadə̄ m-ā m̄-nujə ɓesə̄ gə̄ kə́ Babilon ō, rɔ̄ ɓē kə taá malang a sɔlən̄ najə̄ yá̰á̰ ní tə́ ō. Deē yān gə̄ malang ń əngen̄ do kə́ asə yodə́ ní, a tə́sōn̄ ndágə loo yān gə̄ tə́ ō.

JEREMI 51:27

Údiī dərapóo rɔ̄ɔ̄ ādī ra dɔɔ́, ī-kɔ̄ríī tōw̄ dan nápar de gə̄ tə́. Ɔ́siī dɔ nápar de gə̄ naā tə́ ādə̄ ənīnən̄ rɔ̄ɔ̄. Ī-ɓāríī ɓē ko̰o̰ gə̄ kə́ Ararat ō, Mini ō, Asəkenas ō, ādə̄ rɔ̄ɔ̄nən̄. Ī-tə́ndāī ngé kɔy de gə̄ áskaraá gə̄ ādə̄ ɔyn̄ de gə̄ rɔ̄ɔ̄nəń ɓē kə́ Babilon. Ɔ́siī dɔ sə́nda gə̄ naā tə́, ādə̄ ran̄ kadə naā tə́ meje meje tītə̄ yim̄ gə̄ beé.

JEREMI 50:42

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum tō ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Babilon, nin̄ ndin̄ dɔ sə́nda gə̄ tə́ ba ran̄ kə ta naá, tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

JEREMI 50:38

Ādī kaskar ɔdə kum man̄ yān gə̄ adə̄ iīn̄ kɔ̄ɔ́. Babilon i ɓē yā ɓesə̄ kə́ tɔ́sə̄ gə̄. I yá̰á̰ kə́ to yḛr kum gə̄ kə́ rāān̄ ngé rāā ɓesə̄ gə̄ ní adə̄ ɔrə̄n̄ najə̄ mbitə mbitə.

JEREMI 50:29

Ɔ́siī dɔ ngé kur gərā gə̄ naā tə́, ngé kɔr gō gərā gə̄ malang. Ə̄ndāī gérger ī-gīrīiń gidən. Ādī deē kógə̄ḿ teē ta yo tə́ alé! Ə̄gāniī kə̄rā háĺ yá̰a̰ rāān gə̄, ī-rāāniī yá̰á̰ ń ni-rāā ní. Tɔdɔ̄ ni ngonjə̄ dɔ Kɔ́ɔ̄ɓē tə́, dɔ kə́ táĺ yā Israel tə́.

JEREMI 50:9

A̰á̰ā̰, m-ā m̄-ɓāŕ nápar de kə́ ngá̰ý gə̄ kə́ mbɔ́r ɓē kə́ ko̰ó̰ tə́ ń ɓoon̄ naā ní, kadə̄ aw̄ ənīn̄ ɓē kə́ Babilon rɔ̄ɔ̄. Nin̄ a əndān̄ rɔ̄də́ kə ta naá yā kənīnneé rɔ̄ɔ̄ ō, gír yān a gān̄g ō. Kum gərā yādə́ gə̄ a nalə̄n̄ yá̰a̰ alé, tītə̄ go̰ rɔ̄ɔ̄ kə́ jīn atə ngá̰ý beē.

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

IJAI 21:7

Ré ní a̰a̰ púsə rɔ̄ɔ̄ gə̄ kógə̄ḿ kə́ i sə́nda gə̄ jōó n a unən̄ aláa a̰a̰ de gə̄ dɔ kərō gə̄ tə́ aláa a̰a̰ de gə̄ dɔ jámbal gə̄ tə́ anī, majə kadə̄ əndā kumən gírí, a̰á̰ā̰ majə, kadə̄ əndā kumən gírí ngá̰ý.

IJAI 47:5

Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

IJAI 47:9

I beé ní, yá̰á̰ kə́ to kum kaȳ aĺ kə́ gír jōó gə̄ ń toō a teēn̄ dɔí tə́ i gidə kógə̄ḿ. Kem ndɔ̄ kə́ kógə̄ḿ beē tə́ ní, ā ī-tḭ̄ḭ̄ ta ngání gə̄ ō, ā ī-tél dəyá̰ kə́ ngaa koy ō. Yá̰a̰ malang ń ngé kəga gə̄ rāān̄ ní ō, yá̰a̰ malang ń ngé mbōlí gə̄ rāān̄ ō ní, a asən̄ kɔgə̄ yá̰á̰ ń noō rāā yá̰a̰ alé.

IJAI 48:14

Sḭḭ̄ malang, ɔ́siī dɔsí naā tə́ ba ōōī: M-āw̄ kə madə́ḿ kógə̄ḿ Ni-rāā yá̰á̰ ń m̄-ndigə ní kə ɓē kə́ Babilon, ni a rāā kadə̄ de kə́ Babilon gə̄ gerə̄n̄ gō tɔ́gə́ḿ. Ba dansí tə́ ní, i náā n əda najə̄ yā yá̰á̰ ń noō kété no tə́ ní?