IJAI 21:4 - Bibəl ta Sar̄

⁴ Dɔḿ ndi kə gōó alé, ɓōĺ rāām̄ adə̄ m̄-ndew. m̄-ngóō loo kə́ loo tíbí yā kadə̄ loo sɔlə̄m̄ lɔm sḛ́ý, ba ń toō ɓáa loo kə́ ndɔ̄ɔ́ əla ɓōĺ kemḿ tə́.

Bible sar

⁴ Dɔḿ ndi kə gōó alé, ɓōĺ rāām̄ adə̄ m̄-ndew. m̄-ngóō loo kə́ loo tíbí yā kadə̄ loo sɔlə̄m̄ lɔm sḛ́ý, ba ń toō ɓáa loo kə́ ndɔ̄ɔ́ əla ɓōĺ kemḿ tə́.

IJAI 21:4 Referans Kwoze

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

DANIEL 5:5

Kə̄ ta jī tə́ noō jī deē teē hɔy, ngɔr kə̄ kadə kāgə̄ hor tə́ ba ndang yá̰a̰ kadə bɔr kújə yā mban̄g ń rāān̄ ho̰ rō̰ kə́ ndaa tū tə́ ní tə́. Dan ń mban̄g a̰a̰ jī deē ń a ndang yá̰á̰ ní anī

DANIEL 5:1

Mban̄g Baltajar rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́. De gə̄ ní i deē dūbú. Ni a̰ȳ kasə nduú sedə́.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 51:39

rɔ̄də́ a əɓa təngā ō anī, m-ā m-ə̄ndā dɔ yá̰a̰ kəsa kə́ ngá̰ý naā tə́ tām̄ yādə́ tə́, m-ā m-ādə̄də́ kasə kadə̄ rāādə́ ngá̰ý ō, nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ bátə́ ō. Najə̄ ń Kɔ́ɔ̄ɓē əda ní n noó.

ESTER 5:12

Gō tə́ anī əda na: Tá ɓáý to̰ ní yá̰a̰ kəsa ń Ester nə̄yá̰ mban̄g rāā ní i mā ngóy n ni ɓārə́m̄ ta kəsa adə̄ m-āw̄ loon tə́ ɓōólaā kə mbangāá ní. Tá i mā n ni ɓārə́m̄ ta kəsa yá̰á̰ bírí kadə̄ m-āw̄ loon tə́ kə mbangāá ɓáý to̰ ní.

NDŪ NAJƏ̄ 28:67

Yá̰a̰ gə̄ ń a rāān̄ yá̰á̰ á ā á̰a̰ā̰ ní kemií a gān̄g man̄. Adə̄ ré loo i dəloí anī ā ə́da na ké loo a tíbə i rə́ngáý tə́ wa ō, ré loo tíbə anī ā ə́da na ké loo a tīī i rə́ngáý tə́ wa ō.

DANIEL 5:30

Ndɔ̄ɔ́ ndɔ̄ nəkɔ́ noō tə́ tɔ̄lə̄n̄ Baltajar mban̄g kə́ Babilon.

NDŪ NAJƏ̄ 32:11

Tītə̄ ń kə̄rō a nēləń dɔ ngánən tə́ ba a mērə̄n̄də́ kḭḭ bɔ̄gə̄, aké a jā̰a̰ń bɔ̄gə̄n gíŕdə́ tə́ yā kɔgə̄ńdə́ kəsō ní, Kɔ́ɔ̄ɓē to i tītə̄ ń noō tām̄ yā deē yān gə̄ tə́ ō.

PĀ GƏ̄ 55:5

m̄-ndi i kə sōlōó kekəre kemḿ tə́, ɓōĺ yo asəm̄ nák.

1 MBAN̄G GƏ̄ 1:49

De gə̄ malang ń Adonia mēr̄də́ kəsa yá̰a̰ seneé ní ɓōĺ rāādə́ adə̄ ndewn̄ yakə yakə. Nin̄ ḭḭn̄ dɔɔ́, a̰ȳn̄ naā aw̄n̄ kə̄ loo yādə́ gə̄ tə́ kógə̄ḿ kógə̄ḿ.

PĀ GƏ̄ 55:6

M-ā m̄-sōl̄ ō, m-ā m̄-ndebə ō, dā̰ḿ ndām̄ ngangan ō.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,