IJAI 21:2 - Bibəl ta Sar̄

² Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

Bible sar

² Kɔ́ɔ̄ɓē rāā adə̄ m-á̰á̰ yá̰á̰ kógə̄ḿ kə́ to ɓōĺ ngá̰ý: Nge ɓoo rɔ̄n tū yā madə̄n tə́ kə́ kété jóo, tél nge tél kɔ̄ɔ́ gō madə̄n tə́, nge nujə loo rāā kəla yān. Kɔ́ɔ̄ɓē əda na: Elam gə̄, ə̄nī rɔ̄ɔ̄! Sḭḭ̄ Medə gə̄, ī-gīrī gidə ɓē! M-ā m̄-rāā kadə̄ gír kɔjə rɔ̄ yān malang gān̄g.

IJAI 21:2 Referans Kwoze

JEREMI 49:34

Najə̄ ń Kɔ́ɔ̄ɓē ɔr̄ kə Jeremi nge koō ta tām̄ yā ɓē kə́ Elam tə́, dan ń Sedekias, mban̄g kə́ Juda əlań gír ko̰o̰ ɓē ní n toó.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 24:16

J-oō pā ń toō ta ngóy dɔ nang tə́: Kɔsə gɔn i yā Nə́ɓā kə́ nge rāā yá̰á̰ kə́ gōtə́! Banī mā m-ə́da na: Taḿ tḭ̄ḭ̄ kɔ̄ɔ́, taḿ tḭ̄ḭ̄ kɔ̄ɔ́, i yá̰á̰ kə́ to kum kaȳ aĺ kə́ ba̰ý beē tām̄ yāḿ mā tə́! Ngé tél kɔ̄ɔ́ gō de gə̄ tə́ gə̄ teēn̄ kə gír madə̄də́ gēé dɔɔ́. Teē kə gír naá dɔɔ́!

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.

JEJU TEĒ KUM JA̰A̰ 13:10

Deē ń kadə̄ aw̄ ɓəloó anī, a aw̄ ɓəloó ō, deē ń kadə̄ oy yo kaskar anī, a oy yo kaskar ō. I yá̰á̰ ń noō n majə kadə̄ de gə̄ yā Nə́ɓā ɔjən̄ kadə̄ nin̄ i de kə́ ngé tə́gā tadə́ gə̄ ō, de kə́ ngé taā kem gə̄ ō ní.

DANIEL 5:28

Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.

DANIEL 8:20

Bal batə̄ ń á̰a̰ á gajən i jōó ní i mban̄g Medə gə̄ ō Persə gə̄ ō.

NŌŌ RƆ̄ 1:22

Ādə̄ kem ndul yādə́ gə̄ malang ton̄ kə̄ dɔ ndágá ta kumií tə́ ō, ī-rāādə́ yá̰á̰ ń ī-rāā seḿ najə̄ mbātə́ najə̄ yāḿ gə̄ malang tə́ ní ō. Tɔdɔ̄ m̄-nōō rɔ̄ḿ ngá̰ý ō, rɔ̄ḿ tōrə̄m̄ kə̄ loo gə̄ tə́ ō.

JEREMI 51:53

Ká ré Babilon al̄ ndiń i dɔɔ́ dɔ rā̰ tə́, rāań loo kə́ ngan̄g utə̄ń gidən, adə̄ deē asə kugə̄ gōn tə́ aĺ gə̄gē anī, m-ā m-ə́lá ngé nujə loo gə̄ kadə̄ aw̄n̄ bátə́ ugə̄n̄ gōn tə́ yā nujə seneé. Najə̄ ń Kɔ́ɔ̄ɓē əda ní n noó.

JEREMI 51:44

m̄-nujə ɓesə̄ Bel kɔ̄ɔ́ kem ɓē kə́ Babilon tə́ ō, m̄-taā yá̰á̰ ń ni a əsa ní tan tə́ kɔ̄ɔ́ ō. Nápar de gə̄ a teēn̄ kə̄ ta loo gə̄ tə́ yā kaw̄ rɔ̄n tə́ to̰ alé. ndogə̄ mbal̄ kə́ Babilon tə́ gə̄gē əsō kɔ̄ɔ́.

JEREMI 51:11

Ɔ́liī ta kum gərā gə̄ ādī atə, Ɔ́yiī der gə̄ ō. Kɔ́ɔ̄ɓē ndól̄ ángal mban̄g gə̄ kə́ Medə tə́. A̰á̰ā̰, ni núm̄ rāā ń toō kə Babilon: I nujə seneé sák sák. I dal ba̰ā̰ yā Kɔ́ɔ̄ɓē, i dal ba̰ā̰ kə́ dɔ rā̰ tə́.

JEREMI 50:34

Ba nge rɔ̄ɔ̄ dɔdə́ tə́ tɔ́gən ngan̄g ngá̰ý, rīn na i Kɔ́ɔ̄ɓē kə́ bo kə́ tɔ́gən i ngá̰ý. Ni-ɔr̄ najə̄ kə́ tām̄ yādə́ tə́ kə ngangá ngá̰ý yā rāań kadə̄ ɓē tél ndi lɔm gogə́ ō, yā kəlań ɓōĺ kem Babilon gə̄ tə́ ō.

JEREMI 50:14

Sḭḭ̄ ngé kur gərā gə̄ malang, ə̄ndāī rɔ̄sí kə ta naá majə kə jī loo rɔ̄ɔ́ ō, ī-gīrī gidə ɓē kə́ Babilon ō. Ī-túr̄niī kə kum gərāá kanjə̄ kəya̰ gotə, tām̄ ni-rāā yá̰á̰ kə́ majaĺ kə Kɔ́ɔ̄ɓēé.

JEREMI 45:3

Ḭ̄ ə́da na: Rɔ̄ ndoō wa. Tɔdɔ̄ Kɔ́ɔ̄ɓē na tél ənī wur kɔl dɔ yá̰a̰ gə̄ ń tōrə̄n̄ rɔ̄í tə́ ní, tɔ́gí na təgā kɔ̄ɔ́ loo to̰ō̰ rus rus tə́, na á̰a̰ loo taā koō alé.

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

IJAI 47:6

Kété ní, wōn̄g rāām̄ kə gír deē yāḿ gēé. Adə̄ ngé gə̄ ń kété nin̄ i deē yāḿ gə̄ ní, m̄-kídə̄də́, m-ə́ládə́ kem jīí tə́. Kumií o̰o̰ī sedə́ alé, ḭ̄ ī-rāā adə̄ ko̰o̰ ɓē yāí ɔȳ de kə́ tɔgə gə̄ tītə̄ njúkə beé.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 22:6

Ɓūtə̄ ngé rɔ̄ɔ̄ gə̄ kə́ Elam ətōn̄ ga̰ gərā gə̄ ō, gərā gə̄ ō. Púsə rɔ̄ɔ̄ gə̄ kə́ kə ngé rɔ̄ɔ̄ gēé ton̄ ō, ngé kal̄ sə́nda gə̄ ton̄ ō. Ngé rɔ̄ɔ̄ kə́ Kir gə̄ əndān̄ dɔ der yādə́ gə̄ danaá.

Gōsə̄ najə̄ gə̄ 13:15

Deē ń ger̄ yá̰a̰ majə ní madə̄n gə̄ a ɓōlə́n̄ ndílən, ba yá̰a̰ a tōr̄ rɔ̄ ngé kem ndul gə̄ kə̄ nodə́ tə́.

PĀ GƏ̄ 79:11

Ādə̄ nōō rɔ̄ yā dəngáy gə̄ aw̄ bátə́ ugə̄ rɔ̄í tə́. De gə̄ ń gān̄gə̄n̄ sarya yo dɔdə́ tə́ ní, ḭ̄ ń tɔ́gí i ngá̰ý ní, ī-ngɔ̄m̄də́ ādə̄ ndin̄ kə kumdə́.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

1 SAMUEL 24:13

Ādə̄ Kɔ́ɔ̄ɓē gān̄g sarya kə́ dɔ dáńjí tə́ seí. Ādə̄ Kɔ́ɔ̄ɓē dal ba̰ā̰ḿ dɔí tə́. Ba mā m-ā m-ə́la jīḿ yā kɔdiīneé alé.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

PĀ GƏ̄ 25:3

De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

PĀ GƏ̄ 119:158

M-á̰a̰ de kə́ sew aĺ gə̄, nin̄ ɔrə̄n̄ wurəḿ tɔdɔ̄ rāān̄ yá̰a̰ gə̄ ń ɔ́sə kə de gēé ta rāā ní alé.

DANIEL 5:9

Adə̄ mban̄g sōl̄ ngá̰ý ō, ta kumən tetə ndaa tɔȳ kə́ kété ō, ɔr kum de kə́ bo yān gə̄ ngá̰ý ō.

TA KƏLA 10:22

Ngán Sem gə̄ n toó: Elam ō, Asur ō, Arpaksad ō, Lud ō, Aram ō.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

IJAI 14:7

Ngɔlaā ní dɔ nang malang to jəke, ni-ɔr̄ koō. De gə̄ urən̄ kɔĺ rɔ̄nel̄.

JEREMI 25:25

mban̄g gə̄ malang kə́ Jimri tə́ ō, kə́ Elam tə́ ō, kə́ Medə tə́ ō,

JEREMI 49:35

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ga̰ gərā yā Elam ń i ngaa dan tɔ́gən kə́ ngá̰ý ní, m-ā m̄-tétə̄ kɔ̄ɔ́.

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.