IJAI 21:15 - Bibəl ta Sar̄

¹⁵ De gə̄ a̰ȳn̄ naā kɔ̄ɔ́ no rɔ̄ɔ̄ tə́, a̰ȳn̄ naā kɔ̄ɔ́ no kaskar kə́ əndān̄ dɔ danaá yā kɔsəń deē tə́ tə́, no ga̰ gərā kə́ ɔrən̄ gō yā kurəńdə́ tə́, no rɔ̄ɔ̄ kə́ təngā piling tə́.

Bible sar

¹⁵ De gə̄ a̰ȳn̄ naā kɔ̄ɔ́ no rɔ̄ɔ̄ tə́, a̰ȳn̄ naā kɔ̄ɔ́ no kaskar kə́ əndān̄ dɔ danaá yā kɔsəń deē tə́ tə́, no ga̰ gərā kə́ ɔrən̄ gō yā kurəńdə́ tə́, no rɔ̄ɔ̄ kə́ təngā piling tə́.

IJAI 21:15 Referans Kwoze

IJAI 13:14

Loo ń noō tə́ mbā gə̄ kógə̄ḿ kógə̄ḿ a télən̄ yā kaw̄ gogə́ dan gír deē yādə́ gə̄ tə́, nin̄ kógə̄ḿ kógə̄ḿ a a̰ȳn̄ yā tél kaw̄ gogə́ dɔ nang yādə́ gə̄ tə́, tītə̄ kāl̄ kə́ deē ngɔ̄dən beé, tītə̄ batə̄ gə̄ kə́ de kə́ yā kɔsə njadə́ kə̄ naā tə́ gətóo beé.

IJAI 13:15

Ngé gə̄ ń a əngen̄də́ ní a urən̄də́ kə gərāá, ngé gə̄ ń a əhɔn̄də́ ní a oyn̄ yo kaskar.

IJAI 17:13

Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

IJAI 22:3

Ngol áskar yāí gə̄ malang a̰ȳn̄ naā malang ndɔ̄ naā tə́, ngé kur gərā gə̄ əhɔn̄də́ ɓəlo tə́. De gə̄ malang ń madə̄ ba̰ā̰ gə̄ əngen̄də́ ní, əhɔn̄də́ ɓəlo tə́ i naā tə́ malang, dan ń nin̄ a a̰ȳn̄ naā ní.

IJAI 31:8

A tə́gān̄ Asiri gə̄ kə kaskaraá adə̄ ni a əsōn̄, ba kaskar ní tá i yā de gə̄ alé. Kaskar ń a nujən ní i yā deē ndul alé. Asiri gə̄ a a̰ȳn̄ naā no kaskar ní tə́ ō, balsáa yādə́ kə́ ngé rɔ̄ɔ̄ gə̄ a rāān̄ kəla ngámba dɔ gúú tə́ ō.

IJAI 33:3

Dan ń gír de gə̄ oōn̄ ndūí anī, a̰ȳn̄ naā. Dan nəkɔ́ ń ḭ̄ ḭ́ḭ dɔɔ́ anī, nápar de gə̄ aw̄n̄ kə̄ loo gə̄ tə́.