IJAI 21:10 - Bibəl ta Sar̄

¹⁰ Gír deē yāḿ gə̄, sḭḭ̄ ń əndan̄sí tītə̄ loo kənda kōō gémē beé ndágə looó ní, yá̰á̰ ń m-ōō rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ ní, ni ń i Nə́ɓā yā Israel ní, n noó. I najə̄ kə́ kijə ń m̄-reē kədaī tə́ ní.

Bible sar

¹⁰ Gír deē yāḿ gə̄, sḭḭ̄ ń əndan̄sí tītə̄ loo kənda kōō gémē beé ndágə looó ní, yá̰á̰ ń m-ōō rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ ní, ni ń i Nə́ɓā yā *Israel ní, n noó. I najə̄ kə́ kijə ń m̄-reē kədaī tə́ ní.

IJAI 21:10 Referans Kwoze

JEREMI 51:33

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Babilon ń i dəyá̰ kə́ mandə ní, to tītə̄ gár̄ kə́ deē teē kemən kə̄ gogə́ kadə̄ laa beé. Sḛ́ý to̰ anī, kum mbang sāā kōō a ugə̄ tām̄ yān tə́.

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

2 MBAN̄G 13:7

Ngé rɔ̄ɔ̄ gə̄ ń əya̰n̄də́ adə̄n̄ Joakajə ní, ngé kal̄ sə́nda gə̄ i kutə mí ō, púsə rɔ̄ɔ̄ gə̄ i kutə kógə̄ḿ ō, ngé rɔ̄ɔ̄ kə́ ngé njə̄rā kə njadə́ gə̄ i dūbú kutə kógə̄ḿ ō ngóy. Tɔdɔ̄ mban̄g kə́ Aram tɔ̄l̄ gotə gə̄ ngá̰ý kɔ̄ɔ́. Ni rāādə́ i bumbə́ru nja de gə̄ tə́.

HABAKUK 3:12

Wōn̄g i ngá̰ý kemií tə́ ō, ī-njə̄rā kumií kə̄ kété dɔ nang tə́ ō. Ḭ̄ ī-rējə̄ gotə nápar de gə̄ kɔ̄ɔ́ tɔdɔ̄ wōn̄g rāāī ngá̰ý.

1 MBAN̄G GƏ̄ 22:14

Anī Mise tél əda na: Tītə̄ ń Kɔ́ɔ̄ɓē ndiń kə kumneé noō, i yá̰á̰ ń Kɔ́ɔ̄ɓē a ədam̄ ní n m-ā m-ə́dá ní!

EJEKIEL 40:4

Ni ədam̄ na: Ḭ̄ ngōn̄ deē, ī-teē kumií majə ō, ī-teē mbīí majə ō. Yá̰a̰ malang ń m-ā m-ɔ́jiī kadə̄ á̰a̰ā̰ ní, ə̄ndā kumií majə gírí. Tām̄ reēn̄ seí laā i yā kadə̄ á̰á̰ yá̰á̰ ní. Gō tə́ anī, ā ə̄nī Israel gə̄ gotə yá̰a̰ malang ń á̰a̰ā̰ ní.

IJAI 28:28

Dan ń nge ndɔr̄ a səɓā kōō gémē yā kɔr̄ kumən tayā ní, ni a ənda dɔ kōō gémē kanjə̄ dəba alé. Ni-adə̄ nja púsə gə̄gē, dā̰ gə̄ gə̄gē njə̄rān̄ dɔ tə́, banī rējə̄n̄ kum gémē gə̄ alé.

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?