IJAI 20:5 - Bibəl ta Sar̄

⁵ Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

Bible sar

⁵ Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

IJAI 20:5 Referans Kwoze

IJAI 30:5

Banī nin̄ malang ní rɔ̄də́ a sɔl̄də́ ngá̰ý, najə̄ yā gír de gə̄ kə́ a asən̄ rāā yá̰á̰ kógə̄ḿ tām̄ yādə́ tə́ aĺ tə́. De kə́ Ejiptə gə̄ a adə̄n̄sí yá̰á̰ kógə̄ḿ yā rāań sesí aĺ ō, a adə̄n̄sí yá̰á̰ kə́ a rāā majə sesí aĺ ō. Nin̄ a əlan̄ i rɔ̄sɔl̄ dɔsí tə́ ngóy ō, a rāān̄sí kadə̄ ā ī-tḭ̄ḭ̄ ta hɔ̄r̄mɔ̄ yāsí kɔ̄ɔ́ ō.

IJAI 30:3

Banī ngɔ̄m̄ ń mban̄g ngeé ń toō a ngɔ̄m̄sí ní, a əla rɔ̄sɔl̄ dɔsí tə́. Loo ɓɔ̄ɔ̄ rɔ̄ɔ̄ ń ā ī-sāāī dɔ nang kə́ Ejiptə tə́ ní, a rāā kadə̄ ā ī-tḭ̄ḭ̄ ta hɔ̄r̄mɔ̄ yāsí.

1 KORḚNTƏ 3:21

I beé ní, ādə̄ deē kógə̄ḿ ɔr ta rɔ̄n tām̄ yā de gə̄ tə́ alé. Tɔdɔ̄ yá̰a̰ malang i yāsí:

JEREMI 17:5

Najə̄ ń Kɔ́ɔ̄ɓē əda ní n toó: Ndɔ̄ĺ i dɔ deē ń əndā kemən dɔ deē madə̄n gə̄ tə́ ō, əndā tɔ́gən dɔ yá̰á̰ kə́ dɔ nang tə́ gə̄ tə́ ō, mbātə́ Kɔ́ɔ̄ɓē ngarā̰ kemən tə́ ō ní.

2 MBAN̄G 18:21

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

IJAI 36:6

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

IJAI 2:22

I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

IJAI 36:9

Ḭ̄ ń ə̄ndā kemií dɔ kənge púsə rɔ̄ɔ̄ gə̄ ō sə́nda gə̄ ō jī ɓē kə́ Ejiptə tə́ ní, ā ásə rāā kadə̄ kógə̄ḿ dan ngol áskar gə̄ yā kɔ́ɔ̄ḿ tə́ tél kə̄ gogə́ i ba̰ý? Ká i ngol áskar gə̄ kə́ dūú gə̄gē a tél kə̄ gogə́ i ba̰ý?

IJAI 37:9

Banī mban̄g kə́ Asiri oō kadə̄ Tiraka mban̄g kə́ Kus na a reē na i kə̄ kənīn rɔ̄ɔ̄ tə́. Dan ń Senakerib oō najə̄ ń noō ní, ni-əla de gə̄ ɓáý to̰ rɔ̄ Ejekias,

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda Parao̰ ō, de gə̄ malang ń ənīn̄ kemdə́ adə̄nən̄ ní ō.

EJEKIEL 29:16

Yá̰á̰ kə́ kadə̄ ngán Israel gə̄ əndānəń kemdə́ dɔdə́ tə́ to̰ a gətóo. Nin̄ a rāān̄ majaĺ ń i tūr̄ rɔ̄də́ kə̄ rɔ̄ de gə̄ kə́ Ejiptə tə́ ní to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

NAHUM 3:9

Tɔ́gən kə́ ngá̰ý i ɓē kə́ Etiopi ō, i ɓē kə́ Ejiptə ō. De kə́ Put gə̄ kə de kə́ Libi gə̄ i ngé ɓoo rɔ̄də́ tū yān tə́ gə̄.

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.