IJAI 20:4 - Bibəl ta Sar̄

⁴ Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

Bible sar

⁴ Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

IJAI 20:4 Referans Kwoze

IJAI 19:4

M-ā m-ə́la dɔ ɓē kə́ Ejiptə gíŕ tɔ́gə yā ngol kógə̄ḿ kə́ kumən o̰o̰n aĺ tə́, mban̄g kógə̄ḿ kə́ nelə̄n rāā de gə̄ yá̰á̰ kə́ tōr̄ a ndi dɔn tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ō ní, əda ní n toó:

JEREMI 13:26

Tām̄ ń toō tə́ ní, mā m-ā m̄-sa̰ā̰ kūbə̄ kə́ ta gírí tə́ kə̄ dɔɔ́ kadə̄ de gə̄ a̰ā̰n̄ gírí.

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

JEJU TEĒ KUM JA̰A̰ 3:18

m-ɔ̄jī kadə̄ ī-mang lɔ́ŕ kə́ nō horoó jīḿ tə́ tá kadə̄ ī-téləń de kə́ nge kənge yá̰a̰ ō, ī-mang kūbə̄ kə́ ndaa jīḿ tə́ ə́la rɔ̄í tə́, tá kadə̄ rɔ̄í sɔlīneé najə̄ yā rɔ̄í kə́ karī tə́ aĺ ō, ī-mang dáwá kum jīḿ tə́ úr kumií tə́ tá kadə̄ á̰a̰ń loo ō.

MISE 1:11

Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

EJEKIEL 30:18

Dan ń m-ā m̄-tetə tɔ́gə ɓē kə́ Ejiptə kɔ̄ɔ́, adə̄ tɔ́gən ń a ɔjəń rɔ̄n ní gətóo kɔ̄ɔ́ anī, mbang a əɓa dɔ ɓē kə́ Tapanes tə́ alé. Kil̄ man̄ kə́ ndul ndí ndḭ́ a utə̄ dɔ ɓē kɔ̄ɔ́ ō, a ɔyn̄ de gə̄ ń ndin̄ gō nang kə́ kadə tə́ gə̄ ní yā kaw̄ sedə́ dɔ ɓē kə́ rang tə́ dɔ gúú tə́.

JEREMI 46:26

M-ā m-ə́ládə́ kem jī ngé ndə̄ngādə́ yo gə̄ tə́, adə̄ i kem jī Nabukodonosor mban̄g kə́ Babilon tə́ ō, kem jī ngé kəla yān gə̄ tə́ ō. Gō tə́ anī, de gə̄ a télən̄ yā ndi Ejiptə tə́ tītə̄ kə́ kété. Najə̄ ń Kɔ́ɔ̄ɓē əda ní n noó.

IJAI 47:3

De gə̄ a a̰ā̰n̄ rɔ̄ karī yāí, a a̰a̰n̄ yá̰á̰ ń rāāī adə̄ rɔ̄í sɔlī ní. M-ā m̄-dal ba̰ā̰ rɔ̄ḿ ō, de kə́ yā kɔgə̄m̄ a gətóo ō.

IJAI 3:17

I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

2 SAMUEL 10:4

Loo ń noō tə́ Hanun əhɔ de kə́ bo gə̄ ń Dabid əladə́ ní, dəsā mbāýdə́ dām̄ kógə̄ḿ ō, tə́jā kūbə̄ yādə́ gə̄ gán̄g danaá adə̄ gində̄ ugə̄ ta gíŕdə́ tə́ ō, ba əya̰də́ adə̄ aw̄n̄.

IJAI 47:2

Ɔ́y mbal̄ kusə yá̰a̰ gə̄, úsəń kōō ī-rāā ndujə̄ tə́ ə̄ndā dɔ jīí. Kūbə̄ ń ī-seĺ ta kumií tə́ ní ɔ̄r̄ kɔ̄ɔ́, ī-sa̰ā̰ kūbə̄ rópə yāí kə̄ dɔɔ́, ba ī-teē man̄ kə kāsə̄ njaí kə́ kūbə̄ utə̄ gidə alé.

JEREMI 46:19

Ejiptə gə̄, ī-kánī yá̰a̰ mbā yāsí gə̄ na a əhɔn̄sí yā kaw̄ sesí dɔ nang kə́ rang tə́. Mempis a téĺ ndágə loo kə́ to kum ko̰ ō, ɓē kə́ hor nujəń ō, kə́ deē gətóo tū tə́ ō.

AMOS 9:7

Kɔ́ɔ̄ɓē əda na: Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

NAHUM 3:10

Ɓá tā ba əhɔn̄ de kə́ Tebə gə̄ aw̄n̄ sedə́ dɔ ɓē kə́ rang tə́ dɔ gúú tə́, tītə̄ dəngáy gə̄ beé ō. Ngáń kə́ dūú ngá̰ý kə́ kem ɓēé gə̄ gə̄gē ní, madə̄ ba̰ā̰də́ gə̄ réjēn̄də́ dɔ gajə róbə gə̄ tə́ malang. Nin̄ túgə̄n̄ wə̄lā dɔ ngār yān gə̄ tə́ malang ō, tṵ́ṵ̄n̄ de kə́ bo yān gə̄ malang kə súĺ ō.

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.

1 YÁ̰A̰ GƏ̄ 19:4

Loo ń noō tə́ Hanun adə̄ əhɔn̄ de kə́ bo gə̄ yā Dabid, dəsān̄ mbāýdə́ ō, tə́jān̄ kūbə̄ kə́ rɔ̄də́ tə́ gə̄ adə̄ gīndə̄ ugə̄ ta gíŕdə́ tə́ dɔɔ́ ō, ba tə̄ɓān̄də́.

IJAI 31:2

Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.