IJAI 20:2 - Bibəl ta Sar̄

² Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

Bible sar

² Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

IJAI 20:2 Referans Kwoze

MATIYE 3:4

Ja̰a̰ ní o̰ō̰ i kūbə̄ bḭḭ̄ jámbal ō, əhɔ ɓōdə̄n i kə ndārá ō. Yá̰a̰ kəsa yān i yim̄ gə̄ ō, mbar̄ tejə kə́ bembeé ō.

MISE 1:8

I tām̄ najə̄ ń toō tə́ n m-ā m-ún pā yo ō, m-ā m̄-nōō ō ní. M-ā m̄-njə̄rā njaḿ karī kanjə̄ sākə̄rā ō, kanjə̄ kūbə̄ rɔ̄ḿ tə́ ō. M-ā m̄-nōō tītə̄ tal̄ ō, m-ā m̄-nōō tītə̄ burum ō.

1 SAMUEL 19:24

Ni-ɔr̄ kūbə̄ kə́ rɔ̄n tə́ tītə̄ yā madə̄n gə̄ ō, ba a̰a̰ oy oy no Samuel tə́ ō. Gō tə́ anī teē əsō nang tə́ ba to rɔ̄n karī ndɔ̄ ń noō tə́ bátə́ loo tíbə dɔn tə́ ō, loo tīī dɔn tə́ ō. I tām̄ najə̄ ń noō tə́ n de gə̄ a ədan̄neé na ké Saul i dan nge koō ta gə̄ tə́ ō wa ní.

JAKARI 13:4

Kum mbang ngeé ń noō tə́ ní, ngé koō ta gə̄ a o̰o̰n̄ kūbə̄ kə́ rāā kə ngə̄rā dā̰á̰ yā kɔr̄ń najə̄ kə́ loo ngé koō ta gə̄ tə́ aĺ ō, yā kənīń gotə yá̰a̰ gə̄ ń nin̄ a̰a̰n̄ ní yā ngóləń de gə̄ aĺ ō, tɔdɔ̄ rɔ̄də́ a sɔl̄də́.

EJEKIEL 24:23

Ta kūbə̄ ń ə́ndaīń dɔsí ní a to dɔsí tə́ beé ō, sākə̄rā yāsí gə̄ ī-tə́laī njasí tə́ ní, a ton̄ njasí tə́ beē ō, ā ī-nōōī rɔ̄sí aĺ ō, ā ī-nōōī kə man̄ kumsí aĺ ō.

EJEKIEL 24:17

Ī-lōō kɔjə wur tōr̄ yāí kadə̄ deē a̰ā̰ ō, ī-lōō rāā yá̰a̰ kāgə̄ ɓē kə́ ɔjə dɔ yo ō. Banī ə́nda dɔí kə ta kūbūú ō, ādə̄ sākə̄rā yāí to njaí tə́ ō, ī-lōō seĺ yá̰a̰ ta kumií tə́, ko̰o̰ mur̄ yo ō.

MISE 1:11

Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

KƏLA RĀĀ 19:16

Ba deē ń ndíĺ kə́ majaĺ i kemən tə́ ní udə dɔdə́ tə́ rāādə́ majaĺ ngá̰ý, tɔ́gən tɔȳ yādə́ malang. Nin̄-teēn̄ kújú kə ngɔ̄dɔ̄ɔ́ rɔ̄də́ karī ō, kə do gə̄ rɔ̄də́ tə́ ō.

JA̰A̰ 21:7

Anī nge ndóō yá̰á̰ ń Jeju tárən ngá̰ý ní əda Piyer na: I Kɔ́ɔ̄ɓē. Dan ń Simo̰ oō na i Kɔ́ɔ̄ɓē anī, əla kūbə̄ rɔ̄n tə́, tām̄ rɔ̄n i karī, ba ḭḭ bal əsō kum bā bo tə́.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

EJEKIEL 4:5

m̄-mērī rāā yá̰á̰ ń noō kadə̄ asə ndɔ̄ kóndóńg wań. Ndɔ̄ gə̄ ní a asən̄ naā kə kutə ɓāl̄ gə̄ ń ɓē ko̰o̰ kə́ Israel tə́ rāań majaĺ ní. Adə̄ ā ī-tə́gā taí gír kɔȳ yá̰a̰ rāān kə́ gōtə́ aĺ gə̄ tə́ bátə́ ndɔ̄ ɓú mətá kə kutə ndōhó.

2 MBAN̄G 1:8

Anī tél ədanən̄ na deē ní na o̰ō̰ i kūbə̄ bḭḭ̄ jámbal ba na əhɔ ɓōdə̄n na i kə ndāŕá. Anī mban̄g əda na i Eli kə́ Tisbe.

2 SAMUEL 6:20

Dan ń Dabid tél reē ɓēé yā tɔ́r̄ tan dɔ de gə̄ kə́ kem kújə yān tə́ anī, Mikal ngōn̄ Saul teē tə́nī tan ba ədan na: Mban̄g kə́ Israel tə́ ɔr ta rɔ̄n ɓōólaā tā! Ɔr̄ yá̰a̰ rɔ̄n tə́ ta kum ngé kəla kə́ dəyá̰ yā ɓer̄ yān gə̄ tə́ tītə̄ de kə́ karī beé!

JOJUE 5:15

Anī ngol ngé rɔ̄ɔ̄ gə̄ yā Kɔ́ɔ̄ɓē əda Jojue na: Ɔ̄r̄ sākə̄rā kə́ njaí tə́ kɔ̄ɔ́, tām̄ loo ń ī-ra tū tə́ toó i loo kə́ tá. Anī Jojue rāā tītə̄ ń ədanəń ní.

Teē Ngán Israel gə̄ 3:5

Anī Kɔ́ɔ̄ɓē əda na: Ī-lōō reē ngɔr. Ɔ̄r̄ sākə̄rā kə́ njaí tə́ kɔ̄ɔ́, tɔdɔ̄ ī-ra i loo kə́ táĺ tə́.

KƏLA RĀĀ 21:11

Ni-reē rɔ̄jí tə́, un kəlā do̰ō̰ ɓōdə̄ yā Pol tó̰o̰ń njan gə̄ ō jīn gə̄ ō ba əda na: Yá̰á̰ ń Ndíĺ kə́ Táĺ əda ní n toó: Deē ń i kɔ́ɔ̄ kəlā do̰ō̰ ɓōdə̄ ń toō ní, Jipə gə̄ a do̰ō̰nən̄ beé kem ɓē kə́ Jerusalem tə́, ba a əlanən̄ jī de gə̄ ń nin̄ i Jipə aĺ gə̄ ní tə́.

2 SAMUEL 15:30

Dabid un róbə́ kə́ əta tan ta kaw̄ kə̄ dɔ mbal̄ kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

PĀ GƏ̄ 30:11

Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

IJAI 37:2

Ni-əla Eliakim ń i ngār kə́ dɔ kújə ngol tə́ ní ō, Sebəna nge ndang makətūbə̄ ō, ngé tun̄ yá̰a̰ gə̄ kə́ nin̄ tɔgən̄ tɔȳn̄ madə̄də́ gə̄ ō, ɓē Ijai nge koō ta kə́ ngōn̄ Amots tə́. De gə̄ ngeé ń toō nin̄ o̰ō̰n̄ i kūbə̄ kəhɔ ndoō ō.

JEREMI 48:37

Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

EJEKIEL 4:1

Kɔ́ɔ̄ɓē ədam̄ ɓáý to̰ na: Ḭ̄ ngōn̄ deē, ún bəríkə kógə̄ḿ ə̄ndā nang tə́ noí tə́, ī-rāā yá̰á̰ kə́ to tītə̄ ɓē beé dɔ tə́. Ɓē ní i kum gotə ɓē kə́ Jerusalem.