IJAI 2:8 - Bibəl ta Sar̄

⁸ Nə́ɓā kə́ rɔ̄kum aĺ gə̄ taān̄ loo kem ɓē yān tə́. De gə̄ malang a ɔsən̄ i kejədə́ nang tə́ no yá̰á̰ kə́ tɔ́sə̄ rāā yá̰á̰ kógə̄ḿ tə́, no yá̰á̰ kə́ jī deē rāā tə́.

Bible sar

⁸ Nə́ɓā kə́ rɔ̄kum aĺ gə̄ taān̄ loo kem ɓē yān tə́. De gə̄ malang a ɔsən̄ i kejədə́ nang tə́ no yá̰á̰ kə́ tɔ́sə̄ rāā yá̰á̰ kógə̄ḿ tə́, no yá̰á̰ kə́ jī deē rāā tə́.

IJAI 2:8 Referans Kwoze

JEJU TEĒ KUM JA̰A̰ 9:20

Ba gotə de gə̄ ń yá̰á̰ kə́ tōr̄ tɔ̄l̄də́ aĺ ní, tūrə̄n̄ gidədə́ kɔ̄ɔ́ ta ɓesə̄ gə̄ ń nin̄ kɔ́ gə̄ túdə̄n̄ kə jīdə́ ní tə́ alé. Nin̄-lōōn̄ gír rɔȳ ndíĺ kə́ majaĺ gə̄ tə́ aĺ ō, gír rāā ɓesə̄ lɔ́r gə̄ tə́ aĺ ō, ɓesə̄ gində̄ arjā̰a̰ gə̄ tə́ aĺ ō, ɓesə̄ gində̄ nə̄ngá kasə gə̄ tə́ aĺ ō, ɓesə̄ mbal̄ gə̄ tə́ aĺ ō, ɓesə̄ kāgə̄ gə̄ tə́ aĺ ō. Ɓesə̄ gə̄ ní asən̄ ka̰a̰ loo aĺ ō, koō loo aĺ ō, njə̄rā aĺ ō.

JEREMI 2:28

Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

KƏLA RĀĀ 17:16

Dan ń ndi a ngóōdə́ kem ɓē kə́ Aten tə́ ní, wōn̄g asən nák, tɔdɔ̄ ni-a̰a̰ kadə̄ ɓesə̄ gə̄ taān̄ loo kem ɓēé.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

OJEE 12:11

Dan ngeé ń noō tə́ ní, m-ɔ̄r̄ najə̄ kə ngé koō ta gēé. Adə̄ yá̰á̰ kə́ yā ká̰ā̰ gə̄ ní, m-ə́lań i ngá̰ý m-ādə̄də́ adə̄ a̰a̰n̄. Tá kə ta kūl̄ ngé koō ta gə̄ ní, m-ə́da najə̄ yá̰a̰ gə̄ ń m̄-núm̄ rāā ní ɓáý to̰.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

IJAI 57:5

Ngur asəsí nák kadə̄ kāgə̄ kə́ yā ɓōĺ gidə gə̄ tə́, gír kāgə̄ gə̄ malang kə́ mbīdə́ əga ku tə́. Sḭḭ̄ ī-tɔ̄lī ngán gə̄ ba ī-tunīdə́ kadə ngán man̄ gə̄ tə́, bəlo mbal̄ gə̄ tə́.

IJAI 17:8

Nin̄ a tūrə̄n̄ kumdə́ kə̄ loo tun̄ yá̰a̰ gə̄ ń nin̄ kɔ́ gə̄ rāān̄ tə́ ní alé. Kāgə̄ kə́ kudə kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ń nin̄ kɔ́ gə̄ rāān̄ kə jīdə́ ní, nin̄ a̰a̰n̄ to̰ alé.

2 YÁ̰A̰ GƏ̄ 27:2

Yotam rāā yá̰á̰ kə́ súmūú ta kum Kɔ́ɔ̄ɓē tə́ tītə̄ ń bɔbə̄n Ojias rāań ní ō, kudə kem kújə yā Kɔ́ɔ̄ɓē tə́ ń i yá̰á̰ kə́ gōtə́ aĺ ń bɔbə̄n rāā ní ni rāā alé ō. Ɓá tā ba Juda gə̄ na̰yn̄ kə̄ loo rāā háĺ kə́ majaĺ tə́ ɓáý.

NDŪ NAJƏ̄ 4:28

Ā ī-ndɔ̄yī ɓesə̄ gə̄ ń i kāgə̄ gə̄, kə mbal̄ gə̄ ń de gə̄ tɔ́sə̄n̄ kə jīdə́ ní loo ní tə́. Ɓesə̄ gə̄ ń asən̄ ka̰a̰ loo aĺ ō, koō loo aĺ ō, kəsa yá̰a̰ aĺ ō, asən̄ kun wusə yá̰a̰ aĺ ō ní, ā ī-rāāī kəla yā kadə̄də́.

OJEE 8:6

Ngōn̄ man̄g yāsí ḭḭ i Israel, i kɔdə̄ kógə̄ḿ n rāān. Ngōn̄ man̄g ní i Nə́ɓā alé! A̰á̰ā̰, ngōn̄ man̄g kə́ Samari a əsō yā tétə̄ rárák kɔ̄ɔ́.

1 MBAN̄G GƏ̄ 16:7

Kɔ́ɔ̄ɓē əndā kəla ta Yehu ngōn̄ Hanani tə́ kadə̄ əda Baasa nin̄ kə deē yān gēé i tām̄ yá̰á̰ kə́ gír jōó gə̄ ń toō tə́: Ta kəga dɔ i tām̄ rāā ń Baasa nin̄ kə deē yān gēé rāān̄ yá̰á̰ kə́ majaĺ kə́ nel̄ Kɔ́ɔ̄ɓē alé, adə̄ kəla rāādə́ gə̄ adə̄ Kɔ́ɔ̄ɓē wōn̄g tītə̄ ń kəla rāā Jeroboam nin̄ kə de kə́ gír kojə yān tə́ gēé adə̄ń Kɔ́ɔ̄ɓē wōn̄g ní ō, kə́ nge ko̰ jōó i tām̄ tɔ̄l̄ ń Baasa tɔ̄l̄ de gə̄ kə́ gír kojə yā Jeroboam tə́ malang kɔ̄ɔ́ ní tə́ ō.

IJAI 26:13

Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

IJAI 40:19

To i tītə̄ yá̰á̰ kə́ tɔ́sə̄ kum gotə yá̰á̰ kə́rēý a? Kɔdə̄ kógə̄ḿ rāān adə̄ to tītə̄ yá̰á̰ kə́rēý, kɔdə̄ kə́ rang rāā lɔ́r gidən tə́ ba tə́la məde gində̄ arjā̰a̰ gə̄ rɔ̄n tə́.

IJAI 41:29

Nin̄ i yá̰á̰ kógə̄ḿ aĺ ō, nin̄ rāān̄ yá̰á̰ kógə̄ḿ aĺ ō. Yá̰á̰ kə́ tɔ́sə̄ yādə́ gə̄ i nél karī, i yá̰á̰ kə́ kem wōȳ!

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

2 MBAN̄G 17:10

Túdə̄n̄ ngán mbal̄ gə̄ kə nja dɔɔ́ ō, kāgə̄ ɓesə̄ kə́ yā ɓōĺ gidə gə̄ ō, kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ i ngá̰ý gə̄ tə́ malang ō.

2 MBAN̄G 17:16

Nin̄ mbātə̄ń rāā gō míndə gə̄ ń Kɔ́ɔ̄ɓē Nə́ɓā yādə́ əndā dɔdə́ tə́ kadə̄ rāān̄ ní malang, ba rāān̄ duĺ man̄g gə̄ jōó kə gində̄ kə́ nō horó tām̄ yādə́ tə́. Nin̄ udən̄ ɓesə̄ Asera ō, ɔsən̄ nodə́ nang tə́ no tə́yō̰ gə̄ malang kə́ dɔ rā̰ tə́ ō, rāān̄ kəla adə̄n̄ ɓesə̄ Baal ō.

MISE 5:12

Nə́ɓā yāsí kə́ rɔ̄kum aĺ gə̄ ō, mbal̄ yāsí kə́ túdə̄ kə nja dɔɔ́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́. Yá̰a̰ gə̄ ń sḭḭ̄ kɔ́ gə̄ ī-rāāīdə́ kə jīsí ní, ā ī-rɔyīdə́ to̰ alé.