IJAI 2:6 - Bibəl ta Sar̄

⁶ Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

Bible sar

⁶ Kɔ́ɔ̄ɓē, ḭ̄ ə́yá̰ gír deē yāí gə̄ ń i kojə yā Jakob ní kɔ̄ɔ́. I tām̄ yā yá̰á̰ ń toō tə́: Kɔdə̄ sāā gə̄ kə́ ḭḭn̄ gír ɓē tə́ taān̄ loo kem ɓē yān tə́. Kutə ngé ka̰a̰ yá̰á̰ kə́ dɔ rā̰ tə́ gə̄ i ngá̰ý tītə̄ yā ngé kə́ ɓē Pilistin gēé. Gír deē yāí gə̄ rāān̄ gātə̄ kə tə̄rā gēé.

IJAI 2:6 Referans Kwoze

Makətūbə̄ ń Pol ndang adə̄ Rom gə̄ ní 11:20

I gō tə́, ɓá tā ba jéngə̄n̄də́ i najə̄ yā taā kem aĺ yādə́ tə́, ba ḭ̄, yá̰á̰ ń ra seí loo ń noō tə́ ní i taā kem yāí. Ní ɔ́jə rɔ̄í alé, ba ngá̰ý a ī-ɓōĺ i mbéé tá.

2 MBAN̄G 1:2

Ndɔ̄ kə́rēý tə́ mban̄g Akajias ndi kem kújə yān kə́ dɔɔ́ kə́ Samari tə́ anī teē ko̰rō̰ kújə́ tə́ əsō adə̄ ənge do ngá̰ý. Ni-əla koō taá rɔ̄ Baal Jebul, nə́ɓā kə́ Ekəron tə́ yā gerə̄ń ké rɔ̄n a ngáā wa.

NŌŌ RƆ̄ 5:20

I tām̄ rí tə́ á dɔí ndígə̄nal dɔjí tə́ kə̄ noí tə́ ō, ə́yá̰jí kɔ̄ɔ́ dəloí bátə́ mbang udə ō, i kə dɔ ndɔ̄ gə̄ ō ní?

JEREMI 10:2

Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī ndájə̄ yá̰a̰ rāā nápar de gə̄ ō, ī-lōōī kadə̄ yá̰á̰ kə́ rāā yá̰a̰ no rā̰ tə́ əla ɓōĺ kemsí tə́ ō. Na i nápar de gə̄ n yá̰a̰ gə̄ ń noō a əla ɓōĺ kemdə́ tə́ ní.

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

Gōsə̄ najə̄ gə̄ 6:1

Ngōnə̄ḿ, ré ādə̄ rɔ̄í kum gotə madí yā kəgā kə̄rā kə́ dɔn tə́ ō, ré ə̄nī ndūí yā gan̄g dɔ de kə́ tə̄rā o,

PĀ GƏ̄ 106:35

Tə́lan̄ rɔ̄də́ dan ngé rāā ɓesə̄ gə̄ tə́, ndóōn̄ yá̰a̰ rāādə́ gə̄.

NEHEMI 13:23

I dan ngeé ń noō tə́ n m-á̰a̰ń Jipə gə̄ kə́ táān̄ dəyá̰ Asdod gə̄ ō Amon gə̄ ō, Moab gə̄ ō ní.

2 YÁ̰A̰ GƏ̄ 24:20

Anī Ndíĺ Nə́ɓā reē dɔ Jakari ngōn̄ Yoyada nge tun̄ yá̰á̰ tə́, adə̄ ni-ḭḭ ra no kósə de gə̄ tə́ ba ədadə́ na: Nə́ɓā əda na yá̰a̰ gə̄ ń n-ədasí kadə̄ ī-rāāī ní ī-mbātíī rāā i tām̄ rí tə́? Nge ń noō ā ə́ngeī yá̰a̰ tū tə́ alé. Dan ń ə́ya̰ī Kɔ́ɔ̄ɓē kɔ̄ɔ́ ní, ni əya̰sí kɔ̄ɔ́ ō.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

TƏ́DA 23:7

Tā anī ni tə́da najə̄ gə̄ ń toō: Balak əla gōḿ tə́ dɔ nang kə́ Aram tə́ adə̄ m̄-reē. Mban̄g kə́ Moab əla ɓārə́m̄ tə́ dɔ mbal̄ gə̄ kə́ gír ɓē tə́ tə́ ba ədam̄ na: Ī-reē, ī-ndɔ̄ĺ de gə̄ kə́ gír kaa yā Jakob tə́ ādə̄m̄. Ī-reē ə̄nī taí gō ngán Israel gə̄ tə́ ādə̄m̄.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

LEBI GƏ̄ 19:31

Ōōī ta kɔdə̄ sāā gə̄ aĺ ō, ī-sāāī tēē aĺ ō, na sōgə́ ndíldə́ rāā adə̄ ī-téliī de kə́ yḛr gə̄. Mā i Kɔ́ɔ̄ɓē Nə́ɓā yāsí.

Teē Ngán Israel gə̄ 34:16

Ré ī-táāī ngáńdə́ kə́ dəyá̰ gə̄ ādī ngáńsí kə́ dəngam gə̄ anī, ngáńdə́ kə́ dəyá̰ gə̄ ní a rāān̄ kadə̄ ngáńsí kə́ dəngam gə̄ a rāān̄ ɓesə̄ yādə́ gə̄.

Teē Ngán Israel gə̄ 22:18

Deē ń ɓīī kə dā̰á̰ ní, a tɔ̄l̄nən̄ kɔ̄ɔ́.

1 SAMUEL 6:2

Pilistin gə̄ dəjen̄ ngé tun̄ yá̰a̰ yādə́ gə̄ ō, kɔdə̄ sāā yādə́ gə̄ ō, na ké kə n-rāān̄ i ba̰ý kə sandúkə yā Kɔ́ɔ̄ɓēé wa. Kə ojən̄də́ loo tél kəlań gogə́ ɓēé.

IJAI 14:29

Kāgə̄ ń kété əndasí sḭḭ̄ Pilistin gə̄ ní, tetən̄ kāgə̄ ní kɔ̄ɔ́, banī ī-lōōī rāā rɔ̄nel̄ najə̄n tə́. Tām̄ lī kakə́m a teē kem lī ń oy kɔ̄ɔ́ tə́ ní ō, lī kakə́ḿ ní a ojə dā̰ kə́ majaĺ ngá̰ý kə́ a ḭḭ bɔ̄gə̄ ō.

JEREMI 12:7

M-ə́yá̰ kújə yāḿ kɔ̄ɔ́, m̄-mbātə́ yá̰a̰ kənge yāḿ kɔ̄ɔ́, m-ə́la nge ń m̄-tárən ngá̰ý ní jī madə̄ ba̰ā̰n gə̄ tə́.

MISE 5:12

Nə́ɓā yāsí kə́ rɔ̄kum aĺ gə̄ ō, mbal̄ yāsí kə́ túdə̄ kə nja dɔɔ́ gə̄ ō ní, m-ā m̄-rāādə́ kadə̄ a gətóon̄ kɔ̄ɔ́. Yá̰a̰ gə̄ ń sḭḭ̄ kɔ́ gə̄ ī-rāāīdə́ kə jīsí ní, ā ī-rɔyīdə́ to̰ alé.

SOPONI 1:8

Kɔ́ɔ̄ɓē əda na: Ndɔ̄ tun̄ yá̰á̰ tə́ anī, m-ā m̄-rāā yá̰á̰ kógə̄ḿ kə de kə́ bo gə̄ ō, kə ngār gə̄ ō, kə de gə̄ malang ń a o̰ō̰n̄ kūbə̄ tītə̄ tə̄rā gə̄ ní ō.

2 MBAN̄G 17:20

I tām̄ najə̄ ń noō tə́ n Kɔ́ɔ̄ɓē mbātə́nń Israel gə̄ malang ní. Ni-əla rɔ̄sɔl̄ dɔdə́ tə́, əya̰də́ adə̄ ngé ɓogə gə̄ ɔyn̄ yá̰a̰ kənge yādə́ gə̄ ō, ta tɔ̄l̄ ta anī tə̄ɓādə́ əndādə́ sa̰y kɔ̄ɔ́ rɔ̄n tə́ ō.

MISE 5:11

M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.