IJAI 2:3 - Bibəl ta Sar̄

³ Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

Bible sar

³ Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i *Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

IJAI 2:3 Referans Kwoze

Najə̄ kə́ Majə yā Jeju ń Luk ndang ní 24:47

na a ənīn̄ mbēr̄ kə rīneé yā kadə̄ nápar de gə̄ malang kə tūrə̄n̄ háĺdə́ kadə̄ Nə́ɓā māȳń rɔ̄n dɔdə́ tə́ ō, ba a əlan̄ gír na i dɔ ɓē kə́ Jerusalem tə́.

PĀ GƏ̄ 110:2

Ādə̄ Kɔ́ɔ̄ɓē ń ndi Siyo̰ ní rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y! Ó̰o̰ ɓē dan madə̄ ba̰ā̰í gə̄ tə́!

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

NDŪ NAJƏ̄ 6:1

Gō míndə gə̄ ō, ndū najə̄ gə̄ ō, jī-bēl̄ loo rāā yá̰a̰ gə̄ ō ń Kɔ́ɔ̄ɓē Nə́ɓā yāsí mērə̄m̄ ndóōsí kadə̄ úniī gō dɔ nang ń ā ī-rāāī yā taā tə́ ní n toó.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

Najə̄ kə́ Majə yā Jeju ń Luk ndang ní 11:28

Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!

MATIYE 7:24

Adə̄ deē malang ń oō najə̄ ń m-ə́dásí toō ō, rāā yá̰a̰ gə̄ ń m-ə́dá ní ō anī, a to i tītə̄ de kə́ nge kum kedə̄ kə́ rāā kújə yān dɔ mbal̄ tə́.

JAKƏ 1:25

Ba ré deē kógə̄ḿ əndā kumən gír ndū Najə̄ kə́ Majə ɔtə̄ kə taá mámák tə́ adə̄ i ndū najə̄ kə́ a rāā kə deé kadə̄ deē tél kəhɔ rɔ̄n ō, əndā rɔ̄n ta ndū najə̄ ní tə́ ō, ba i kə́ nge koō kadə̄ mān̄ kə nélé tə́ alé ba i nge rāā anī, deē ń noō a ənge rɔ̄nel̄ tū kəla rāān tə́.

KƏLA RĀĀ 10:33

M-ə́la kəla gōí tə́ kə̄ ta jī tə́ beē, adə̄ ī-reē ní ī-rāā i yá̰á̰ kə́ majə ngá̰ý. Kə́ ngɔr ń toō tə́ ɓáa jə-ndi malang ta kum Nə́ɓā tə́ laā, yā koō yá̰a̰ malang ń Kɔ́ɔ̄ɓē ədaī na kə ə́dájí ní.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

JA̰A̰ 4:22

Sḭḭ̄ ī-rɔyī Nə́ɓā i kanjə̄ gerə̄n, ba jḭḭ jə-rɔȳn ō, jə-gerə̄n ō. Tɔdɔ̄ de gə̄ a ajən̄ i kə ta kūl̄ Jipə gə̄.

NDŪ NAJƏ̄ 33:19

Ā ī-mērī madə̄ ɓēsí gə̄ kaw̄ sesí dɔ mbalá kadə̄ āw̄ ī-tunī yá̰a̰ kə gō ndū najə̄ yā Nə́ɓāá. Tɔdɔ̄ yá̰a̰ kənge yāsí sḭḭ̄ i kə́ kum bā bo tə́ ō, i yá̰a̰ kənge kə́ teē tū nán̄g ngárə̄ḿnjēý tə́ ō.

PĀ GƏ̄ 48:1

I pā yā ngán Kore gə̄.

PĀ GƏ̄ 119:171

Ādə̄ taḿ ɓōkíī tɔ̄ȳ, tɔdɔ̄ ī-ndóōm̄ yá̰a̰ gə̄ ń kadə̄ yā rāā ní.

PĀ GƏ̄ 122:1

Pā kə́ yā kaw̄ń loo kə́ táĺ tə́. I pā yā Dabid. Dan ń ədamə̄n̄ na j-awī kújə yā Kɔ́ɔ̄ɓē tə́ ní, rɔ̄ḿ nelə̄m̄ ngá̰ý.

IJAI 28:9

Ngé ka̰ȳ yá̰a̰ gə̄ ń noō dəjen̄ najə̄ ədan̄ na: Ijai ndigə i ndóō i náā yá̰a̰? I náā n ni ɔjən kum najə̄ kɔrə̄n gə̄ ní? I ngáń kə́ kɔr̄də́ ta mba tə́ ngɔr ɓáý gə̄ a? I ngáń kásə̄ gə̄ kə́ ə́ya̰n̄ mba kó̰ó̰də́ i ngɔr ɓáý gə̄ a?

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

IJAI 60:3

Nápar de gə̄ njə̄rān̄ kum kə̄ rɔ̄ loo yāí kə́ unjə̄ kow tə́ ō, mban̄g gə̄ aw̄n̄ kum kə̄ rɔ̄ loo kə́ unjə̄ kow ń ḭḭ nang tə́ kum kə̄ dɔɔ́ dɔí tə́ ní ō.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.

IJAI 66:20

Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā yá̰a̰ ndējə̄ ní i tītə̄ yā nge ń ngán Israel gə̄ reēnəń kem kújə yāḿ tə́, kem səmbē kə́ laa gə̄ kə́ unjə̄n̄ njáý njáý gə̄ tə́ ní.

JEREMI 26:18

Mise nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

EJEKIEL 40:2

Dan ń m-ā m-á̰a̰ń yá̰á̰ kógə̄ḿ ní, Nə́ɓā un aw̄ seḿ dɔ nang kə́ Israel tə́. Ni əya̰m̄ dɔ mbal̄ kógə̄ḿ kə́ ngāl̄ ngá̰ý kum kə̄ dɔɔ́ tə́. Ɓūtə̄ kújə gə̄ kə́ tītə̄ kújə gə̄ kə́ kem ɓē bo kógə̄ḿ tə́ i kadə mbal̄ ní tə́, dām̄ mbɔ́r ɓē kə́ geleé tə́.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

MISE 4:2

Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

ESTER 9:27

Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.

PĀ GƏ̄ 102:23

dan ń gír de gə̄ ō, ɓē ko̰o̰ gə̄ ō, a əngen̄ naā yā rāā kəla yā Kɔ́ɔ̄ɓē ní.

IJAI 1:26

Ngé sarya yāí gə̄ a ton̄ tītə̄ ngé kə́ kété jóo gə̄ ō, ngé kadə̄ kɔjə̄ yāí gə̄ a ton̄ tītə̄ ngé kə́ kem ɓāl̄ gə̄ kə́ mānə̄n̄ kɔ̄ɔ́ tə́ ō, i kə ta kūlə̄ḿ māá. Gō tə́ anī, a ɓāríīn̄ na i ɓē yā yá̰a̰ rāā kə́ gōtə́, na i ɓē kə́ nge ra dɔ ndūn tə́.

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

IJAI 19:23

Ndɔ̄ kógə̄ḿ tə́ anī, róbə́ kógə̄ḿ a ḭḭ Ejiptə yā kaw̄ Asiri. Asiri gə̄ a aw̄n̄ Ejiptə ō, de kə́ Ejiptə gə̄ a aw̄n̄ Asiri ō. Nin̄ a rāān̄ kəla naā tə́ mbak yā kadə̄ Kɔ́ɔ̄ɓē.

IJAI 44:5

Nge kə́rēý a əda na: Mā i deē yā Kɔ́ɔ̄ɓē, nge kə́ rang a əda na: Mā i de kə́ kem kojə yā Jakob tə́. Nge kə́ rang ɓáý to̰ a ndang gidə jīn tə́ na: Mā i yá̰a̰ yā Kɔ́ɔ̄ɓē, ō ni a əndā rī Israel dɔn tə́ ō.

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.