IJAI 2:21 - Bibəl ta Sar̄

²¹ Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

Bible sar

²¹ Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

IJAI 2:21 Referans Kwoze

IJAI 2:19

Ī-ɓɔ̄ɔ̄ī rɔ̄sí gír mbal̄ gə̄ tə́ ō, ī-túdiī kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni-ḭḭ dɔɔ́ ba yéȳ dɔ nang ní.

IJAI 2:10

Ī-ɓɔ̄ɔ̄ī rɔ̄sí kə̄ mbo̰ō̰ mbal̄ gə̄ tə́. Údiī gíŕ nángāá yā ka̰ȳń Kɔ́ɔ̄ɓē kə́ nge rāā kadə̄ de gə̄ ɓōlə́n̄ ngá̰ý ō, kə́ tɔ́gə yān to ɓōĺ ngá̰ý ō!

PĀ KƏ́ MAJƏ 2:14

Dér dum yāḿ kə́ ɓɔ̄ɔ̄ rɔ̄n mbo̰ō̰ mbal̄ gə̄ tə́, ādə̄ m-á̰a̰ ta kumií, ādə̄ m-ōō ndūí. Tɔdɔ̄ ndūí ɓār̄ majə ō, ta kumií nelə̄m̄ ō.

Makətūbə̄ yā Job 30:6

Nin̄ ton̄ i kadə kóongó gə̄ tə́ ō, kem bəlo loo gə̄ kə́ dɔ nang tə́ ō, kem bəlo mbal̄ gə̄ tə́ ō.

Teē Ngán Israel gə̄ 33:22

Adə̄ dan ń na n-a n-mān̄ kə kɔsə gɔn yānneé ní ɓáa, na n-a n-ɓɔ̄ɔ̄n bəlo mbal̄ ní tə́ ō, na n-a n-ənī jīn dɔn tə́ yā kutə̄ń dɔn ō, bátə́ kadə̄ n-mānəń.

Makətūbə̄ yā Job 9:6

ni-rāā adə̄ dɔ nang yéȳ ō, bir̄ njan gə̄ ń dɔ nang ndi tadə́ tə́ ní yéȳn̄ ō.

IJAI 24:18

Nge ka̰ȳ kɔŕ ɓōĺ a əsō gír bəloó. Ré ni asə teē bəloó kɔ̄ɔ́ anī, a əsō kum gūmbə̄ tə́. Ta ko̰rō̰ kújə gə̄ kə́ dɔ rā̰ tə́ i kə́ teē ngá̰ý, dɔ nang kə taá malang ndew dɔ ngəran tə́.

IJAI 33:10

Kɔ́ɔ̄ɓē əda na: Ngɔlaā ní, m ā m̄-rāā yá̰a̰, ngɔlaā ní, m ā m-ḭ́ḭ dɔɔ́, m ā m-ɔ́jə bo yāḿ kadə̄ a̰a̰n̄.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

2 SAMUEL 22:46

Kemdə́ taā loo to̰ alé adə̄ nin̄ teēn̄ loo ɓɔ̄ɔ̄ rɔ̄ yādə́ gə̄ tə́ kə rɔ̄ ndebeé.

IJAI 7:19

Nin̄ malang a reēn̄ yā ndi wól man̄ gə̄ kə́ mbal̄ gə̄ i tū tə́ tə́ ō, mbo̰ō̰ mbal̄ kə́ njár̄ gə̄ tə́ ō, kem túpə́ kámbə gə̄ tə́ malang ō, loo malang ń man̄ i tū tə́ ní tə́ ō.

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!