IJAI 2:12 - Bibəl ta Sar̄

¹² Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

Bible sar

¹² Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

IJAI 2:12 Referans Kwoze

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Gōsə̄ najə̄ gə̄ 16:5

Ngé kɔjə rɔ̄də́ gə̄ i de kə́ yḛr gə̄ ta kum Kɔ́ɔ̄ɓē tə́, ta tɔ̄l̄ ta anī Kɔ́ɔ̄ɓē a əndadə́.

JAKƏ 4:6

Ba Nə́ɓā rāā yá̰á̰ kə́ bo ngá̰ý yā kɔjəńjí kem majə yān, adə̄ i tām̄ ń noō tə́ n i kə́ ndang na: Nə́ɓā ndi garara ta kum ngé kɔjə rɔ̄də́ gə̄ tə́, ba a rāā kem majə kə ngé gə̄ ń dɔdə́ sɔl̄ ní.

1 TESALONIK 5:2

tɔdɔ̄ sḭḭ̄ kɔ́ gə̄ ī-gerī majə kadə̄ ndɔ̄ ń Kɔ́ɔ̄ɓē a reēń tə́ ní, a to i tītə̄ nge ɓogə kə́ a reē dan ndɔ̄ɔ́ beē.

1 KORḚNTƏ 5:5

Loo ń noō tə́ majə kadə̄ ə́laī deē ní jī Sətan tə́, kadə̄ dā̰ rɔ̄n nujə ba ndílən ajə ndɔ̄ yā Kɔ́ɔ̄ɓē tə́.

MATIYE 23:12

Deē ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

AMOS 5:18

Ngé gə̄ ń tə́gān̄ tadə́ sétə́ loo ngóō ndɔ̄ yā Kɔ́ɔ̄ɓē tə́ ní, yá̰á̰ kə́ to kum kaȳ aĺ i tām̄ yādə́ tə́! Ndɔ̄ yā Kɔ́ɔ̄ɓē ngeé ń toō ní, i rí tām̄ yāsí tə́? I ndɔ̄ kə́ loo kə́ tū tə́ unjə̄ kow a? I beé alé: I ndɔ̄ kə́ loo kə́ tū tə́ ndul ndí ndḭ́!

EJEKIEL 13:5

Nin̄ aw̄ tínīn̄ kum bəlo gə̄ kə́ tū ndogə̄ mbal̄ tə́ aĺ ō, ənīn̄ ndogə̄ mbal̄ dɔsí tə́ yā ngɔ̄məńsí ta rɔ̄ɔ̄ tə́ ndɔ̄ wōn̄g yā Kɔ́ɔ̄ɓē tə́ aĺ ō.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

IJAI 24:4

Dɔ nang əhɔ ndoō, ni-əsō ngísə kɔ̄ɔ́, yá̰a̰ malang kə́ dɔ nang tə́ nujə kɔ̄ɔ́, əsō ngísə kɔ̄ɔ́. I kum mbang ń nujənə̄ń dɔ nang ní n nujənə̄ń dɔ rā̰ ō ní.

IJAI 13:9

Ndɔ̄ yā Kɔ́ɔ̄ɓē n a reē toó. Ka̰a̰ kum tō ndoō yā deē gətóo ndɔ̄ ń noō tə́. I ndɔ̄ wōn̄g kə́ ngá̰ý. A tūr̄ dɔ nang kadə̄ tél dəla loo kə́ wōn̄g i tū tə́ ō, de gə̄ ń najə̄ i dɔdə́ tə́ ní, ni a nujədə́ kɔ̄ɔ́ ō.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

2 SAMUEL 22:28

Ḭ̄ ī-dḭḭ̄ gír de gə̄ ń madə̄də́ gə̄ rāān̄də́ mbóó tə́ ní, ba ī-kídə̄ ngé kɔjə rɔ̄ gə̄.

Makətūbə̄ yā Job 24:1

Nə́ɓā kə́ tɔ́gən i ngá̰ý ɔr̄ ndɔ̄ gə̄ əndādə́ dɔ jīn aĺ ō, deē yān gə̄ a̰a̰n̄ ndɔ̄ yān gə̄ ní aĺ ō, i tām̄ rí tə́?

PĀ GƏ̄ 131:1

Pā kə́ yā kaw̄ń kə̄ loo kə́ táĺ tə́. I pā yā Dabid. Kɔ́ɔ̄ɓē, kɔjə rɔ̄ gətóo kemḿ tə́. m̄-sāā yá̰á̰ kə́ al̄ dɔḿ alé. m̄-ngɔ̄də̄ gō yá̰á̰ kə́ bo gə̄ ō, kə́ yáā kə́ tɔ̄ȳ dɔḿ gə̄ ō ń noō alé.

IJAI 42:15

M-ā m̄-nujə mbal̄ bo gə̄ kə ngán mbal̄ gə̄ kɔ̄ɔ́ ō, yá̰a̰ malang ń a əɓa tū tə́ ní, m-ā m̄-rāā kadə̄ a tutə kɔ̄ɔ́ ō. M-ā m̄-rāā kadə̄ bā gə̄ a télən̄ dɔ nang kə́ ngan̄g ō, m-ā m̄-rāā kadə̄ dang man̄ kə́ bo gə̄ iīn̄ kɔ̄ɔ́ ō.

IJAI 61:2

Ni əlam̄ kadə̄ m-ə́da najə̄ ń toō: I ɓāl̄ ń kadə̄ ā á̰a̰īń kem majə yā Kɔ́ɔ̄ɓē ní, i ndɔ̄ ń Nə́ɓā yājí a daləń ba̰ā̰ dɔ madə̄ ba̰ā̰n gə̄ tə́ ní! Ngé gə̄ ń əhɔn̄ ndoō ní, ni əlam̄ kadə̄ m̄-tél m-ādə̄də́ kəndā kem dɔ tə́ gogə́.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

MISE 2:3

I tām̄ yá̰á̰ ń noō tə́ n Kɔ́ɔ̄ɓē əda najə̄ toō ní: M-ə̄ndā dɔ yá̰á̰ kógə̄ḿ kə́ to kum kaȳ aĺ danaá, yā rɔ̄ɔ̄ń kə de gə̄ kə́ dan ɓūtə̄ yāsí gə̄ tə́. Sḭḭ̄ ā ásiī teē kum tə́ karī alé, ā ɔ̄rī dɔsí dɔɔ́ yā njə̄rań to̰ alé. A̰á̰ā̰, kum mbang ń a reē ní, i kum mbang yā yá̰á̰ kə́ to kum kaȳ aĺ.

MISE 5:11

M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.

SOPONI 1:16

Ndɔ̄ ngeé ń noō tə́ ní, deē a oō kōō áskar gə̄ loo kɔ̄ŕ bərúnjə́ tə́ ō, loo túr̄ kɔĺ rɔ̄ɔ̄ tə́ ō, dɔ ɓē gə̄ kə́ ndogə̄ mbal̄ gə̄ gīrə̄n̄ gidədə́ gə̄ tə́ ō, dɔ kújə́ ngɔ̄m̄ ɓē yādə́ gə̄ kə́ ngāl̄ ɓururu kum kə̄ dɔɔ́ gə̄ tə́ ō.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

PĀ GƏ̄ 18:28

Gír de gə̄ ń madə̄də́ gə̄ əlan̄ rɔ̄sɔl̄ dɔdə́ tə́ ní, i ḭ̄ n i nge rāā kadə̄ nin̄ tetən̄ rɔ̄ɔ̄ ō, i ḭ̄ n i nge rāā kadə̄ kum ngé kɔjə rɔ̄də́ gə̄ tetə kə̄ nang tə́ ní ō.

PĀ GƏ̄ 37:13

Banī Kɔ́ɔ̄ɓē əgōn, tɔdɔ̄ ni-a̰a̰ ndɔ̄ yān ń a asə ní.

PĀ GƏ̄ 94:2

Nge gān̄g sarya kə́ dɔ nang tə́, ḭḭ dɔɔ́! Ə̄ndā nja ngé kɔjə rɔ̄də́ gə̄ sɔɔ̄ń kəla rāādə́.

IJAI 5:15

I gáŕ kadə̄ deē ndul gə̄ malang rugən̄ nang tə́ ō, i gáŕ kadə̄ nin̄ rāān̄ rɔ̄də́ de kə́ dūú gə̄ tə́ ō, i gáŕ kadə̄ ngé kɔjə rɔ̄də́ gə̄ əgan̄ kumdə́ nang tə́ ō.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 10:33

Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, tétə̄ ta jī kāgə̄ gə̄ kə tɔ́gɔ́. Gángə̄n̄ kāgə̄ kə́ bo tɔȳ madə̄ gə̄ kɔ̄ɔ́, mbə́rēn̄ ngé kə́ ngāl̄ tɔȳ madə̄ gə̄ tə́nīn̄də́ nang tə́.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

IJAI 14:15

Banī ī-risə āw̄ ɓádá, loo ń de kə́ koy gə̄ i tū tə́ ní tə́, āw̄ bátə́ ūgə̄ ngɔ́n bəlo kə́ bo tə́.

IJAI 40:23

Ni nujə ngār gə̄ kə́ dɔ nang ń toō tə́, ngé kɔr no de gə̄ kə́ dɔ nang ń toō tə́ gə̄ ní, ni-tél sedə́ kə̄ nang tə́ adə̄ nin̄ i yá̰á̰ kógə̄ḿ alé.

JEREMI 12:9

Yá̰a̰ kənge yāḿ ní i yel̄ kə́ tɔ́r̄ ɓál, kə́ yá̰a̰ gə̄ a teēn̄ kə̄ ta loo gə̄ tə́ a tə́sōn̄ dɔn tə́ yā nār̄ a? Āw̄ ɔ́siī dɔ dā̰ kə́ bembeé gə̄ naā tə́. Āwī sedə́ loo kəsa yá̰a̰ nāā kə́ bo tə́.

JEREMI 13:9

Najə̄ ń Kɔ́ɔ̄ɓē əda ní n toó: M-ā m̄-rāā kadə̄ Juda a asə kənda kadən to̰ aĺ ō, kadə̄ Jerusalem ənda kadən ngá̰ý to̰ aĺ ō.

JEREMI 50:31

Dəyá̰ kə́ nge ngonjə̄, m-ə́hɔī ɓōólaā tā! Ndɔ̄í asə, adə̄ i kum mbang kə́ kadə̄ m-ə́ndaīń. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.