IJAI 2:11 - Bibəl ta Sar̄

¹¹ Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

Bible sar

¹¹ Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:11 Referans Kwoze

PĀ GƏ̄ 18:27

Deē ń unjə̄ njáý njáý ní ḭ̄ ɔ́jən kadə̄ ḭ̄ ūnjə̄ njáý njáý ō, ba ḭ̄ i nge kəla mbóo dɔ nge gól̄ loo tə́ ō.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 24:21

Ndɔ̄ ngeé ń noō tə́ ní, Kɔ́ɔ̄ɓē a rāā yá̰á̰ kógə̄ḿ kə́ tə́yō̰ gə̄ malang kə́ dɔ rā̰ tə́ ō, dɔ nang tə́ laā ɓáa ni a rāā yá̰á̰ kógə̄ḿ kə mban̄g gə̄ kə́ dɔ nang tə́ ō.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

IJAI 12:4

Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

MISE 4:6

Kɔ́ɔ̄ɓē əda kə̄ ndágá wáńg na: Ndɔ̄ ń noō tə́ ní, ngé gə̄ ń əngen̄ do ní, m-ā m-ɔ́sə dɔdə́ naā tə́ ō, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní ō, ngé gə̄ ń m̄-rāādə́ yá̰á̰ kə́ ngan̄g ní ō, m-ā m̄-kán̄də́ kə ɓūtə̄də́ gēé.

OJEE 2:18

Kɔ́ɔ̄ɓē əda na: Ndɔ̄ ń noō tə́ ní, ni a ɓārə́m̄ na i Ngaaḿ, ni a ɓārə́m̄ na i ɓesə̄ Baal yāḿ ń kumən na i ngoləḿ ní to̰ alé.

EJEKIEL 39:22

Əla gír kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

2 KORḚNTƏ 10:17

Makətūbə̄ yā Nə́ɓā əda na: Deē ń gḛy kɔr ta rɔ̄n anī, ādə̄ ɔr ta rɔ̄n tām̄ kəla ń Kɔ́ɔ̄ɓē rāā tə́ ní.

2 KORḚNTƏ 10:5

yá̰a̰ gə̄ malang ń de gə̄ rāān̄ kə kɔjə rɔ̄ɔ́ yā kɔgə̄ń de gə̄ ger̄ Nə́ɓā ní ō. J-əhɔ j-a gír̄ kə́ kem de gə̄ tə́ malang ɓəlo tə́ kadə̄ oōn̄ ta Kərist.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

JAKARI 9:16

Ba ndɔ̄ ngeé ń noō tə́ ní, Kɔ́ɔ̄ɓē Nə́ɓā yādə́ a ajədə́, tītə̄ ń nge ngɔ̄m̄ yá̰a̰ kul̄ a ajəń ɓūtə̄ yá̰a̰ kul̄ yān gə̄ ní beē. Nin̄ a ndílēn̄ kem ɓē yān tə́ tītə̄ mbal̄ gə̄ kə́ gātə̄də́ i ngá̰ý gə̄, kə́ tə́lan̄ tū jākā mbang tə́ beē.

SOPONI 3:16

Ndɔ̄ ngeé ń noō tə́ ní, a ədan̄ kem ɓē kə́ Jerusalem tə́ na: Ɓē kə́ Siyo̰, ī-lōō ɓōĺ, ī-lōō kadə̄ jīí ur̄ wak!

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

MISE 5:10

M-ā m̄-nujə ɓē bo gə̄ kə́ dɔ nang yāsí tə́ ō, ndogə̄ mbal̄ yāsí kə́ ngan̄g ngá̰ý gə̄ malang ń ā ī-rɔ̄ɔ̄iń dɔ rɔ̄sí tə́ ní, m-ā m̄-ɓéngə̄lēdə́ nang tə́ kɔ̄ɔ́ ō.

ABƏDIAS 1:8

A̰á̰ā̰, mā Kɔ́ɔ̄ɓē m-ə́da na: Ndɔ̄ wōn̄g yāḿ tə́ anī, m-ā m̄-rāā kadə̄ ngé kum kedə̄ kə́ dɔ nang yā Edom tə́ gə̄ a oyn̄. M-ā m-ə́ya̰ deē kógə̄ḿ kə́ asə ger̄ kum yá̰a̰ dɔ mbal̄ yān gə̄ tə́ alé.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

OJEE 2:21

Israel, ā ī-tél nge nong yāḿ, ba i kə́ ngándáńg tə́. Ā ī-tél nge nong yāḿ, ba nar gírí ń m-ā m-ādə̄ ní i ra dɔ ndū tə́ ō, i yá̰a̰ rāā kə́ gōtə́ ō, i tár ō, rāā tɔdɔ̄ naā ō.

OJEE 2:16

I tām̄ najə̄ ń noō tə́ n m-ā m̄-ndɔ́rə̄n kə̄ rɔ̄ḿ tə́ ní. M-ā m-ɔ́rən ta róbə yā kaw̄ seneé dəla loo tə́ ō, ni a tél yā kadə̄m̄ kemən gogə́ ō.

EJEKIEL 39:11

Kum mbang ngeé ń noō tə́ ní, m-ā m-ādə̄ Gog loo, loo ngeé ń noō tə́ kadə̄ dubə̄nən̄ tū tə́ dɔ nang kə́ Israel tə́. I kem wól loo ń rīn na i Ngé mān̄ róbə gə̄ ní tə́. Ré deē ra bā bo tə́ anī, loo ní i kə̄ dām̄ kə́ gír ɓē tə́ ō, bəlo ɓádə́ ní a ɔgə̄ ngé mān̄ róbə gə̄ mān̄ ō. A dubə̄n̄ Gog ō, ngé rɔ̄ɔ̄ yān gə̄ malang ō, i loo ngeé ń noō tə́. A əndān̄ rī loo ní na i Wól loo yā Kósə de gə̄ yā Gog.

EJEKIEL 38:19

Kem wōn̄g yāḿ kə́ ngá̰ý tə́ ní, m̄-túbə́ m-ə́da na: Ndɔ̄ ń noō tə́ ní ngá̰ý dɔ nang kə́ Israel tə́.

EJEKIEL 38:14

Ḭ̄ ngōn̄ deē, ə́dá Gog najə̄ ń m-ə̄ndā taí tə́ ní: Najə̄ gə̄ ń Kɔ́ɔ̄ɓē Nə́ɓā ɔr̄ ní n toó: Dan ń Israel gə̄ ń i gír deē yāḿ gə̄ ní a ndin̄ kanjə̄ sōl̄ yá̰á̰ kógə̄ḿ anī, ā āw̄.

JEREMI 9:24

Ndɔ̄ gə̄ a reēn̄ noó kadə̄ m-ā m-ə́nda náā nəkɔ́ ń əja mɔtən ní. Najə̄ ń Kɔ́ɔ̄ɓē əda ní n noó.

IJAI 52:6

Adə̄ ndɔ̄ kógə̄ḿ tə́ anī, gír deē yāḿ gə̄ a gerə̄n̄ ké mā i náā wa. A̰á̰ā̰, nin̄ a gerə̄n̄ kadə̄ i mā n i nge kəda na m-ā m̄-reē noó ní.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

IJAI 29:18

Ndɔ̄ ngeé ń noō tə́ ní, ngé mbíkī gə̄ a oōn̄ yá̰á̰ ń ə́dan̄ kem makətūbə̄ tə́ ní. Ngé kum tɔ̄ɔ̄ gə̄ a teēn̄ kɔ̄ɔ́ kum loo kə́ ndɔ̄ɔ́ kə́ ndul tə́ ō, nin̄ a a̰a̰n̄ loo unjə̄ ō.

IJAI 28:5

Ndɔ̄ kógə̄ḿ tə́ anī, Kɔ́ɔ̄ɓē kə́ bo kə́ tɔ́gən i ngá̰ý ní, nəkɔ́ a tél jākā mbang kə́ majə ngá̰ý, a téĺ yá̰á̰ súū rɔ̄ kə́ yā kənī míndə́ tə́, kə́ yá̰a̰ i ngá̰ý tū tə́, yā de gə̄ kə́ dan gír deē yān gə̄ ń teēn̄ ta yo tə́ ní.

IJAI 26:1

Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 4:1

Ndɔ̄ ngeé ń noō tə́ ní, dəyá̰ gə̄ sīrí a ngaān̄ dɔ dəngam kə́ kógə̄ḿ beē tə́ ba a ədan̄ na: Jḭḭ kɔ́ gə̄ j-a jə-sāā yá̰a̰ kəsají ō, kūbə̄ ko̰ō̰jí ō. Yāí i yā kadə̄ ún rɔ̄sɔl̄ dɔjí tə́ kɔ̄ɔ́ ngóy kə ta kūl̄ ndigə kə́ ī-ndigə kadə̄ jḭḭ i nə̄yá̰í gə̄!

2 TESALONIK 1:10

Dan ń a reē anī, deē yān gə̄ a rɔȳnən̄ ō, de gə̄ malang ń taān̄ kemən ní a a̰a̰n̄ majən ō. Ndɔ̄ ń noō tə́ ní sḭḭ̄ i dandə́ tə́ ō, tɔdɔ̄ sḭḭ̄ ī-taāī kem najə̄ ń j-ɔjəsí ní.

2 SAMUEL 22:28

Ḭ̄ ī-dḭḭ̄ gír de gə̄ ń madə̄də́ gə̄ rāān̄də́ mbóó tə́ ní, ba ī-kídə̄ ngé kɔjə rɔ̄ gə̄.

PĀ GƏ̄ 20:8

De kə́rēý gə̄ əndān̄ kemdə́ i dɔ púsə rɔ̄ɔ̄ yādə́ gə̄ tə́ ō, kə́ madə̄ gə̄ əndān̄ kemdə́ i dɔ sə́nda yādə́ gə̄ tə́ ō. Ba jḭḭ tā a jə-nōō i kə̄ dɔ Kɔ́ɔ̄ɓē Nə́ɓā yājí tə́.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

Gōsə̄ najə̄ gə̄ 30:13

De kə́rēý gə̄ ndin̄ noó, kídə̄n̄ loo ngá̰ý ō, rāān̄ de gə̄ malang i yá̰a̰ aĺ tə́ ō!

IJAI 23:9

I Kɔ́ɔ̄ɓē kə́ bo kə́ tɔ́gən i ngá̰ý, i yā nujəń kɔjə rɔ̄ yā de gə̄ ń de gə̄ rɔȳn̄də́ ní, i yā téləń kə de kə́ bo kə́ dɔ nang tə́ laā gə̄ kə̄ nang tə́.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

MISE 2:3

I tām̄ yá̰á̰ ń noō tə́ n Kɔ́ɔ̄ɓē əda najə̄ toō ní: M-ə̄ndā dɔ yá̰á̰ kógə̄ḿ kə́ to kum kaȳ aĺ danaá, yā rɔ̄ɔ̄ń kə de gə̄ kə́ dan ɓūtə̄ yāsí gə̄ tə́. Sḭḭ̄ ā ásiī teē kum tə́ karī alé, ā ɔ̄rī dɔsí dɔɔ́ yā njə̄rań to̰ alé. A̰á̰ā̰, kum mbang ń a reē ní, i kum mbang yā yá̰á̰ kə́ to kum kaȳ aĺ.

PĀ GƏ̄ 18:28

Gír de gə̄ ń madə̄də́ gə̄ əlan̄ rɔ̄sɔl̄ dɔdə́ tə́ ní, i ḭ̄ n i nge rāā kadə̄ nin̄ tetən̄ rɔ̄ɔ̄ ō, i ḭ̄ n i nge rāā kadə̄ kum ngé kɔjə rɔ̄də́ gə̄ tetə kə̄ nang tə́ ní ō.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 94:2

Nge gān̄g sarya kə́ dɔ nang tə́, ḭḭ dɔɔ́! Ə̄ndā nja ngé kɔjə rɔ̄də́ gə̄ sɔɔ̄ń kəla rāādə́.

Gōsə̄ najə̄ gə̄ 16:5

Ngé kɔjə rɔ̄də́ gə̄ i de kə́ yḛr gə̄ ta kum Kɔ́ɔ̄ɓē tə́, ta tɔ̄l̄ ta anī Kɔ́ɔ̄ɓē a əndadə́.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

IJAI 14:15

Banī ī-risə āw̄ ɓádá, loo ń de kə́ koy gə̄ i tū tə́ ní tə́, āw̄ bátə́ ūgə̄ ngɔ́n bəlo kə́ bo tə́.

IJAI 40:23

Ni nujə ngār gə̄ kə́ dɔ nang ń toō tə́, ngé kɔr no de gə̄ kə́ dɔ nang ń toō tə́ gə̄ ní, ni-tél sedə́ kə̄ nang tə́ adə̄ nin̄ i yá̰á̰ kógə̄ḿ alé.

JEREMI 12:9

Yá̰a̰ kənge yāḿ ní i yel̄ kə́ tɔ́r̄ ɓál, kə́ yá̰a̰ gə̄ a teēn̄ kə̄ ta loo gə̄ tə́ a tə́sōn̄ dɔn tə́ yā nār̄ a? Āw̄ ɔ́siī dɔ dā̰ kə́ bembeé gə̄ naā tə́. Āwī sedə́ loo kəsa yá̰a̰ nāā kə́ bo tə́.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.