IJAI 19:5 - Bibəl ta Sar̄

⁵ Man̄ gətóo kɔ̄ɔ́ kem kār̄ bā Nil tə́, ba ngeé ń toō iī kɔ̄ɔ́ malang.

Bible sar

⁵ Man̄ gətóo kɔ̄ɔ́ kem kār̄ bā Nil tə́, ba ngeé ń toō iī kɔ̄ɔ́ malang.

IJAI 19:5 Referans Kwoze

JEREMI 51:36

I tāmə̄n̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: M-ā m-ə̄ndā rɔ̄ḿ ta najə̄ yāí tə́ ō, m-ā m̄-dal ba̰ā̰í ō. M-ā m̄-rāā kadə̄ bā bo kə́ Babilon tə́ tél loo kə́ tutə kɔ̄ɔ́ ō, kadə̄ kəɓa man̄ yān iī kɔ̄ɔ́ ō.

EJEKIEL 30:12

M-ā m̄-rāā kadə̄ ta jī bā Nil kə́ tɔ̄gə̄ iīn̄ kɔ̄ɔ́ ō, m-ā m-ə́la ɓē kem jī de kə́ majaĺ gə̄ tə́ ō. M-ā m̄-nujə ɓē kɔ̄ɔ́ ō, M-ā m̄-nujə yá̰a̰ kənge yān gə̄ malang kɔ̄ɔ́ ō, kə ta kūl̄ tə̄rā gə̄. I mā Kɔ́ɔ̄ɓē n m-ə́da najə̄ ń noō ní.

JAKARI 14:18

Ré gír kojə gə̄ kə́ Ejiptə gə̄ aw̄n̄ Jerusalem rāā nāā kújə́ kámbə gə̄ tə́ aĺ anī, yá̰á̰ kə́ tōr̄ kógə̄ḿ a əsō dɔdə́ tə́, tītə̄ ń əsōń dɔ nápar de gə̄ ń a aw̄n̄ rāā nāā ngeé ń noō tə́ aĺ ní.

JAKARI 10:11

Nin̄ a teēn̄ bā yá̰á̰ kə́ to kum kaȳ aĺ kə̄ gidə kə́rēý tə́. Mā Kɔ́ɔ̄ɓē, m-ā m-ə́nda bəngál man̄ gə̄ kə́ dɔ bā bo tə́. Man̄ bā Nil gə̄gē a iī kɔ̄ɔ́ kem kārə̄n tə́. Ɓē kə́ Asiri ń ɔjə rɔ̄n ngá̰ý ní, a mbərenən̄ yā kənīn ō, ɓē kə́ Ejiptə a o̰o̰ ɓē to̰ aĺ ō.

Makətūbə̄ yā Job 14:11

Man̄ bā bo iī ō, man̄ bā gə̄ iīn̄ ō, loo tutə káḿ káḿ kem kār̄də́ gə̄ tə́ ō.

IJAI 15:6

Dang man̄ kə́ Nimrim tél i dəla loo kə́ rɔ̄nel̄ gətóo tū tə́. Kāgə̄ gə̄ tutən̄ ō, mu gətóo kɔ̄ɔ́ ō. Yá̰á̰ kə́ to ɓōĺ gətóo.

IJAI 23:11

Kɔ́ɔ̄ɓē əla əla ɓōĺ kem bā bo tə́, ni-rāā adə̄ ɓē ko̰o̰ gə̄ ndewn̄. Loo kə́ ngan̄g ngá̰ý yā Kanaan gə̄ ń ngɔ̄mə̄n̄ majə ngá̰ý ní, ni-adə̄ ndūn kadə̄ nujənə̄ń kɔ̄ɔ́.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

IJAI 37:25

Mā m̄-ndēr̄ bəlo man̄ gə̄ ba m-ā̰ȳ man̄ kə́ kemdə́ gə̄ tə́. Man̄ bā gə̄ kə́ Ejiptə tə́ ní, m-ā m̄-rāādə́ kadə̄ a tutən̄, kə ta kūl̄ kəndā njaḿ kem ɓē ń toō tə́!