IJAI 19:3 - Bibəl ta Sar̄

³ Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.

Bible sar

³ Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.

IJAI 19:3 Referans Kwoze

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

DANIEL 2:2

Anī mban̄g əda kadə̄ ɓārə́n̄ mbōlí gə̄ ō, ngé tə̄ɓā ndíĺ kə́ majaĺ gə̄ ō, ngé kəga gə̄ ō, kɔsə̄ sāā gə̄ ō, kadə̄ reē ɔjənən̄ kum nī ń rāān ní. Nin̄ reēn̄ ran̄ non tə́,

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

DANIEL 5:7

Mban̄g un ndūn kə̄ dɔɔ́ ngá̰ý ədań kə tɔ́gɔ́ kadə̄ reēn̄ kə ngé kum kedə̄ gə̄ kə́ Babilon rɔ̄n tə́, adə̄ i ngé bógə̄rō de gə̄ ō, ngé ger̄ tə́yō̰ gə̄ ō, kɔdə̄ sāā gə̄ ō. Ni un najə̄ ɔr̄ sedə́, ədadə́ na: Deē ń a tə́dá yá̰á̰ ń ndangən̄ toó ō, a ɔjəm̄ kumən ō anī a o̰ō̰ kūbə̄ kə́ majə ngá̰ý ō, a o̰ō̰ məde lɔ́r kɔ́ɔn tə́ ō, a tél nge ko̰o̰ ɓē kə́ dan ngé ko̰o̰ ɓē kə́ bo gə̄ tə́ kem ɓē ko̰o̰ yāḿ tə́ ō.

EJEKIEL 22:14

Ndɔ̄ ń m-ā m̄-rɔ̄ɔńsí tə́ ní ā ə́hɔī rɔ̄sí tɔgə ō, ā ə́ngeī tɔ́gə ō a? I mā Kɔ́ɔ̄ɓē n m-ɔ̄r̄ najə̄ ní, ba yá̰á̰ ń m-ə́dá ní m-ā m̄-rāā.

EJEKIEL 21:7

Ḭ̄ ngōn̄ deē, ī-tūr̄ kumií kə̄ Jerusalem. Ɔ̄r̄ najə̄ kə loo kə́ kɔr̄ kam̄ gēé kə ngangá ō, ə́da najə̄ kə́ Nə́ɓā əndā taí tə́ dɔ ɓē kə́ Israel tə́ ō.

JEREMI 46:15

I rí kə́ beē, Apis a̰ȳ kɔ̄ɔ́, bəra man̄g yāí ra gotoó alé. Kɔ́ɔ̄ɓē mbəren kə̄ gogə́,

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

IJAI 47:12

I beé ní, ngé kəga gə̄ malang ō, ngé mbōlí gə̄ ō ní, ī-na̰y kə̄ loo kaw̄ koō yādə́ tə́. Ə́lá gír kɔr̄ gōdə́ tə́ i jóó ngá̰ý, i dan ń ḭ̄ i balsáá ɓáý ní. Majanī a majə seí, majanī ā ī-ger̄ loo rāā madí gə̄ kadə̄ ɓōlə́n̄.

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

IJAI 19:1

Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

IJAI 14:27

Dan ń Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ ní, i náā n asə kəhɔn dɔ tə́ ní? Dan ń ni un jīn kə́ ɓir̄ əla kə̄ dɔɔ́ ní, i náā n asə tūr̄ jīn ní kum kə̄ loo kə́ rang tə́ ní?

Gōsə̄ najə̄ gə̄ 21:30

Kum kedə̄ yā deē, aláa ger̄ najə̄ yā deē, aláa najə̄ kə́ gír̄ yā de kə́ tetə Kɔ́ɔ̄ɓē rɔ̄ɔ̄ gətóo.

PĀ GƏ̄ 107:27

Nodə́ ḭḭ̄də́ ō bḭ́ḭ̄n̄ ō, tītə̄ ngé kasə rāā gə̄ beé. Kum kedə̄ yādə́ gə̄ malang teēdə́ yá̰á̰ tə́ alé.

PĀ GƏ̄ 76:12

Ə̄nīī ndūsí ādī Kɔ́ɔ̄ɓē Nə́ɓā yāsí ō, ī-rāāī yá̰a̰ gə̄ ń ə́daī rī rāā kadə̄n ní ō. Sḭḭ̄ malang ń ī-ndiī ī-gīrī gidə Nə́ɓā kə́ to ɓōĺ ngá̰ý ń toō ní, ī-reēī kə kadə̄ karī yāsí gēé ādə̄niī.

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

2 SAMUEL 17:14

Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

1 SAMUEL 25:37

Abigail ngóō adə̄ dan ń ta gír loo tə́ á kasə gán̄g kum Nabal tə́ noō pá tá ni-ənīn gotə yá̰á̰ ń rāā yá̰á̰ ní ɓáý. Loo ń noō tə́ kə̄ngā sāā əga Nabal adə̄ rɔ̄n oy yélélé.

PĀ GƏ̄ 33:10

Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.

DANIEL 1:20

Yá̰a̰ malang kə́ a dəje i kum kedə̄ ō, kəndā ma̰ȳ yá̰a̰ ō ń mban̄g dəjedə́ najə̄ kə́ dɔ tə́ ní, mban̄g a̰ā̰ kadə̄ nin̄ tɔȳn̄ mbōlí gə̄ malang ō, ngé tə̄ɓā ndíĺ kə́ majaĺ gə̄ ō, kə́ kem ɓē ko̰o̰ yān tə́.

2 MBAN̄G 1:2

Ndɔ̄ kə́rēý tə́ mban̄g Akajias ndi kem kújə yān kə́ dɔɔ́ kə́ Samari tə́ anī teē ko̰rō̰ kújə́ tə́ əsō adə̄ ənge do ngá̰ý. Ni-əla koō taá rɔ̄ Baal Jebul, nə́ɓā kə́ Ekəron tə́ yā gerə̄ń ké rɔ̄n a ngáā wa.