IJAI 19:25 - Bibəl ta Sar̄

²⁵ Kɔ́ɔ̄ɓē kə́ bo kə́ tɔ́gən i ngá̰ý a tɔ́r̄ tan dɔ de kə́ dɔ nang tə́ gə̄ tə́ a əda na: m̄-tɔ́r̄ taḿ dɔ ɓē kə́ Ejiptə ń i gír deē yāḿ gə̄ ní tə́ ō, dɔ ɓē kə́ Asiri ń mə̄kɔ́ m̄-rāā kə jīḿ ní tə́ ō, dɔ Israel ń i yá̰a̰ yāḿ mə̄kɔ́ ō.

Bible sar

²⁵ Kɔ́ɔ̄ɓē kə́ bo kə́ tɔ́gən i ngá̰ý a tɔ́r̄ tan dɔ de kə́ dɔ nang tə́ gə̄ tə́ a əda na: m̄-tɔ́r̄ taḿ dɔ ɓē kə́ Ejiptə ń i gír deē yāḿ gə̄ ní tə́ ō, dɔ ɓē kə́ Asiri ń mə̄kɔ́ m̄-rāā kə jīḿ ní tə́ ō, dɔ *Israel ń i yá̰a̰ yāḿ mə̄kɔ́ ō.

IJAI 19:25 Referans Kwoze

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā Israel ní.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

PĀ GƏ̄ 138:8

Kɔ́ɔ̄ɓē a rāā yá̰a̰ malang tām̄ yāḿ tə́. Kɔ́ɔ̄ɓē, kem majə yāí to ngándáńg! Ngé gə̄ ń īkɔ́ ī-rāādə́ kə jīí ní, ī-lōō kəya̰də́ kɔ̄ɔ́.

PĀ GƏ̄ 115:15

Ādə̄ Kɔ́ɔ̄ɓē rāā majə sesí, ni ń i nge rāā dɔ rā̰ ō dɔ nang ō ní!

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

TƏ́DA 6:27

I beé n a ədanə̄ń rīḿ dɔ ngán Israel gə̄ tə́ kadə̄ m̄-rāań majə sedə́ ní.

TƏ́DA 6:24

Ādə̄ Kɔ́ɔ̄ɓē rāā majə sesí ō, ngɔ̄m̄sí ō.

PILIPƏ 1:6

Yá̰á̰ ń m̄-ger̄ majə ní n toó: Nə́ɓā ń əla gír rāā kəla kə́ majə ń toō kemsí tə́ ní, a rāā kə̄ non tə́ bátə́ yā tɔ̄l̄ ta ndɔ̄ yā Jeju Kərist tə́.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

GALATƏ 6:15

Tɔdɔ̄ kəja mɔtə aké, kəja mɔtə aĺ ní, i yá̰á̰ kógə̄ḿ alé. Ba yá̰á̰ ń i yá̰á̰ kə́ bo ní, i kadə̄ jḭḭ̄ i de kə́ kijə gə̄.

IJAI 65:23

Nin̄ a ɔrən̄ ndāńg karī to̰ alé. Nin̄ a ojən̄ ngán gə̄ yā ka̰a̰də́ loo koy tə́ to̰ alé. Tɔdɔ̄ nin̄ rāān̄ rɔ̄də́ i kojə yā ngé gə̄ ń mā m̄-tɔ́r̄ taḿ dɔdə́ tə́ ní, nin̄ gə̄gē ngáńdə́ gə̄gē.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

IJAI 45:11

Yá̰á̰ ń Kɔ́ɔ̄ɓē, Nə́ɓā kə́ táĺ yā Israel, nge rāā gír deē yān gə̄, əda ní n toó: Sḭḭ̄ ī-dəjemī najə̄ kə́ dɔ ngánə́ḿ gə̄ tə́. Sḭḭ̄ ī-ndigiī kədam̄ yá̰á̰ kə́ kadə̄ m̄-rāā gə̄ najə̄ yā yá̰á̰ ń mā m̄-rāā tə́ ní. Ní, nge ń noō i najə̄ yāḿ mā!

PĀ GƏ̄ 100:3

Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

1 PIYER 2:10

Kété ní sḭḭ̄ i gír de gə̄ yā Nə́ɓā alé, banī ngɔlaā sḭḭ̄ i gír deē yān gə̄. Kété ní Nə́ɓā a̰a̰ kum tō ndoō yāsí alé, ba ngɔlaā ní ni-a̰a̰ kum tō ndoō yāsí.

EPEJƏ 2:10

Tɔdɔ̄ i Nə́ɓā n rāājí ní. Ni-rāājí kə ta kūl̄ Kərist Jeju i yā kadə̄ kəla kə́ majə gə̄ ń nəkɔ́ əndā dɔ danaá kété ní, jə-rāāīdə́.

Makətūbə̄ ń Pol ndang adə̄ Rom gə̄ ní 3:29

Ré i beé aĺ anī, Nə́ɓā ní i Nə́ɓā yā Jipə gə̄ ngóy ba i Nə́ɓā yā nápar de gə̄ alé. Ba ni i Nə́ɓā yā tə̄rā gə̄ ō,

TƏ́DA 24:1

Balam a̰a̰ kadə̄ yá̰á̰ ń Kɔ́ɔ̄ɓē ndigə ní i tɔ́r̄ tan dɔ ngán Israel gə̄ tə́ Adə̄ ni-aw̄ kadə̄ Kɔ́ɔ̄ɓē əndā najə̄ tan tə́ tītə̄ kə́ kété gə̄ alé, banī ni tūr̄ kumən kə̄ dəla loo tə́.

IJAI 19:24

Ndɔ̄ kógə̄ḿ tə́ anī, Israel i de kə́ nge ko̰ mətá ń a ənge tɔ́r̄ ta ní, naā tə́ kə Ejiptə tə́ ō, Asiri ō.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!

IJAI 63:17

Kɔ́ɔ̄ɓē, i tām̄ rí tə́ á ādə̄ jə-ndúm̄, j-əya̰ róbə yāí kɔ̄ɔ́ ba j-aw̄ sa̰y ní? I tām̄ rí tə́ á ə́ya̰ ngarā̰ kemjí adə̄ utə̄ ta róbə yān kɔ̄ɔ́ ō, adə̄ mbātə́ ɓōĺ ndílí ō ní? Ī-tél ī-reē sɔɔ́ń táŕ kə́ ī-táŕjí, jḭḭ ń i ngé kəla yāí gə̄ ní, jḭḭ ń i gír deē yāí gə̄ ní!

JEREMI 2:7

m̄-rāā adə̄ údiī kem ɓē kə́ kāgə̄ kə́ kəndā gə̄ i ngá̰ý tū tə́, yā kadə̄ sḭḭ̄ ī-nāī kan̄ kāgə̄ kə́ nel̄ gə̄. Banī dan ń sḭḭ̄ údiī kem ɓē nge ń toō tə́ kɔ̄ɔ́ anī, sḭḭ̄ ī-tákī ɓē yāḿ kə majaĺ ō, sḭḭ̄ ī-rāāī yá̰á̰ kə́ majaĺ ngá̰ý kə yá̰a̰ yāḿ ō.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.