IJAI 19:20 - Bibəl ta Sar̄

²⁰ Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

Bible sar

²⁰ Nge ń noō i yá̰á̰ kə́ ɔjə kadə̄ Kɔ́ɔ̄ɓē kə́ bo kə́ tɔ́gən i ngá̰ý i kem ɓē kə́ Ejiptə tə́. Dan ń de kə́ Ejiptə gə̄ a əgan̄ kɔŕ kə̄ dɔ Kɔ́ɔ̄ɓē tə́, najə̄ yā ngé rējə̄də́ kə yá̰a̰ rāā kə́ gōtə́ aĺ tə́ anī, ni a əla kə deē kógə̄ḿ kə́ nge kajədə́ yā kadə̄də́ adə̄ a rɔ̄ɔ̄ dɔdə́ tə́ ō, a gān̄g dɔdə́ ō.

IJAI 19:20 Referans Kwoze

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

Najə̄ kə́ Majə yā Jeju ń Luk ndang ní 2:11

Ojən̄ nge kajəsí ɓōólaā kem ɓē yā Dabid tə́. Ni i Kərist, Kɔ́ɔ̄ɓē.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

IJAI 55:13

Kāgə̄ sipəres a əɓa kum gotə túpə kōn̄ ō, kāgə̄ kə́ otə majə a to kum gotə mu kə́ kōn̄də́ tōr̄ ngá̰ý gə̄ ō. Yá̰a̰ gə̄ ń noō malang a rāān̄ yá̰a̰ i yā kadə̄ Kɔ́ɔ̄ɓē əngeń kɔr ta. Nge ń noō i yá̰á̰ kə́ yā kɔjəń yá̰á̰ kə́ a to nga̰ńdáńg ō, deē a nujəń kɔ̄ɔ́ aĺ bátə́ ō.

IJAI 52:5

Ba ngɔlaā ní m-ə́nge i rí gírí? Najə̄ ń Kɔ́ɔ̄ɓē əda ní n noó. Əhɔn̄ gír deē yāḿ gə̄ dəngáy ba aw̄n̄ sedə́ i karī. Ngé gə̄ ń ndin̄ dɔdə́ tə́ ní, urən̄ kɔĺ tetə rɔ̄ɔ̄ ō, nin̄ tájə̄n̄ rīḿ kanjə̄ kadə̄ asədə́ ō. Najə̄ ń Kɔ́ɔ̄ɓē əda ní n noó.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

IJAI 19:4

M-ā m-ə́la dɔ ɓē kə́ Ejiptə gíŕ tɔ́gə yā ngol kógə̄ḿ kə́ kumən o̰o̰n aĺ tə́, mban̄g kógə̄ḿ kə́ nelə̄n rāā de gə̄ yá̰á̰ kə́ tōr̄ a ndi dɔn tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ō ní, əda ní n toó:

JOJUE 22:34

Loo ń noō tə́ ngán Ruben gə̄ ō, ngán Gad gə̄ ō, əndān̄ rī loo tun̄ yá̰á̰ ní na i yá̰á̰ kə́ kum tə́, tɔdɔ̄ i yá̰á̰ kə́ ɔjədə́ mbak kadə̄ Kɔ́ɔ̄ɓē i Nə́ɓā.

Teē Ngán Israel gə̄ 3:7

Kɔ́ɔ̄ɓē tél əda na: M-á̰a̰ loo rāā ń rāān̄ kum gír deē yāḿ gə̄ ndoō tə́ dɔ nang kə́ Ejiptə tə́ ní. M-ōō nōō yādə́ dan ń ngé rāā kumdə́ ndoō tə́ gə̄ a tə̄ndān̄də́ ní. m̄-ger̄ tápə̄ yādə́.

Teē Ngán Israel gə̄ 2:23

Dan i ngá̰ý gō tə́ anī, mban̄g kə́ Ejiptə oy. Ngán Israel gə̄ ń a rāān̄ kəla ɓəlo ní nōōn̄ rɔ̄də́ ō, əgan̄ kɔ̄ŕ ō, adə̄ nōō yādə́ aw̄ ugə̄ rɔ̄ Nə́ɓā tə́.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

IJAI 43:11

Kɔ́ɔ̄ɓē i mā ō, i mə̄kɔ́ kal kógə̄ḿ beē ngóy ō. Nge kajə de kə́ rang gətóo, i mā ngóy.

IJAI 45:15

Nə́ɓā yā Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

IJAI 60:16

Ā ūl̄ rɔ̄í kə mba yā nápar de kə́ rang gə̄, ā ə́sá yá̰a̰ kənge gə̄ yā mban̄g yādə́ gə̄. Loo ń noō tə́ ā á̰á̰ yá̰á̰ ń toō yā ger̄: Nge kajií i mā Kɔ́ɔ̄ɓē. Nge gān̄g dɔí i Nə́ɓā kə́ tɔ́gən i ngá̰ý yā Jakob.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.