IJAI 19:19 - Bibəl ta Sar̄

¹⁹ Ndɔ̄ kógə̄ḿ tə́ anī, loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.

Bible sar

¹⁹ Ndɔ̄ kógə̄ḿ tə́ anī, *loo tun̄ yá̰á̰ kə́ tām̄ yā Kɔ́ɔ̄ɓē tə́ a to kem ɓē kə́ Ejiptə tə́ dan ɓēé ō, mbal̄ kógə̄ḿ kə́ kudə tām̄ yān tə́ a ra ngɔr kə̄ kadə tə́ dɔ nin̄ ɓē kə́ Ejiptə tə́ ō.

IJAI 19:19 Referans Kwoze

TA KƏLA 28:18

Jakob ḭḭ dɔɔ́ dəloí ɓatə, un mbal̄ ń taāń gír dɔn ní, udə kə nja kə́ dɔɔ́, ba ur yibə̄ dɔ tə́ ɔrə̄ń kamə̄n.

JOJUE 22:10

Dan ń ugə̄n̄ Gelilot kə́ kadə bā Jurdḛ tə́ ń loo kə́ dɔ nang kə́ Kanaan tə́ ɓáý ní anī, rāān̄ loo tun̄ yá̰á̰ kógə̄ḿ kə́ bo ngá̰ý tū tə́.

JOJUE 22:26

I tām̄ najə̄ ń noō tə́ n jə-rāań loo tun̄ yá̰á̰ ń toō n, i yā róōń dā̰ aĺ ō, yā tunə̄ń yá̰á̰ kə́ rang gə̄ aĺ ō.

Teē Ngán Israel gə̄ 24:4

Moijə ndang najə̄ gə̄ ń Kɔ́ɔ̄ɓē ədan ní malang. Teē kə ndɔ̄ kə́ noō anī Moijə ḭḭ dɔɔ́ kə gír looí ɓatə, rāā loo tun̄ yá̰a̰ nja mbal̄ tə́ ō, túdə̄ ngán mbal̄ gə̄ kutə gidə i jōó kə nja kə́ dɔɔ́ tām̄ yā gír ɓē kə́ kutə gidə i jōó yā ngán Israel gə̄ tə́ ō.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.

IJAI 66:23

Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

HEBƏRO 13:10

Jḭḭ̄ j-awī kə loo tun̄ yá̰á̰ kə́ ngé gə̄ ń rāān̄ kəla yā Nə́ɓā kem kújə tandā yā Moijə tə́ ní asən̄ kəsa yá̰a̰ ndējə̄ kə́ tun̄ dɔ tə́ alé.

PĀ GƏ̄ 68:31

Əla ɓōĺ kem Ejiptə ń i dā̰ kə́ kem tə̄ɓā gə̄ tə́ ní, ni ń rāā rɔ̄n i ɓūtə̄ man̄g kə́ bəra gə̄ tə́ ō, ngol kə́ dɔ gír de gə̄ tə́ ō ní, ni ń ndējī sə́lē gində̄ arjā̰a̰ sɔlə̄ń dɔn kə̄ noí tə́ ní. Gír de gə̄ ń nel̄də́ rɔ̄ɔ̄ ngá̰ý ní, ī-tə̄ndā ī-tḭ̄ḭ̄də́ naā tə́ kɔ̄ɔ́.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.

IJAI 60:7

Kɔ́ɔ̄ɓē əda na: Ɓūtə̄ yá̰a̰ kul̄ gə̄ kə́ Kedar a kánə̄n̄ naā ɓēé looí. Ā ásə kəhɔ bal batə̄ kə́ Nebayot gə̄ yā rāań yá̰a̰ kūjə́ yāí gə̄. A ndējə̄n̄də́ dɔ loo tun̄ yá̰a̰ yāḿ tə́ ō, yá̰a̰ tun̄ ngeé ń toō a nelə̄m̄ ō. I beé n m-ā m̄-rɔȳń majə kújə yāḿ ní.

JOJUE 22:27

Ba i yā kadə̄ rāā rɔ̄n i yá̰á̰ kə́ kum tə́ tām̄ yājí tə́ ō, tām̄ yāsí tə́ ō, tām̄ yā ngán kaají gē tə́ ō, kə́ ɔjə kadə̄ jə-rāā kəla yā Kɔ́ɔ̄ɓē kə yá̰á̰ kə́ róō horoó gə̄ ō, kə tun̄ tām̄ yā kem kógə̄ḿ tə́ gə̄ ō, kə yá̰a̰ tun̄ yājí kə́ ɓoodə́ naā tə́ kə Kɔ́ɔ̄ɓē na gətóo alé.

JOJUE 22:28

J-əda na ré ndɔ̄ń tə́ deē ədají jḭḭ aké ngán kaají gə̄ najə̄ ké tītə̄ ń noō anī, j-a jə-tél yā kəda kɔ́ɔ̄ na: Á̰a̰ī, kaají gə̄ rāān̄ loo tun̄ yá̰a̰ adə̄ to tītə̄ loo tun̄ yá̰a̰ yā Kɔ́ɔ̄ɓē beé, rāān̄ i yā róoń dā̰ aĺ ō, i yā tunə̄ń yá̰á̰ kə́ rang gə̄ aĺ ō, ba i yā kadə̄ tél yá̰á̰ kə́ kum tə́ kə́ to dɔ dáńjí tə́ sesí.

JOJUE 22:34

Loo ń noō tə́ ngán Ruben gə̄ ō, ngán Gad gə̄ ō, əndān̄ rī loo tun̄ yá̰á̰ ní na i yá̰á̰ kə́ kum tə́, tɔdɔ̄ i yá̰á̰ kə́ ɔjədə́ mbak kadə̄ Kɔ́ɔ̄ɓē i Nə́ɓā.

JEREMI 46:2

Najə̄ kə́ dɔ ɓē kə́ Ejiptə tə́ ō, dɔ ngé rɔ̄ɔ̄ gə̄ yā Parao̰ Neko mban̄g kə́ Ejiptə tə́ ō. Neko ndi i Karkemis, kadə bā Opəratə tə́ n Nabukodonosor, mban̄g kə́ Babilon tetənneé rɔ̄ɔ̄ ní tə́. I kem ɓāl̄ kə́ nge ko̰ sɔ́ ń Joakim kə́ ngōn̄ Josias ndiń mban̄g Juda tə́ ní.

EJEKIEL 29:1

Ɔyn̄ de gə̄ dɔ gúú tə́ aw̄n̄ sedə́ dɔ ɓē kə́ rang tə́ rāā ɓāl̄ kutə kógə̄ḿ kɔ̄ɔ́. Kem nāā kə́ nge ko̰o̰ kutə tə́, kə ndɔ̄ nāā kə́ nge ko̰o̰ kutə gidə i jōó anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 30:1

Kɔ́ɔ̄ɓē ɔr̄ najə̄ seḿ, ni ədam̄ na:

EJEKIEL 31:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i kógə̄ḿ kɔ̄ɔ́. Kem ɓāl̄ kə́ nge ko̰ kutə gidə i kógə̄ḿ tə́, kem nāā kə́ nge ko̰ mətá tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 32:1

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó kɔ̄ɔ́. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə gidə i jōó tə́, kə ndɔ̄ nāā kə́ ta kəga dɔɔ́ anī, Kɔ́ɔ̄ɓē ɔr̄ najə̄ seḿ, ədam̄ na: