IJAI 19:11 - Bibəl ta Sar̄

¹¹ Ngār gə̄ kə́ kem ɓē bo kə́ Soan tə́, i de kə́ kɔ̄r̄ rāādə́ gə̄. Ngé kum kedə̄ gə̄ ń adə̄n̄ mban̄g kə́ Ejiptə kɔjə̄ ní, rāān̄ rɔ̄də́ i ngé kadə̄ kɔjə̄ kə́ to mbóo gə̄ tə́. Nin̄ ədanən̄ na: Mā i ngōn̄ de kə́ ngé kum kedə̄ gə̄, ngōn̄ mban̄g gə̄ kə́ kété jóo. Nin̄ ədanən̄ najə̄ ń noō i tām̄ rí tə́?

Bible sar

¹¹ Ngār gə̄ kə́ kem ɓē bo kə́ Soan tə́, i de kə́ kɔ̄r̄ rāādə́ gə̄. Ngé kum kedə̄ gə̄ ń adə̄n̄ mban̄g kə́ Ejiptə kɔjə̄ ní, rāān̄ rɔ̄də́ i ngé kadə̄ kɔjə̄ kə́ to mbóo gə̄ tə́. Nin̄ ədanən̄ na: Mā i ngōn̄ de kə́ ngé kum kedə̄ gə̄, ngōn̄ mban̄g gə̄ kə́ kété jóo. Nin̄ ədanən̄ najə̄ ń noō i tām̄ rí tə́?

IJAI 19:11 Referans Kwoze

TƏ́DA 13:22

Nin̄ unən̄ gō nang kə́ Negeb ba aw̄n̄ bátə́ ugə̄n̄ Hebron, loo ń ngán Anak gə̄ ń, rīdə́ na i Ahiman ō, Sesay ō, Talmai ō, ndin̄ tū tə́ ní. Rāān̄ ɓē kə́ Hebron adə̄ rāā ɓāl̄ sīrí pá tá rāān̄ ɓē kə́ Soan kə́ dɔ nang kə́ Ejiptə tə́ ɓáý.

KƏLA RĀĀ 7:22

Ndóōn̄ Moijə yá̰a̰ malang ń de kə́ Ejiptə tə́ gə̄ gerə̄n̄ ní. Adə̄ ni-tél de kə́ tɔ́gən i ngá̰ý tū najə̄ kɔrə̄n tə́ ō, tū kəla rāān gə̄ tə́ ō.

IJAI 30:4

Ngār yāsí gə̄ nin̄ i Soan kɔ̄ɔ́ ɓá, de gə̄ ń ə́laīdə́ ní ugə̄n̄ Hanes.

PĀ GƏ̄ 78:43

Ni-rāā yá̰á̰ kə́ yáā gə̄ dɔ nang kə́ Ejiptə tə́, rāā yá̰á̰ kə́ to kɔr kum gə̄ gō nang kə́ Soan tə́.

PĀ GƏ̄ 78:12

Kété ní Nə́ɓā rāā yá̰á̰ kə́ to kɔr kum gə̄ ta kum kaadə́ gə̄ tə́, dɔ nang kə́ Ejiptə tə́, gō nang kə́ Soan tə́.

EJEKIEL 30:14

M-ā m̄-nujə ɓē kə́ Ejiptə kə́ dām̄ mbɔ́r ɓē kə́ geleé tə́ kɔ̄ɔ́ ō, m-ā m-ə́la hor dɔ ɓē kə́ Soan tə́ ō, m-ā m-ún sarya gāngə̄ḿ yā rāań yá̰a̰ kə ɓē kə́ Tebə ō.

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ nge koō ta kadə̄ a̰a̰ yá̰á̰ kógə̄ḿ kə ədadə́ ō, nge tun̄ yá̰a̰ a ndóō de gə̄ yá̰a̰ to̰ aĺ ō, kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?

JEREMI 10:21

Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

JEREMI 10:14

De gə̄ malang ndin̄ tadə́ mbóo kóńg. Rɔ̄ ngé nōō lɔ́r gə̄ malang sɔl̄də́ dɔ ɓesə̄ yādə́ gə̄ tə́. Yá̰a̰ yādə́ kə́ tɔ́sə̄ gə̄ i yá̰á̰ kə́ rɔ̄kum aĺ gə̄. Koō gətóo kemdə́ tə́.

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

IJAI 19:13

Ngār gə̄ kə́ Soan télən̄ ngé kɔ̄r̄ gə̄, i ngār gə̄ kə́ kem ngán ɓē kə́ ndágá tə́ n ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́ ní.

IJAI 19:3

Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.

Gōsə̄ najə̄ gə̄ 30:2

Kə́ rɔ̄kum gə̄ tə́ ní, mā i de kə́ m̄-mbóo m̄-tɔȳ de gə̄ malang. Kur̄ dɔ ń aw̄n̄neé ní mā m-āwń alé.

PĀ GƏ̄ 92:6

Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

PĀ GƏ̄ 73:22

m̄-mbó ngá̰ý, m̄-ger̄ kum yá̰a̰ alé, m̄-to i tītə̄ dā̰ beé, ɓá tā ba mā i naā tə́ seí.

PĀ GƏ̄ 33:10

Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.

Makətūbə̄ yā Job 12:17

Ni-rāā ngé ger̄ yá̰á̰ ngá̰ý gə̄ adə̄ tāmə̄n̄ mbitə mbitə ō, rāā adə̄ kur̄ dɔ ngé gān̄g sarya gə̄ ndi majaĺ aĺ ō.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

JEREMI 46:17

De gə̄ a ɓārə́n̄ Parao̰, mban̄g kə́ Ejiptə tə́ na i kōō yá̰á̰ kə́ ɓār̄ ngá̰ý kanjə̄ kumən.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.

ABƏDIAS 1:7

Tə̄ɓān̄sí kɔ̄ɔ́ dɔ nang yāsí tə́. Ngé ɓoo rɔ̄də́ tū yāsí gə̄ tə́ malang teēn̄ kə gíŕsí dɔɔ́ ō, nujən̄sí kɔ̄ɔ́ ō. Ngé kəsa yá̰a̰ sesí gə̄ əyān̄ gūmbə̄ gír njasí tə́. De gə̄ ədan̄ najə̄ yāsí na: Dɔdə́ ndi kə gōó alé.

Teē Ngán Israel gə̄ 8:4

Parao̰ ɓāŕ Moijə nin̄ kə Aaro̰ ədadə́ na kə ndɔ̄ȳn̄ Kɔ́ɔ̄ɓē kadə̄ kə tə̄ɓā ka̰rā̰ gə̄ kɔ̄ɔ́ dɔn tə́ ō, dɔ gír deē yān gə̄ tə́ ō, ɓáa n-a n-əya̰ ngán Israel gə̄ kadə̄ aw̄ tunə̄n̄ yá̰a̰ adə̄n̄ Kɔ́ɔ̄ɓē.

Teē Ngán Israel gə̄ 8:14

Ngé kəga kə́ Ejiptə gə̄ nāān̄ rāā yḭ́l̄ gə̄ kə kəga yādə́ gēé ō, banī asən̄ alé. Yḭ́l̄ gə̄ əsan̄ de gə̄ ō, dā̰ gə̄ ō.

1 MBAN̄G GƏ̄ 5:10

Kum kedə̄ yā Salomo̰ tɔȳ kum kedə̄ yā ngáń kə́ dūn̄ ɓē tə́ gə̄ malang ō, tɔȳ kum kedə̄ gə̄ malang kə́ dɔ nang kə́ Ejiptə tə́ ō.

ABƏDIAS 1:8

A̰á̰ā̰, mā Kɔ́ɔ̄ɓē m-ə́da na: Ndɔ̄ wōn̄g yāḿ tə́ anī, m-ā m̄-rāā kadə̄ ngé kum kedə̄ kə́ dɔ nang yā Edom tə́ gə̄ a oyn̄. M-ā m-ə́ya̰ deē kógə̄ḿ kə́ asə ger̄ kum yá̰a̰ dɔ mbal̄ yān gə̄ tə́ alé.