IJAI 18:4 - Bibəl ta Sar̄

⁴ Tām̄ Kɔ́ɔ̄ɓē ədam̄ na: m̄-ndigə ndi loo ndiḿ tə́ ka̰a̰ń loo ō, ndi tū tə́ jəke ō, tītə̄ mbang kə́ ɔsə ngá̰ý kum loo kə́ unjə̄ kow tə́ beē ō, tītə̄ tal kə́ to tītə̄ kil̄ man̄ dan yā sāā kōō gə̄ tə́ beē.

Bible sar

⁴ Tām̄ Kɔ́ɔ̄ɓē ədam̄ na: m̄-ndigə ndi loo ndiḿ tə́ ka̰a̰ń loo ō, ndi tū tə́ jəke ō, tītə̄ mbang kə́ ɔsə ngá̰ý kum loo kə́ unjə̄ kow tə́ beē ō, tītə̄ tal kə́ to tītə̄ kil̄ man̄ dan yā sāā kōō gə̄ tə́ beē.

IJAI 18:4 Referans Kwoze

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

IJAI 18:7

Loo ń noō tə́ a reēn̄ kə yá̰a̰ ndējə̄ gə̄ yā kadə̄ Kɔ́ɔ̄ɓē kə́ bo kə́ tɔ́gən i ngá̰ý. Yá̰a̰ ndējə̄ gə̄ ní, i yā nápar de gə̄ kə́ ngāl̄ gə̄ ń toō, ń i nápar de gə̄ kə́ ndāŕdə́ ndə́lē ō, de gə̄ ɓōlə́n̄də́ laā ō, kə̄ loo gə̄ tə́ ō, tɔ́gə́də́ i ngá̰ý adə̄ nin̄ rējə̄n̄ madə̄ ba̰ā̰də́ gə̄ ō, ndin̄ i kem ɓē kə́ bā gə̄ əndan̄ dan gāngə̄n̄ tə́ ō ní. A reēn̄ kə yá̰a̰ ndējə̄ gə̄ ní i dɔ mbal̄ bo kə́ Siyo̰ tə́, loo ń Kɔ́ɔ̄ɓē kə́ bo kə́ tɔ́gən i ngá̰ý ndi tū tə́ ní tə́.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

2 SAMUEL 23:4

to tītə̄ mbang kə́ əɓa dəloí ndɔ̄ kə́ kil̄ man̄ gətóó tə́ adə̄ ndə́lē dɔ rā̰ tə́ beē. Yḛŕ mbang kə́ gō man̄ kə́ edə tə́ rāā adə̄ mu əɓa.

OJEE 14:5

Kɔ́ɔ̄ɓē əda na: Mo̰y kəra dɔ ndū tə́ aĺ ń rāā Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

IJAI 31:9

Ɓōĺ a rāādə́ adə̄ nin̄ a ndewn̄. Ngé gə̄ ń ngangə̄n̄ tɔȳ madə̄də́ gə̄ ní a a̰ȳn̄ naā ō, ngār gə̄ ń jīdə́ ur̄ wak ní, a əya̰n̄ dərapóo yādə́ kɔ̄ɔ́ ō. I Kɔ́ɔ̄ɓē ń ta ndo̰ hor yān i Siyo̰ ní, ni ń hor yān o̰o̰ kem ɓē kə́ Jerusalem tə́ ní. Najə̄ ń ni əda ní n noó.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

PĀ GƏ̄ 72:6

Ādə̄ ni risə tītə̄ man̄ kə́ a edə kə̄ dɔ mu kə́ tél sitə gogə́ tə́, tītə̄ man̄ kə́ edə ba rāā adə̄ dɔ nang sɔl̄ beé!

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

2 YÁ̰A̰ GƏ̄ 6:21

Ōō ɓār̄ ń mā ō, Israel gə̄ ń i deē yāí gə̄ ní ō, j-tūr̄ kumjí kə̄ loo ń toō tə́ j-ɓārī ní ō. Kɔ́ɔ̄ɓē, ōō ndūjí loo ń ī-ndi tū tə́ dɔ rā̰ tə́ ní. Ōō ndūjí ō, ī-mā̰ȳ rɔ̄í dɔjí tə́ ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i ngé koō ta gə̄ ní alé i tītə̄ ń noō ō.