IJAI 18:1 - Bibəl ta Sar̄

¹ I yá̰á̰ kə́ to kum kaȳ aĺ kə́ ba̰ý beē tām̄ yā ɓē yā too bo gə̄ kə́ kūbə̄ yādə́ gə̄ i jōó jōó tə́, adə̄ i tām̄ yā ɓē ń to kə gō kadə bā gə̄ kə́ Etiopi ní!

Bible sar

¹ I yá̰á̰ kə́ to kum kaȳ aĺ kə́ ba̰ý beē tām̄ yā ɓē yā too bo gə̄ kə́ kūbə̄ yādə́ gə̄ i jōó jōó tə́, adə̄ i tām̄ yā ɓē ń to kə gō kadə bā gə̄ kə́ *Etiopi ní!

IJAI 18:1 Referans Kwoze

SOPONI 3:10

Ngé rɔȳḿ gə̄ ń nin̄ i kə̄ kem ɓē gə̄ tə́ malang ní, a ḭḭn̄ gidə bā gə̄ kə́ Etiopi tə́ sa̰y yā reē ō, a reēn̄ kə yá̰a̰ ndējə̄ yādə́ gə̄ yā kadə̄m̄ ō.

2 MBAN̄G 19:9

Tɔdɔ̄ mban̄g oō kadə̄ Tiraka mban̄g kə́ Kus na a reē kə áskar yān gēé yā kənīnneé rɔ̄ɔ̄. Mban̄g kə́ Asiri tél əla de gə̄ rɔ̄ Ejekias ɓáý to̰, ədadə́ na

SOPONI 2:12

Sḭḭ̄ de kə́ Etiopi gə̄, m-ā m̄-rāāsí kadə̄ ā óyiī ta rɔ̄ɔ̄ tə́ ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

EJEKIEL 30:9

Ndɔ̄ ń noō tə́ ní, ngé kaw̄ kəla gə̄ a aw̄n̄ i kə too boó. M-ā m-ə́ládə́ i yā kadə̄ nin̄ aw̄ rāān̄ ɓē kə́ Etiopi kadə̄ ndew, ni ń gír̄ kadə̄ na n-ndi na i kanjə̄ sōl̄ yá̰á̰ kógə̄ḿ ní. Ba ndɔ̄ ń m-ā m̄-nujəń ɓē kə́ Ejiptə ní, ɓōĺ a rāā de kə́ kemeé gə̄ kadə̄ a ndewn̄. Ndɔ̄ ní dɔ to ngɔr!

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

PĀ GƏ̄ 63:7

Dan ń m̄-to dɔ tə̄rá ɓīīḿ tə́ á m̄-gír̄ dɔí tə́ ní, m̄-ndɔ̄yī m-ādə̄ dan oy tām̄.

PĀ GƏ̄ 61:4

Tɔdɔ̄ ḭ̄ i loo ɓɔ̄ɔ̄ rɔ̄ yāḿ, kújə yāḿ kə́ ngan̄g ta kum madə̄ ba̰ā̰ḿ tə́.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

PĀ GƏ̄ 36:7

Háĺ kə́ gōtə́ yāí asən̄ naā kə mbal̄ gə̄ kə́ ngālə̄n̄ ngá̰ý. Yá̰a̰ gə̄ ń ə́dá ní kumdə́ rúú ngá̰ý tītə̄ gír bā bo beé. Kɔ́ɔ̄ɓē, ḭ̄ ájə de gə̄ ō, dā̰ gə̄ ō.

PĀ GƏ̄ 17:8

Ī-ngɔ̄mə̄m̄ tītə̄ loo ngɔ̄m̄ njár̄ kumií beē. Ī-ɓɔ̄ɔ̄m̄ gír bɔ̄gīí tə́,

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

IJAI 37:9

Banī mban̄g kə́ Asiri oō kadə̄ Tiraka mban̄g kə́ Kus na a reē na i kə̄ kənīn rɔ̄ɔ̄ tə́. Dan ń Senakerib oō najə̄ ń noō ní, ni-əla de gə̄ ɓáý to̰ rɔ̄ Ejekias,

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.