IJAI 17:8 - Bibəl ta Sar̄

⁸ Nin̄ a tūrə̄n̄ kumdə́ kə̄ loo tun̄ yá̰a̰ gə̄ ń nin̄ kɔ́ gə̄ rāān̄ tə́ ní alé. Kāgə̄ kə́ kudə kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ń nin̄ kɔ́ gə̄ rāān̄ kə jīdə́ ní, nin̄ a̰a̰n̄ to̰ alé.

Bible sar

⁸ Nin̄ a tūrə̄n̄ kumdə́ kə̄ *loo tun̄ yá̰a̰ gə̄ ń nin̄ kɔ́ gə̄ rāān̄ tə́ ní alé. Kāgə̄ kə́ kudə kə́ yā ɓōĺ gidə gə̄ ō, *loo róō ndujə̄ yá̰á̰ kə́ kotə majə gə̄ ō ń nin̄ kɔ́ gə̄ rāān̄ kə jīdə́ ní, nin̄ a̰a̰n̄ to̰ alé.

IJAI 17:8 Referans Kwoze

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 2:8

Nə́ɓā kə́ rɔ̄kum aĺ gə̄ taān̄ loo kem ɓē yān tə́. De gə̄ malang a ɔsən̄ i kejədə́ nang tə́ no yá̰á̰ kə́ tɔ́sə̄ rāā yá̰á̰ kógə̄ḿ tə́, no yá̰á̰ kə́ jī deē rāā tə́.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

SOPONI 1:3

M-ā m̄-rāā kadə̄ deē ndul gə̄ gətóon̄ ō, dā̰ gə̄ gətóon̄ ō, yel̄ kə́ dɔɔ́ gə̄ gətóon̄ ō, kānjə̄ gə̄ kə́ kum bā bo tə́ gətóon̄ ō. M-ā m̄-rāā kadə̄ de kə́ majaĺ gə̄ gətóon̄ ō, yá̰á̰ ń rāādə́ adə̄ a rāān̄ yá̰a̰ majaĺ ní gətóo ō. M-ā m̄-rāā kadə̄ deē ndul gə̄ a gətóon̄ kɔ̄ɔ́ dɔ nang tə́.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

IJAI 44:15

A rāā hor i kə kāgāá. De gə̄ a unən̄ yā ndíbə̄, aláa yā ndīrəń yá̰a̰ kəsa. Aĺ ɓáa nin̄ rāān̄ nə́ɓā tə́ yā rɔȳn. Nin̄ tɔ́sə̄n̄ yá̰a̰ rāān̄ yá̰á̰ kógə̄ḿ tə́ ba ɔsən̄ nodə́ nang tə́ no yá̰á̰ ní tə́ rɔȳnəń yá̰á̰ ní.

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

2 YÁ̰A̰ GƏ̄ 34:4

Loo tun̄ yá̰a̰ gə̄ ń a tunə̄n̄ yá̰a̰ dɔ tə́ adə̄n̄ ɓesə̄ Baal gə̄ ní, nujən̄neé kɔ̄ɔ́ i ta kumən tə́ ō. Ni nujə loo róō ndujə̄ yá̰á̰ kə́ kotə majə gə̄ kə́ dɔ loo tun̄ yá̰a̰ gə̄ ní tə́ kɔ̄ɔ́ ō. Jén̄g kāgə̄ ɓesə̄ kə́ túdə̄ gə̄ ō, kāgə̄ ɓesə̄ kə́ tɔ́sə̄ kə́ yā ɓōĺ gidə gə̄ ō kɔ̄ɔ́. Ɓesə̄ gində̄ kə́ nō horoó gə̄ ní, ni nujəń kɔ̄ɔ́ ō. Ni tétə̄də́ rárák ba seĺ butə̄də́ dɔ ɓádə de gə̄ ń tunə̄n̄ yá̰a̰ gə̄ adə̄n̄də́ ní tə́.

2 YÁ̰A̰ GƏ̄ 14:5

Ni-rāā ɓē kə́ ngan̄g gə̄ kə́ Juda tə́ tɔdɔ̄ ɓē ndi jəke. Kem ɓāl̄ gə̄ ń noō tə́ ní deē rɔ̄ɔ̄n̄ alé, tɔdɔ̄ Kɔ́ɔ̄ɓē rāā adə̄ ni-ɔr̄ koō.

Teē Ngán Israel gə̄ 34:13

Ā ī-tɔ̄ɔ̄ī loo tun̄ yá̰a̰ yādə́ gə̄ kɔ̄ɔ́ ō, ā ī-tɔ̄ɔ̄ī mbal̄ yādə́ gə̄ ń túdə̄n̄ kə nja kə́ dɔɔ́ ní kɔ̄ɔ́ ō, ā ī-jéngī kāgə̄ ɓesə̄ yādə́ kə́ yā ɓōĺ gidə gə̄ ń túdə̄n̄ ní kɔ̄ɔ́ ō.

NDŪ NAJƏ̄ 7:5

Banī yá̰á̰ ń ā ī-rāāī kə nápar de gə̄ ń noō ní n toó: Ī-nujiī loo tun̄ yá̰a̰ yādə́ gə̄ kɔ̄ɔ́ ō, ī-tɔ̄ɔ̄ī mbal̄ yādə́ gə̄ ń túdə̄n̄ kə nja dɔɔ́ ní kɔ̄ɔ́ ō, ī-tétī kāgə̄ ɓesə̄ yādə́ kə́ yā ɓōĺ gidə gə̄ kɔ̄ɔ́ ō, ī-róōī yá̰a̰ yādə́ kə́ tɔ́sə̄ kudə gə̄ horoó kɔ̄ɔ́ ō.

2 SAMUEL 22:42

Nin̄ əgan̄ kɔŕ ba de kə́ dḭḭ̄də́ gətóo. Nin̄ əgan̄ kɔŕ kə̄ dɔ Kɔ́ɔ̄ɓē tə́, ba ni dal alé.

IJAI 10:20

Kem ndɔ̄ɔ́ ń noō tə́ ní, gotə Israel gə̄, ngé teē ta yo tə́ gə̄ kə́ gír kojə yā Jakob tə́ a lōōn̄ gír kəndā tɔ́gə́də́ dɔ nge ń i nge kəndadə́ tə́ ní: Nin̄ a əndān̄ tɔ́gə́də́ rɔ̄kum i dɔ Kɔ́ɔ̄ɓē ń i kə́ táĺ yā Israel ní tə́.

IJAI 17:9

Ndɔ̄ ngeé ń noō tə́ ní, ɓē bo gə̄ ń ngɔ̄mə̄n̄də́ majə dɔ nang kə́ Israel tə́ ní, a télən̄ i loo kə́ nujə sák sák. Tām̄ a əya̰n̄də́ kɔ̄ɔ́ tītə̄ ń kété əya̰nə̄ń ɓē bo gə̄ yā Hibi gə̄ ō, yā Amor gə̄ ō kɔ̄ɔ́ ta rēē ngán Israel gə̄ tə́ ní.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

IJAI 41:29

Nin̄ i yá̰á̰ kógə̄ḿ aĺ ō, nin̄ rāān̄ yá̰á̰ kógə̄ḿ aĺ ō. Yá̰á̰ kə́ tɔ́sə̄ yādə́ gə̄ i nél karī, i yá̰á̰ kə́ kem wōȳ!

JEREMI 17:2

Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

2 YÁ̰A̰ GƏ̄ 31:1

Dan ń gír yá̰a̰ gə̄ ń noō malang gān̄g anī, ngán Israel gə̄ malang ń nin̄ i noó ní, aw̄n̄ kə̄ kem ɓē gə̄ kə́ Juda tə́ aw̄ tɔ̄ɔ̄n̄ mbal̄ kə́ túdə̄ kə nja dɔɔ́ gə̄ kɔ̄ɔ́ ō, jéngə̄n̄ kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, nujən̄ kə loo ndɔ̄ȳ gə̄ ō, kə loo tun̄ yá̰á̰ kə́ tū tə́ gə̄ ō kɔ̄ɔ́. Rāān̄ tītə̄ ń noō dɔ nang kə́ Juda tə́ malang ō, kə́ Benjamḛ tə́ ō, Epəraim tə́ ō, Manase tə́ ō. Gō tə́ anī nin̄ malang télən kógə̄ḿ kógə̄ḿ kə̄ ɓē yādə́ gə̄ tə́.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.