IJAI 17:4 - Bibəl ta Sar̄

⁴ Ndɔ̄ ngeé ń noō tə́ ní, bo yā Israel a tél kə̄ nang tə́, kɔȳn i ngá̰ý to̰ alé.

Bible sar

⁴ Ndɔ̄ ngeé ń noō tə́ ní, bo yā *Israel a tél kə̄ nang tə́, kɔȳn i ngá̰ý to̰ alé.

IJAI 17:4 Referans Kwoze

IJAI 10:16

I tām̄ najə̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a rāā kadə̄ yá̰a̰ kənge yā gō nang gə̄ kə́ yá̰a̰ kənge i ngá̰ý tū tə́ gə̄ tél kə̄ nang tə́ ní. Hor kógə̄ḿ a taā loo gír majədə́ tə́ gírí nang tə́, tītə̄ hor kə́ o̰o̰ loo beé.

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

EJEKIEL 34:20

I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ ń toō ní: Batə̄ kə́ bo gə̄ ō, kə́ kon̄g gə̄ ō, kə́ dan yá̰a̰ kul̄ yāḿ gə̄ tə́ ní, m-ā m̄-gān̄g sarya kə́ dɔ dáńdə́ tə́.

IJAI 24:16

J-oō pā ń toō ta ngóy dɔ nang tə́: Kɔsə gɔn i yā Nə́ɓā kə́ nge rāā yá̰á̰ kə́ gōtə́! Banī mā m-ə́da na: Taḿ tḭ̄ḭ̄ kɔ̄ɔ́, taḿ tḭ̄ḭ̄ kɔ̄ɔ́, i yá̰á̰ kə́ to kum kaȳ aĺ kə́ ba̰ý beē tām̄ yāḿ mā tə́! Ngé tél kɔ̄ɔ́ gō de gə̄ tə́ gə̄ teēn̄ kə gír madə̄də́ gēé dɔɔ́. Teē kə gír naá dɔɔ́!

IJAI 24:13

A̰á̰ā̰, dɔ nang tə́, dan gír de gə̄ tə́ ní, i yá̰á̰ kə́ sḛ́ý beē ngóy n a na̰y ní. A to i tītə̄ gotə kan̄ kāgə̄ olibə gə̄ kə́ dɔ kāgə̄ olibə gə̄ tə́, gō kəja kan̄ kāgə̄ olibə gə̄ tə́ beē, aláa a to i tītə̄ dɔ bəra kan̄ nduú kə́ gō gogə́ gə̄ kə́ deē a sāā gō kəja kan̄ kāgə̄ nduú gə̄ tə́ beē.

IJAI 10:4

Yá̰á̰ ń sḭḭ̄ ásiī rāā ní, i rugə nang tə́ dan dəngáy gə̄ tə́, aláa i kəsō nang tə́ dan nīń gə̄ tə́ ngóy. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 9:8

De gə̄ malang gerə̄n̄, Epəraim gə̄ malang ō, de kə́ Samari gə̄ malang ō, gerə̄n̄. Kété ní, kɔjə rɔ̄ rosə kem de gə̄ ngeé ń toō adə̄ nin̄ ədan̄ na:

TA KƏLA 41:3

Gō tə́ anī man̄g kə́ rang kə́ majaĺ kə́ kon̄g ngéngéréńg gə̄ teēn̄ gō madə̄də́ gə̄ tə́ kum man̄ tə́, reē ran̄ kadədə́ tə́ kadə bā tə́.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

IJAI 17:3

Ndogə̄ mbal̄ kə́ yā rɔ̄ɔń dɔ ɓē tə́ a gətóo dɔ nang kə́ Epəraim tə́. Mban̄g a gətóo Damas. Gotə de kə́ Aram gə̄ ń a na̰yn̄ ní, a tɔyn̄ Israel gə̄ alé. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

2 MBAN̄G 17:3

Salmanasar, mban̄g kə́ Asiri, reē rɔ̄ɔ̄ Ose. Anī Ose əla dɔn gíŕ tɔ́gən tə́ ō, tīr̄ yá̰a̰ adə̄n ō.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

AMOS 3:12

Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.