IJAI 17:14 - Bibəl ta Sar̄

¹⁴ Loo tíbí anī, i ɓōĺ kógə̄ḿ kə́ to ɓōĺ ngá̰ý, kété pá tá kadə̄ loo tīī anī, nin̄ gətóon̄ kɔ̄ɔ́ malang. Yá̰á̰ ń a rāā ngé gə̄ ń ɔyn̄ yá̰a̰ yājí malang kɔ̄ɔ́ ní n noó, yá̰á̰ ń ngé kɔy yá̰a̰ yājí dɔ gúú tə́ gə̄ a əngen̄ ní n noó. pá tá kadə̄ loo tīī ní, yá̰á̰ kógə̄ḿ kə́ na gətóo ō.

Bible sar

¹⁴ Loo tíbí anī, i ɓōĺ kógə̄ḿ kə́ to ɓōĺ ngá̰ý, kété pá tá kadə̄ loo tīī anī, nin̄ gətóon̄ kɔ̄ɔ́ malang. Yá̰á̰ ń a rāā ngé gə̄ ń ɔyn̄ yá̰a̰ yājí malang kɔ̄ɔ́ ní n noó, yá̰á̰ ń ngé kɔy yá̰a̰ yājí dɔ gúú tə́ gə̄ a əngen̄ ní n noó. pá tá kadə̄ loo tīī ní, yá̰á̰ kógə̄ḿ kə́ na gətóo ō.

IJAI 17:14 Referans Kwoze

2 MBAN̄G 19:35

Teē kə ndɔ̄ kə́ noō ndɔ̄ɔ́ anī, nge kaw̄ kəla yā Kɔ́ɔ̄ɓē udə kem gérger yā de kə́ Asiri gə̄ tə́ ba tɔ̄l̄ de gə̄ 185 000. Dan ń de gə̄ ndótən̄ kə gidə gōó dəloí anī loo i nīń malang.

Gōsə̄ najə̄ gə̄ 22:23

Tɔdɔ̄ Kɔ́ɔ̄ɓē a rɔ̄ɔ̄ dɔdə́ tə́ loo sarya tə́ ō, a rāā kadə̄ yo taā ngé taā yá̰a̰ yādə́ gə̄ ō.

EJEKIEL 39:10

Nin̄ a sāān̄ kīr̄ bembeé to̰ aĺ ō, a tə́gān̄ kīr̄ kem ku gə̄ tə́ to̰ aĺ ō. Tɔdɔ̄ nin̄ a rāān̄ hor i kə yá̰a̰ rɔ̄ɔ̄ gə̄ ń noō. Nin̄ a ɓogən̄ ngé gə̄ ń ɓogən̄də́ nin̄ kété ní ō, ngé gə̄ ń kété ɔyn̄ yá̰a̰ yādə́ nin̄ dɔ gúú tə́ ní, nin̄ a ɔyn̄ yá̰a̰ yādə́ dɔ gúú tə́ ō. I mā Kɔ́ɔ̄ɓē Nə́ɓā n m-ə́da najə̄ ń noō.

JEREMI 13:25

Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

JEREMI 2:3

Israel i yá̰á̰ kə́ kɔr̄ kam̄ kəndā tayā tām̄ yā Kɔ́ɔ̄ɓē tə́. I kōō gə̄ kə́ ta kəga dɔ tām̄ yān tə́, náā nəkɔ́ ń əsa kōō kə́ ta kəga dɔ ngeé ń toō ní najə̄ i dɔ tə́. Yá̰á̰ kə́ to kum kaȳ aĺ əsō dɔn tə́. Najə̄ ń Kɔ́ɔ̄ɓē əda ní n noó.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

PĀ GƏ̄ 37:36

Banī ni gətóo gír yān gān̄g kɔ̄ɔ́. m̄-sāā njan banī loo kəngen dum̄.

Makətūbə̄ yā Job 20:29

Yá̰á̰ ń Nə́ɓā ngɔ̄m̄ tām̄ yā nge kem ndul tə́ ní n noó, yá̰a̰ ndəbā ń Nə́ɓā adə̄n ní n noó.

2 MBAN̄G 19:3

yā kədan na: Ejekias ɔr̄ najə̄ i beé əda na: Ɓōólaā i ndɔ̄ wur kɔl ō, ndéy ō, rɔ̄sɔl̄ ō! Ngán gə̄ əndān̄ rɔ̄də́ ta róbə́ tə́ yā teē kem kó̰də́ gə̄ tə́ kə̄ ndágá, banī tɔ́gə́ kə́ yā kojəńdə́ gətóo!

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

IJAI 10:25

Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

IJAI 29:7

Ariel, kósə de gə̄ kə́ kem ɓēé gə̄ ń a rɔ̄ɔ̄īn̄ ní, a gətóon̄ kɔ̄ɔ́ tītə̄ nī beé. De gə̄ malang ń əndān̄ ndogə̄ mbal̄ gə̄ gīrə̄n̄neé gidií yā kənīīneé rɔ̄ɔ̄ ō, njadə́ ra kɔŕ kɔtə́yɔ gōí tə́ ō ní, nin̄ hində̄n̄ lim tītə̄ yá̰á̰ kə́ deē a̰a̰ ndɔ̄ɔ́ beē.

IJAI 33:18

Yá̰á̰ ń kété a̰ȳ ndílí ní ā ī-gír̄ yá̰a̰ dɔ tə́ ō, ā ī-dəje rɔ̄í najə̄ ō, ā ə́da na: De gə̄ ń kété a əndān̄ ma̰ȳ lambóo a a̰a̰n̄ ké i gōtə́ wa ō, a tə́dan̄ lambóo gə̄ ō ní nin̄ i rá? Ngé gə̄ ń kété a əndān̄ kumdə́ gír ndogə̄ mbal̄ gə̄ kə́ yā rɔ̄ɔń dɔ ɓē tə́ ní nin̄ i rá?

IJAI 34:17

Núsən gə̄ kə́ tām̄ yādə́ gə̄ tə́ kógə̄ḿ kógə̄ḿ ní, i wə̄lā ń ni túgə̄ ní n əhɔ adə̄də́ ní. Ni un kəlā yān yā mbɔ̄jə́nń núsə dɔ nang gə̄ kə́ tām̄ yādə́ gə̄ tə́ kem ɓēé. Nin̄ a əngen̄ núsə dɔ nang gə̄ ní tām̄ yādə́ tə́ i kə́ njɔ́ḿ gə̄ tə́. Nin̄ a ndin̄ loo ní tə́ i kə dɔ gír kojə yādə́ gēé.

IJAI 41:12

Ngé rɔ̄ɔ̄í gə̄ ní, ā ī-sāādə́ banī ā ə́ngédə́ to̰ alé. De gə̄ ń toō ń rɔ̄ɔ̄īn̄ ní, a nujən̄də́ kɔ̄ɔ́ ō, nin̄ a hində̄n̄ lim kɔ̄ɔ́ ō.

JEREMI 49:10

Sḭḭ̄ de kə́ gír kaa yā Esau tə́ gə̄, i mə̄kɔ́ n m-ā m-ɔ́ý yá̰a̰ kənge yāsí malang kɔ̄ɔ́ ní. Yá̰a̰ kənge yāsí gə̄ ń ton̄ loo ɓɔ̄ɔ̄ rɔ̄ tə́ ní, i mə̄kɔ́ n m-ā m̄-teēń ndágá ní. Ā ásiī ɓɔ̄ɔ̄ rɔ̄sí to̰ alé. Ngán kaasí gə̄ ō, ngákó̰ó̰sí gə̄ ō, madə̄ ɓēsí gə̄ ō ní, a nujən̄də́ sák sák kɔ̄ɔ́ ō, de kə́ yā kəda na:

IJAI 21:12

Nge ngɔ̄m̄ loo tūr̄ əda na: Loo tīī, ba téĺ tíbə gogə́. Ré ī-gḛyiī dəje najə̄ ɓáý to̰ anī, ī-dəjeī, gō tə́ anī ī-tél ī-reēī gogə́ ndɔ̄ kə́ rang tə́ ɓáý!

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 30:28

Koō kə́ tan tə́ to i tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá ō, ḭḭ bátə́ əhɔ deē míndən tə́ dɔɔ́ ō beé. Ni-reē yéȳ nápar de gə̄ kə yá̰a̰ rāān kə́ a nujə loo. Ni-əla sáā gində̄ kógə̄ḿ kem tadə́ tə́ yā kɔrəń nodə́ kaw̄ sedə́ loo kə́ nin̄ ndigən̄ aĺ tə́.

JAKARI 2:12

Kɔ́ɔ̄ɓē kə́ bo kə́ tɔ́gən i ngá̰ý əndā najə̄ kə́ bo ngá̰ý taḿ tə́. Najə̄ ń ni-əda dɔ nápar de gə̄ ń ɔyn̄ yá̰a̰ yāsí gə̄ dɔ gúú tə́ ní n toó: Deē ń ənīsí rɔ̄ɔ̄ ní, ənī i yá̰a̰ kənge yāḿ kə́ gātə̄n i ngá̰ý rɔ̄ɔ̄.