IJAI 17:13 - Bibəl ta Sar̄

¹³ Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

Bible sar

¹³ Kōō do̰ rɔ̄ɔ̄ yā nápar de gə̄ ɓār̄ tītə̄ kōō bā bo gə̄ beé. Kɔ́ɔ̄ɓē əla ɓōĺ kemdə́ tə́, anī nin̄ a̰ȳ aw̄n̄ sa̰y. Tə̄ɓān̄də́ tītə̄ mu kə́ néĺ kə́ dɔ mbal̄ bo gə̄ tə́ tə̄ɓān aw̄ seneé beē, tītə̄ bumbə́rú kə́ əga nding kə́ nél mān̄ tə̄ɓān kɔ̄ɔ́ beē.

IJAI 17:13 Referans Kwoze

PĀ GƏ̄ 9:5

Tɔdɔ̄ ḭ̄ ī-rɔ̄ɔ̄ dɔḿ tə́ ō, ī-gān̄g sarya yāḿ ō. Ī-ndi dɔ kōr̄ kāgə̄ mbang yāí tə́, ḭ̄ i nge gān̄g sarya kə́ gōtə́.

PĀ GƏ̄ 1:4

Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

Makətūbə̄ yā Job 21:18

Ɓá ta ba de gə̄ ədan̄ na: Ādə̄ nin̄ ton̄ tītə̄ mu kə́ nél un aw̄ń beé ō, təsá kə́ nél man̄ ɔy aw̄ń beé ō.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

DANIEL 2:35

Anī gində̄ ō nánjə ō gində̄ nə̄ngá kasə ō gində̄ arjā̰a̰ ō lɔ́r ō ní, tetən̄ ndujə̄ adə̄ nél ɔy aw̄ń tītə̄ təsá əwā kə́ ɓālāá kə́ kem gárāá ń nél ɔy aw̄ń kɔ̄ɔ́ adə̄ deē a̰a̰ gotə to̰ aĺ ní beē. Banī mbal̄ ń ənī nja yá̰á̰ ń tɔ́sə̄n̄ adə̄ to tītə̄ deē ní, tél mbal̄ bo kə́ bo ngá̰ý kə́ taā loo malang dɔ nang tə́.

IJAI 27:1

Ndɔ̄ ngeé ń noō tə́ ní, Kɔ́ɔ̄ɓē a un kaskar yān kə́ bo ō, to ɓōĺ ō, ngan̄g ō, yā rāań yá̰á̰ kə́ tōr̄ kə Lebiatan ń i lī kə́ nge ka̰ȳ ní, Lebiatan ń i lī kə́ kumən edə̄ ngá̰ý ní. Ba dā̰ kə́ majaĺ ngá̰ý kə́ kum bā bo tə́ ngeé ń toō ní a tɔ̄lən.

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

PĀ GƏ̄ 35:5

Loo ń nge kaw̄ kəla yā Kɔ́ɔ̄ɓē a mbəredə́ kə̄ gogə́ anī, ādə̄ ton̄ tītə̄ təsá kə́ nél ɔy dáyń beē!

Makətūbə̄ yā Job 38:11

ba m-ə́dan na: Ā ī-reē bátə́ yā kugə̄ loo ń toō tə́ laā, ba ā ī-mān̄ dɔ loo ń toō alé. A̰á̰ā̰, bəngál man̄ yāí gə̄ ń ɔjən̄ rɔ̄də́ ngá̰ý ní, a dəban̄ loo ń toō tə́ laā!

PĀ GƏ̄ 65:7

Ḭ̄ ī-tə́ndā mbal̄ bo gə̄ ādə̄ ran̄ ngan̄g gotə kógə̄ḿ kə tɔ́gí. Ī-do̰ō̰ kəhɔ rɔ̄ tɔgə ndāŕ tə́ ɓōdīí tə́.

IJAI 8:7

I beé ɓá ní, man̄ bā Opəratə ń i man̄ kə́ ngá̰ý ō, i man̄ kə́ a nūgə́ kə ngangá ngá̰ý ō ní, m-ā m̄-reēń dɔdə́ tə́. Kumən na i mban̄g kə́ Asiri ń tɔ́gən i ngá̰ý ní. Bā Opəratə a ḭḭ ngá̰ý ō, a taā loo ō.

IJAI 21:15

De gə̄ a̰ȳn̄ naā kɔ̄ɔ́ no rɔ̄ɔ̄ tə́, a̰ȳn̄ naā kɔ̄ɔ́ no kaskar kə́ əndān̄ dɔ danaá yā kɔsəń deē tə́ tə́, no ga̰ gərā kə́ ɔrən̄ gō yā kurəńdə́ tə́, no rɔ̄ɔ̄ kə́ təngā piling tə́.

IJAI 22:18

ba a əla seí kem ɓē kógə̄ḿ kə́ bo ngá̰ý tə́ kadə̄ ā ī-ndūbə̄rū nang tə́ tītə̄ yá̰á̰ kə́ gōr̄ gong beé. Ḭ̄ ń i nge kəla rɔ̄sɔl̄ dɔ kújə yā kɔ́ɔ̄í tə́ ní, ā óy i nú, naā tə́ kə púsə rɔ̄ɔ̄ yāí kə́ majə ngá̰ý gə̄!

IJAI 34:17

Núsən gə̄ kə́ tām̄ yādə́ gə̄ tə́ kógə̄ḿ kógə̄ḿ ní, i wə̄lā ń ni túgə̄ ní n əhɔ adə̄də́ ní. Ni un kəlā yān yā mbɔ̄jə́nń núsə dɔ nang gə̄ kə́ tām̄ yādə́ gə̄ tə́ kem ɓēé. Nin̄ a əngen̄ núsə dɔ nang gə̄ ní tām̄ yādə́ tə́ i kə́ njɔ́ḿ gə̄ tə́. Nin̄ a ndin̄ loo ní tə́ i kə dɔ gír kojə yādə́ gēé.

IJAI 40:15

Nápar de gə̄ ton̄ i tītə̄ ngōn̄ man̄ kə́ əsō ɗḛy gír gəmbé tə́ beē, ton̄ i tītə̄ kum nán̄g ngárə̄ḿnjēý kógə̄ḿ kə́ to dɔ yá̰a̰ mbɔ̄jə́ kɔȳ yá̰á̰ tə́ beé. Gír de kə́ sa̰y gə̄ hɔɔ́lɔ̄n̄ tītə̄ bumbə́ru beé.

IJAI 40:24

Ɓārə́n̄ rīdə́ i ngɔr ɓáý, ndin̄ i ngɔr ɓáý, əlan̄ ngəradə́ aĺ ɓáý, anī Kɔ́ɔ̄ɓē tóódə́ kə koō kə́ tan tə́ kɔ̄ɔ́ ɓá. Anī nin̄ tutən̄ ō, nél man̄ kə́ əla kə tɔ́gɔ́ ɔydə́ tītə̄ mu beé aw̄ sedə́ kɔ̄ɔ́ ō.

IJAI 41:11

De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

PĀ GƏ̄ 65:8

Ī-tetə kōō bā bo gə̄ ō, kōō bəngáĺdə́ gə̄ ō, kōō gír de gə̄ ń a tṵ́ṵ̄n̄ rɔ̄ɔ̄ ní ō, adə̄ tél ton̄ jəke.

IJAI 30:28

Koō kə́ tan tə́ to i tītə̄ man̄ dɔ mbal̄ kə́ rə̄ɓā kem kārə̄n tə́ kə̄ ndágá ō, ḭḭ bátə́ əhɔ deē míndən tə́ dɔɔ́ ō beé. Ni-reē yéȳ nápar de gə̄ kə yá̰a̰ rāān kə́ a nujə loo. Ni-əla sáā gində̄ kógə̄ḿ kem tadə́ tə́ yā kɔrəń nodə́ kaw̄ sedə́ loo kə́ nin̄ ndigən̄ aĺ tə́.