IJAI 17:12 - Bibəl ta Sar̄

¹² I yá̰á̰ kə́ to kum kaȳ aĺ kə́ ba̰ý beē! Nápar de kə́ ngá̰ý gə̄ ń toó, kōōdə́ ɓār̄ tītə̄ kōō bā bo gə̄ beé. Kōō do̰ rɔ̄ɔ̄ yādə́ ɓār̄ tītə̄ kōō bəngál bā bo kə́ ḭḭ kə tɔ́gɔ́ ngá̰ý beē.

Bible sar

¹² I yá̰á̰ kə́ to kum kaȳ aĺ kə́ ba̰ý beē! Nápar de kə́ ngá̰ý gə̄ ń toó, kōōdə́ ɓār̄ tītə̄ kōō bā bo gə̄ beé. Kōō do̰ rɔ̄ɔ̄ yādə́ ɓār̄ tītə̄ kōō bəngál bā bo kə́ ḭḭ kə tɔ́gɔ́ ngá̰ý beē.

IJAI 17:12 Referans Kwoze

Najə̄ kə́ Majə yā Jeju ń Luk ndang ní 21:25

Yá̰á̰ kə́ yáā gə̄ ō, kə́ yā kɔjəń dɔ yá̰a̰ gə̄ ń a reēn̄ ní ō, a teēn̄ kum mbang tə́ ō, kum nāā tə́ ō, kum tə́yō̰ gə̄ tə́ ō. Adə̄ dɔ nang tə́ ní, kem gíŕ nápar de gə̄ a tetə man̄ ō, a sōlə̄n̄ kekəre tām̄ yā kōō bā bo kə́ a ɓār̄ tə́ ō, tām̄ yā bəngál bā bo tə́ ō.

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.

PĀ GƏ̄ 18:4

Ādə̄ de gə̄ ɓōkə́n̄ Kɔ́ɔ̄ɓē tɔ̄ȳ. m̄-ɓāŕ Kɔ́ɔ̄ɓē, anī m̄-tetə madə̄ ba̰ā̰ḿ gə̄ rɔ̄ɔ̄.

JEJU TEĒ KUM JA̰A̰ 17:15

Gō tə́ anī de kə́ dɔ rā̰ tə́ ní ədam̄ na: Man̄ gə̄ ń na m-á̰a̰ā̰ loo ń dəyá̰ kə́ nge rāā ájə́ba ndi tū tə́ ní, na i gír de gə̄ ō, kósə de gə̄ ō, nápar de gə̄ ō, gír ta gə̄ ō.

JEJU TEĒ KUM JA̰A̰ 17:1

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 9:5

Ojən̄ ngōn̄ tām̄ yājí tə́, adə̄n̄jí ngōn̄ kə́ dəngam. Ni-ənge ndū ko̰o̰ ɓē yā mban̄g. Əndān̄ rīn na i: Nge kadə̄ kɔjə̄ kə́ hálən majə ngá̰ý ō, to kɔr kum ō, Nə́ɓā kə́ tɔ́gən to ō, Bɔbə̄ kə́ njɔ́ḿ gə̄ tə́ ō, Ngār kem sɔl̄ lɔm ō.

PĀ GƏ̄ 29:3

Ndū Kɔ́ɔ̄ɓē ɓār̄ dɔ man̄ tə́. Nə́ɓā kə́ nge kɔsə gɔn rāā adə̄ man̄ ndang. Kɔ́ɔ̄ɓē o̰o̰ ɓē dɔ man̄ kə́ bo gə̄ tə́.

TƏ́DA 10:35

Ré sandúkə madə̄ naā a ɔr̄ dɔɔ́ anī Moijə əda na: Kɔ́ɔ̄ɓē, ḭ́ḭ dɔɔ́ ādə̄ madə̄ ba̰ā̰í gə̄ tə̄ndān̄ naā tḭ̄ḭ̄n̄ kɔ̄ɔ́ ō, ādə̄ ngé rɔ̄ɔ̄í gə̄ a̰ȳn̄ naā kɔ̄ɔ́ noí tə́ ō.

PĀ GƏ̄ 83:2

Nə́ɓā, ī-ndi kə taí kə́ mbóo to̰ alé. Ī-lōō ndi kanjə̄ rāā yá̰a̰ ō, kanjə̄ kɔr̄ najə̄ ō.

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

IJAI 13:4

Ōōī kōō yá̰á̰ ń a ɓār̄ dɔ mbal̄ gə̄ tə́ noō: I kōō de kə́ ngá̰ý gə̄. Ōōī kōō ɓē ko̰o̰ gə̄ ń a ɓār̄ noó, kōō nápar de gə̄ kə́ ɔsən̄ dɔdə́ naā tə́. I Kɔ́ɔ̄ɓē kə́ bo kə́ tɔ́gən i ngá̰ý n a əndā ma̰ȳ ɓūtə̄ áskar yān gə̄ tām̄ yā rɔ̄ɔ̄ tə́ ní.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

MISE 4:11

Ba ngɔlaā ní, de gə̄ ngá̰ý ɔsən̄ dɔdə́ naā tə́ yā rɔ̄ɔ̄sí. Nin̄ ədan̄ na: Ādə̄ j-ɔrī kɔsə gɔn yā ɓē yādə́ kɔ̄ɔ́, ādə̄ j-a̰ā̰ī Jerusalem ń nujənə̄ń kɔ̄ɔ́ ní kə rɔ̄nelēé.

DANIEL 7:2

kə gō ń nəkɔ́ ɔjəń gotə ní, əda na: Nī rāām̄ ndɔ̄ɔ́ adə̄ m-á̰a̰ kadə̄ nél ḭḭ dām̄ kə́ gír ɓē tə́ ō no ɓē tə́ ō dām̄ mbɔ́r ɓē kə́ ko̰ó̰ tə́ ō kə́ geleé tə́ ō, ba əla kə tɔ́gɔ́ dɔ bā bo tə́ adə̄ man̄ ḭḭ ngá̰ý.