IJAI 17:10 - Bibəl ta Sar̄

¹⁰ Israel, dɔí ndígə̄nal Nə́ɓā kə́ nge kajiī. Mbal̄ ń ngɔ̄mī ní, əga kemií dɔn tə́ alé, i tām̄ najə̄ ń toō tə́ n ī-rāā adə̄ kāgə̄ kə́ nel̄ gə̄ əɓan̄ ō, ī-dubə̄ kum yá̰á̰ kə́ mbā gə̄ ō ní.

Bible sar

¹⁰ *Israel, dɔí ndígə̄nal Nə́ɓā kə́ nge kajiī. Mbal̄ ń ngɔ̄mī ní, əga kemií dɔn tə́ alé, i tām̄ najə̄ ń toō tə́ n ī-rāā adə̄ kāgə̄ kə́ nel̄ gə̄ əɓan̄ ō, ī-dubə̄ kum yá̰á̰ kə́ mbā gə̄ ō ní.

IJAI 17:10 Referans Kwoze

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

IJAI 26:4

Ə̄nī kemsí ādī Kɔ́ɔ̄ɓē kə́ njɔ́ḿ gə̄ tə́. A̰á̰ā̰, ādī Kɔ́ɔ̄ɓē, ni ń i mbal̄ kə́ ngan̄g kə́ to ngándáńg ní.

NDŪ NAJƏ̄ 32:18

Ngán Israel gə̄, mbal̄ ń ojəsí ní sḭḭ̄ ī-rāāniī nja bə̄yā̰ kə́ gogə́ tə́. Dɔsí ndígə̄nal dɔ Nə́ɓā ń i bɔbə̄sí tə́ ní.

PĀ GƏ̄ 106:21

Dɔdə́ ndígə̄nal Nə́ɓā kə́ nge kajədə́ ń rāā yá̰á̰ kə́ bo gə̄ kété dɔ nang kə́ Ejiptə tə́ ō,

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

OJEE 8:14

Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

PĀ GƏ̄ 106:13

Dɔdə́ ndígə̄nal yá̰a̰ rāān gə̄ láẃ ngá̰ý kɔ̄ɔ́, ngóōn̄ yā ka̰ā̰ ké a sāā i rāā rí kə́ rang wa alé.

PĀ GƏ̄ 85:4

Ḭ̄ ə́ya̰ gō wōn̄g ń rāāī ngá̰ý ní kɔ̄ɔ́, ḭ̄ ī-lōō gír wōn̄g yāí kə́ ngá̰ý tə́.

NDŪ NAJƏ̄ 32:31

Tɔdɔ̄ mbal̄ yā madə̄ ba̰ā̰jí gə̄ to tītə̄ mbal̄ yājí alé. Nge ń noō ní nin̄ kɔ́ gə̄ gerə̄n̄ ō.

PĀ GƏ̄ 79:9

Nə́ɓā kə́ nge kajəjí, ī-rāā sejí ādə̄ de gə̄ tɔ̄ȳn̄neé rīí. Tām̄ yā rī ɓār̄ yāí tə́ ní, ī-gān̄g dɔjí ō, ə̄ndā njaí dɔ yá̰á̰ kə́ majaĺ gə̄ ń jə-rāā tə́ ní ō.

1 YÁ̰A̰ GƏ̄ 16:35

Ba ə́gaī kɔŕ kə̄ dɔn tə́ ə́daī na: Nə́ɓā nge kajəjí, ájə́jí! Ī-gān̄g dɔjí jī nápar de kə́ rang gə̄ tə́, ba ɔ́sə njají kə̄ naā tə́. Loo ń noō tə́ ré j-a jə-tɔ̄yī anī, j-a j-əda rīí kə́ táĺ ō, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́ ō.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

NDŪ NAJƏ̄ 28:30

Dəyá̰ ń ā ə́hɔ gātə̄n ní i de kə́ rang n a ɓīī seneé. Kújə́ ń ā ī-rāā ní, ā ī-ndi kemeé alé. Ā ī-ndɔr̄ kāgə̄ nduú, ba kanə̄n kə́ ta kəga dɔ gə̄gē ā ə́ja alé.

NDŪ NAJƏ̄ 8:19

Ré dɔsí ndígə̄nal dɔ Kɔ́ɔ̄ɓē Nə́ɓā yāsí tə́, adə̄ ə́laī dɔsí gír ɓesə̄ gə̄ tə́ ī-rāāī kəla ādīdə́ ō, ɔ́siī nosí nang tə́ nodə́ tə́ ō anī, m-ə́dásí kə́ ngáā tə́ ɓōólaā m-ādə̄ ōōī, ā ī-gətóoī kɔ̄ɔ́ malang.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

NDŪ NAJƏ̄ 8:11

Ə̄ndāī kumsí gíŕ yá̰a̰ yā Kɔ́ɔ̄ɓē Nə́ɓā yāsí kə́ yā rāā gə̄ tə́ ō, jī-bēl̄ loo rāā yá̰a̰ yān gə̄ tə́ ō, ndū najə̄ yān gə̄ tə́ ō ń m-ādə̄sí ɓōólaā ní, na sōgə́ dɔsí ndígə̄nal dɔ Kɔ́ɔ̄ɓē Nə́ɓā yāsí tə́.

NDŪ NAJƏ̄ 6:12

Ba ādī dɔsí ndígə̄nal dɔ Kɔ́ɔ̄ɓē ń ɔr̄sí ɓəloó kɔ̄ɔ́ kem ɓē kə́ Ejiptə tə́ ní alé.

LEBI GƏ̄ 26:20

Ā ī-təgāī tɔ́gə́sí i karī, dɔ nang yāsí a teē yá̰a̰ aĺ ō, kāgə̄ yāsí gə̄ a anə̄n̄ aĺ ō.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

HABAKUK 3:18

Banī mā m-ə́nge rɔ̄nel̄ i kem Kɔ́ɔ̄ɓē tə́. Rɔ̄ḿ nelə̄m̄, i najə̄ yā Nə́ɓā ń i nge kajəḿ ní tə́.

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ táĺ yāí tə́ ō ndānə̄n̄jí.

PĀ GƏ̄ 31:2

Kɔ́ɔ̄ɓē, m̄-rāāī i loo ɓɔ̄ɔ̄ rɔ̄ yāḿ tə́, ī-lōō kəla rɔ̄sɔl̄ dɔḿ tə́! Ī-gān̄g dɔḿ kə yá̰a̰ rāāí kə́ gōtə́ gə̄.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

IJAI 17:9

Ndɔ̄ ngeé ń noō tə́ ní, ɓē bo gə̄ ń ngɔ̄mə̄n̄də́ majə dɔ nang kə́ Israel tə́ ní, a télən̄ i loo kə́ nujə sák sák. Tām̄ a əya̰n̄də́ kɔ̄ɔ́ tītə̄ ń kété əya̰nə̄ń ɓē bo gə̄ yā Hibi gə̄ ō, yā Amor gə̄ ō kɔ̄ɔ́ ta rēē ngán Israel gə̄ tə́ ní.

IJAI 18:5

Kété no kəja kan̄ nduú tə́, dan ń kāgə̄ nduú hútə̄ ní, dan ń hútən gə̄ télən̄ dɔ bəra nduú gə̄ kə́ a kərēn̄ i mbéé ní, tə́jān̄ ta jīn kə́ teē yá̰a̰ aĺ gə̄ kɔ̄ɔ́ ō, ta jīn gə̄ kə́ a sitə gə̄ kɔ̄ɔ́ ō, mbīn gə̄ kɔ̄ɔ́ ō, kə yá̰á̰ tə́jā yá̰á̰ kógə̄ḿ.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 30:29

Sḭḭ̄ de kə́ Jerusalem gə̄, ā ə̄nīī pā tītə̄ ndɔ̄ rāā nāā tə́ ndɔ̄ɔ́ beē. Kemsí a nel̄sí tītə̄ kem ngé njə̄rā kə gō ndū nalaá kum kə̄ rɔ̄ mbal̄ bo yā Kɔ́ɔ̄ɓē tə́ beē, kum kə̄ rɔ̄ Nə́ɓā ń i mbal̄ yā Israel ní tə́ beē.

IJAI 33:2

Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

IJAI 62:11

Kɔ́ɔ̄ɓē rāā adə̄ de gə̄ oōn̄ ndūn bátə́ ta ngóy dɔ nang tə́. I beé ní, ə́daī ɓē kə́ Siyo̰ na: Nge kajií a reē noó. Ngé gə̄ ń ni-əngedə́ ní, ni-tél reē sedə́. Yá̰á̰ ń ni-ənge gír kəla yān tə́ ní ni-tél reēń.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.

JOEL 1:17

Kum kōō kə́ dubə̄ gə̄ tutən̄ gíŕ nángāá kɔ̄ɔ́. Nujən̄ kə kújə ngɔ̄m̄ kōō gēé ō, bótə̄yō̰n̄ mōȳ gə̄ ō, tɔdɔ̄ gémē təgā kɔ̄ɔ́.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.