Biblia Todo Logo
Bib sou entènèt

- Piblisite -




IJAI 17:1 - Bibəl ta Sar̄

1 Najə̄ yā ɓē kə́ Damas. Sḛ́ý to̰ anī Damas i ɓē bo to̰ alé, ni i kɔkərɔ kə́ kán̄ dɔ naā tə́ ngóy.

Gade chapit la Kopi

Bible sar

1 Najə̄ yā ɓē kə́ Damas. Sḛ́ý to̰ anī Damas i ɓē bo to̰ alé, ni i kɔkərɔ kə́ kán̄ dɔ naā tə́ ngóy.

Gade chapit la Kopi




IJAI 17:1
24 Referans Kwoze  

Najə̄ yā Kɔ́ɔ̄ɓē. Najə̄ yā Kɔ́ɔ̄ɓē ugə̄ gō nang kə́ Hadərak tə́ ō, dəba Damas ō. Tām̄ Kɔ́ɔ̄ɓē a̰a̰ i gír ɓē gə̄ yā Israel ngóy alé, banī deē ndul gə̄ malang ní, ni a̰a̰də́ ō.


Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.


Ni-aw̄ ənge ngol ngé tun̄ yá̰a̰ gə̄ ba dəjen makətūbə̄ kə rī kújə́ kán̄ naā gə̄ kə́ Damas, yā kadə̄ ré n-ənge dəngam gə̄, aláa dəyá̰ gə̄, kə́ a unən̄ gō róbə yā Kɔ́ɔ̄ɓē anī, kə n-tó̰ō̰də́ kə kəlaá kə n-reē sedə́ Jerusalem.


Kɔ́ɔ̄ɓē əda na: Tām̄ najə̄ ń noō tə́ ní, m-ā m̄-rāā ɓē kə́ Samari kadə̄ a tél ndɔr̄ kə́ gájə́ yá̰a̰ gə̄ i tū tə́ ō, dɔ nang kə́ i kāgə̄ nduú tá deē a asə ndɔr̄ tū tə́ ngóy ō. M-ā m̄-rāā kadə̄ mbal̄ kə́ tū tə́ gə̄ ndūbə̄rūn̄ kum wól loo tə́ ō, m-ā m-nujə yá̰á̰ ń a ngɔ̄m̄ gír gisən ní kɔ̄ɔ́ ō.


Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.


Tām̄ Damas i ɓē bo kə́ Aram ō, Resin ni i ngār kə́ Damas ngóy ō. Samari i ɓē bo kə́ Epəraim ō, Peka ni i ngār kə́ Samari ngóy ō. Kem ɓāl̄ kutə mehḛ́ gidə i mí anī, gír deē yā Epəraim gə̄ a gətóon̄ kɔ̄ɔ́. Ré ə̄nī kemsí mámák ādī Kɔ́ɔ̄ɓē aĺ anī, ā ásiī ra gotoó alé.


Ni-kēgə̄ ɓūtə̄ de gə̄ yān gə̄ naā tə́ yā rɔ̄ɔńdə́ ndɔ̄ɔ́. Ni-tetədə́ rɔ̄ɔ̄ ba ngɔ̄də̄də́ bátə́ ugə̄ sedə́ Hoba ń ra i dām̄ Damas kə́ ko̰ó̰ tə́ ní.


Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.


Ní, ḭ̄ Senakerib ī-ger̄ yá̰á̰ ń toō aĺ i mbée a? Yá̰a̰ gə̄ ń a rāān̄ yá̰a̰ toó i mā n m-ə̄ndā dɔdə́ danaá kété jóó ní. m̄-núm̄ yá̰á̰ ń toō i kété, banī ngɔlaā m̄-rāādə́ adə̄ reē udən̄ gíŕ kə́ rɔ̄ tə́. m̄-gḛy kadə̄ ī-rāā ɓē gə̄ ń ngɔ̄mə̄n̄də́ majə ní kadə̄ télən̄ kɔkərɔ kə́ ra dɔ naā tə́ bing gə̄.


Najə̄ yā ɓē kə́ Ejiptə. Kɔ́ɔ̄ɓē n toó: Ni-reē dɔ nang kə́ Ejiptə tə́, al̄ i dɔ kil̄ man̄ kógə̄ḿ kə́ ngɔ̄də̄ ngá̰ý tə́. Nə́ɓā kə́ rɔ̄kum aĺ gə̄ kə́ dɔ nang kə́ Ejiptə tə́ ndewn̄ non tə́ ō, tɔ́gə de kə́ Ejiptə gə̄ ur̄ wak kɔ̄ɔ́ ō.


Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.


Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.


Yá̰á̰ ń m̄-rāā kə ɓē kə́ Kalne ní, to tītə̄ yá̰á̰ ń m̄-rāā kə ɓē kə́ Karkemis ní waḿ? Yá̰á̰ m̄-rāā kə ɓē kə́ Hamat ní, to tītə̄ yá̰á̰ ń m̄-rāā kə ɓē kə́ Arpad ní ō, yá̰á̰ ń m̄-rāā kə ɓē kə́ Samari ní, to tītə̄ yá̰á̰ ń m̄-rāā kə ɓē kə́ Damas ní ō.


Tām̄ kété pá tá kadə̄ ngōnīí ger̄ kəda na: Babá aláa mamá ní, a aw̄n̄ kə yá̰a̰ kənge gə̄ kə́ gātə̄də́ i ngá̰ý gə̄ kə́ Damas ō, yá̰a̰ kənge gə̄ kə́ kɔy Samari ō, yā kadə̄ mban̄g kə́ Asiri.


Ni tun̄ yá̰a̰ adə̄ nə́ɓā gə̄ kə́ Damas ń tetənən̄ rɔ̄ɔ̄ ní ba əda na: Nə́ɓā gə̄ yā mban̄g Aram gə̄ dḭḭ̄n̄də́, adə̄ i nin̄ n m̄-tun̄ yá̰a̰ m-ādə̄də́ kadə̄ dḭḭ̄mə̄n̄neé ní.


Kɔ́ɔ̄ɓē Nə́ɓā yān əlan kem jī mban̄g kə́ Aram tə́ adə̄ tetən rɔ̄ɔ̄ ō, əhɔ deē yān gə̄ ngá̰ý ɓəlo tə́ ba aw̄ sedə́ Damas ō. Əlan kem jī Peka kə́ ngōn̄ Remalia ń i mban̄g kə́ Israel tə́ ní ō, adə̄ tetən rɔ̄ɔ̄ tetə kə́ to ɓōĺ ngá̰ý.


Mban̄g kə́ Asiri rāā yá̰á̰ ń Akaj dəjen ní, aw̄ ənī ɓē kə́ Damas rɔ̄ɔ̄. Ni-taā ɓē ba ɔy de kə́ kemeé gə̄ aw̄ sedə́ Kir ō, tɔ̄l̄ Resin ō.


Abəram tél ədan na: Kɔ́ɔ̄ɓē Nə́ɓā yāḿ, ā ādə̄m̄ yá̰a̰ i yā rāań rí? Ngōnə̄ḿ gətóo, adə̄ nge kənge yá̰a̰ ndəbāḿ i nge kəla yāḿ Eliejer kə́ Damas.


Aram gə̄ kə́ Damas reē dḭḭ̄n̄ Hadadejer mban̄g kə́ Soba, banī Dabid tetədə́ rɔ̄ɔ̄ ō, tɔ̄l̄ de kə́ dəngam gə̄ dūbú kutə jōó gidə i jōó dandə́ tə́ ō.


Kem ɓāl̄ ń Dabid tɔ̄ləń ngé rɔ̄ɔ̄ gə̄ yā Hadadejer tə́ ní, Rejon ɔy de gə̄ gōn tə́ ba tél ngoldə́. Ni-aw̄ ndi sedə́ Damas. Ta tɔ̄l̄ ta anī o̰o̰ ɓē kə́ Damas.


ā ī-tɔ̄lī de kə́ kem ɓē ń noō tə́ gə̄ ō, yá̰a̰ kul̄ kə́ kemeé gə̄ ō, kɔ̄ɔ́ malang kə kəyā kaskaraá. Gō tə́ anī ā ī-*bāāī dɔ ɓē ní ō, yá̰a̰ malang kə́ kemeé ō, tām̄ yā Nə́ɓā tə́.


Ngɔlaā ní ḭ̄ ī-ɓōĺ mban̄g gə̄ kə́ Aram ō, kə́ Israel ō. Ɓá tā, ba pá tá kadə̄ ngōn̄ ní asə mbātə́ yá̰á̰ kə́ majaĺ ba gə̄rā yá̰á̰ kə́ majə ní, de gə̄ kə́ kem ɓē ko̰o̰ gə̄ kə́ gír i jōó gə̄ ń toō tə́ a əya̰n̄ ɓē yādə́ kɔ̄ɔ́.


Swiv nou:

Piblisite


Piblisite