IJAI 16:6 - Bibəl ta Sar̄

⁶ J-oō najə̄ kɔjə rɔ̄ yā ɓē kə́ Moab. I kɔjə rɔ̄ kə́ ngá̰ý kə́ ba̰ý beē! I kem sōl̄ yá̰a̰ aĺ kə́ ba̰ý beē! Banī najə̄ ń ni-ɔr̄ ní i najə̄ kə́ kem wōȳ karī.

Bible sar

⁶ J-oō najə̄ kɔjə rɔ̄ yā ɓē kə́ Moab. I kɔjə rɔ̄ kə́ ngá̰ý kə́ ba̰ý beē! I kem sōl̄ yá̰a̰ aĺ kə́ ba̰ý beē! Banī najə̄ ń ni-ɔr̄ ní i najə̄ kə́ kem wōȳ karī.

IJAI 16:6 Referans Kwoze

AMOS 2:1

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Moab gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ róōn̄ kə̄ngā mban̄g kə́ Edom ba rāān̄ būn. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 48:42

Nujən̄ ɓē kə́ Moab sák sák kɔ̄ɔ́, adə̄ gír de kə́ kemeé gə̄ gətóon̄. Tɔdɔ̄ nin̄ ɔjən̄ kə̄ ndágá kadə̄ nin̄ boon̄ tɔȳn̄ Kɔ́ɔ̄ɓē.

JEREMI 48:26

Ādīin̄ kasə ādə̄ rāān, tām̄ ni ɔjə kə̄ ndágá kadə̄ na n-bo n-tɔȳ Kɔ́ɔ̄ɓē. Á̰a̰ī i ni n to a ndūbə̄rū kum tōmbə̄ tə́ toō. Ta i dɔn tə́ kadə̄ ni-tél kur̄ kəgō tā.

JEREMI 50:36

Ādī kaskar ɔdə kɔdə̄ sāā yān gə̄ ō, tɔdɔ̄ i mbóo de gə̄. Ādī kaskar tə́gā go̰ rɔ̄ɔ̄ yān gə̄ tə́nīdə́!

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

Gōsə̄ najə̄ gə̄ 21:24

De kə́ nge kídə̄ loo ō, nge ndájə̄ najə̄ ō i de kə́ nge mbóo kə yá̰a̰ malang, kɔjə rɔ̄ yān i ngá̰ý tū yá̰a̰ rāān gə̄ tə́ malang.

IJAI 25:11

Loo ń noō tə́ ni sə́ra jīn kə̄ kété ō, téləń kə̄ rɔ̄n tə́ ō, tītə̄ nge kal man̄ beé. Ni-əhɔ rɔ̄n tɔgə ngá̰ý ɓá tā, banī Kɔ́ɔ̄ɓē tél kə kɔjə rɔ̄ yānneé kə̄ nang tə́.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

JEREMI 48:14

I najə̄ rí tə́ á ə́daī na sḭḭ̄ na i go̰ rɔ̄ɔ̄ gə̄ ō, áskar gə̄ kə́ tām̄ yā rɔ̄ɔ̄ tə́ ō ní?