IJAI 16:5 - Bibəl ta Sar̄

⁵ Loo ń noō tə́ ngōn̄ kaa Dabid a ndi dɔ kōr̄ kāgə̄ mbang yā Dabid tə́, ko̰o̰ ɓē yān a too ngándáńg kə ta kūl̄ kem majə yāí. Ni a to tītə̄ nge gān̄g sarya kə́ əndā kumən gír ɓōĺ ndū najə̄ tə́ ō, təngā loo gān̄g sarya kə́ gōtə́ tə́ ō.

Bible sar

⁵ Loo ń noō tə́ ngōn̄ kaa Dabid a ndi dɔ kōr̄ kāgə̄ mbang yā Dabid tə́, ko̰o̰ ɓē yān a too ngándáńg kə ta kūl̄ kem majə yāí. Ni a to tītə̄ nge gān̄g sarya kə́ əndā kumən gír ɓōĺ ndū najə̄ tə́ ō, təngā loo gān̄g sarya kə́ gōtə́ tə́ ō.

IJAI 16:5 Referans Kwoze

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

DANIEL 7:27

Ba ko̰o̰ ɓē ō, ndi dɔ yá̰a̰ gə̄ tə́ malang ō, bo yā ɓē ko̰o̰ gə̄ malang kə́ dɔ nang tə́ ō ní, a adə̄n̄ gír de kə́ táĺ gə̄ yā Nə́ɓā kə́ dɔɔ́. Ko̰o̰ ɓē yān i ko̰o̰ ɓē kə́ a to ngándáńg. ngé ndi dɔ ɓē gə̄ tə́ malang a rāān̄ kəla yān ō a oōn̄ tan ō.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

Gōsə̄ najə̄ gə̄ 20:28

Kem majə ō, háĺ kə́ sew ō a ngɔ̄m̄ən mban̄g. Kōr̄ kāgə̄ mbang yān ndi ngan̄g i kə ta kūl̄ kem majə yān.

2 SAMUEL 7:16

De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé.

AMOS 9:11

Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

Gōsə̄ najə̄ gə̄ 29:14

Mban̄g ń gān̄g sarya yā ngé tɔ́gə gətóo gə̄ kə gōó ní, a mbūsə̄ i gír ko̰o̰ ɓē yān kadə̄ ngan̄g.

PĀ GƏ̄ 99:4

Mban̄g ń ɓō háĺ kə́ rɔ̄kum rāān ní a ndi ngan̄g. I ḭ̄ n i nge rāā kadə̄ yá̰a̰ un gō naā kə gōó majə ní. I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō, to dan ngán Jakob gə̄ tə́ ní.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 89:14

Jī kə́ kɔl watang ń toō, kə́ tɔ́gən i ngá̰ý ń toō, jī ko̰ kə́ kəla kə̄ dɔɔ́ ń toō i jīí ḭ̄.

PĀ GƏ̄ 85:10

Ngé gə̄ ń ɓōlə́n̄ ndílən ní kajə yān i rɔ̄də́ tə́ ngɔr. Kɔsə gɔn yān a rāā ɓē danjí tə́.

2 YÁ̰A̰ GƏ̄ 31:20

Ejekias rāā yá̰a̰ i tītə̄ ń noō dɔ nang kə́ Juda tə́ malang. Ni-rāā i yá̰á̰ kə́ majə ō, yá̰á̰ kə́ súmūú ō, ra dɔ ndūn tə́ ō, ta kum Kɔ́ɔ̄ɓē Nə́ɓā yān tə́.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

2 SAMUEL 5:9

Dabid ndi kem ɓē kə́ ngan̄g ngá̰ý tə́ ba əndā rīn na i ɓē yā Dabid. Gō tə́ anī ni-rāā kújə gə̄ gidə ɓē yān ní tə́ dɔ dán Milo tə́ kə kújə́ ń ni-ndi tū tə́ ní.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.