IJAI 16:4 - Bibəl ta Sar̄

⁴ Ə́ya̰ mā̰ȳ rɔ̄ɔ̄ yājí gə̄ ādə̄ ndin̄ ɓēé looí, ādə̄də́ loo ādə̄ ndin̄ tū tə́ najə̄ yā nge nujə loo tə́. Nge rējə̄jí a ndi ngándáńg alé, gír nujə loo a gān̄g. Nge nujəjí a əya̰ ɓē yājí ba a aw̄.

Bible sar

⁴ Ə́ya̰ mā̰ȳ rɔ̄ɔ̄ yājí gə̄ ādə̄ ndin̄ ɓēé looí, ādə̄də́ loo ādə̄ ndin̄ tū tə́ najə̄ yā nge nujə loo tə́. Nge rējə̄jí a ndi ngándáńg alé, gír nujə loo a gān̄g. Nge nujəjí a əya̰ ɓē yājí ba a aw̄.

IJAI 16:4 Referans Kwoze

IJAI 14:4

Kum mbang ngeé ń noō tə́ ní, ā ún pā tə́dá ń toō yā mbóoń kə mban̄g kə́ Babilon, ā ə́da na: Nge ń rējə̄jí kə ko̰o̰ ɓē yānneé ní gətóo kɔ̄ɔ́! Gíŕ yá̰a̰ rāā yān kə́ kə dɔ́nɔ́ gān̄g kɔ̄ɔ́! Nōō rɔ̄ i tām̄ yān tə́.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

JEJU TEĒ KUM JA̰A̰ 11:2

Kə m-ə́yá̰ ndágə loo kə́ gīr̄ gidə kújə yā Kɔ́ɔ̄ɓē, ba kə m̄-lōō mbɔ̄jə́. Tām̄ na adə̄n̄ de gə̄ kə́ nin̄ i Jipə aĺ gə̄ ta róbə́ tə́ɓā ɓē kə́ táĺ njadə́ tə́ nāā kutə sɔ́ gidə i jōó.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

JEREMI 48:18

Sḭḭ̄ de kə́ Dibon gə̄, ī-risiī dɔ yá̰á̰ kə́ to kɔsə gɔn yāsí tə́ ō, ī-ndiī kə kəndā maná ō. Nge nujə kə ɓē kə́ Moab sák sák aw̄ kənīsí rɔ̄ɔ̄ tə́, ni nujə ɓē yāsí kə́ ngan̄g ngá̰ý gə̄ kɔ̄ɔ́.

JEREMI 48:8

Nge nujə loo taā ɓē gə̄ malang, kógə̄ḿ kə́ teē jīn tə́ gətóo. Yá̰a̰ malang kə́ wól loo tə́ gətóo kɔ̄ɔ́, ndágə loo kə́ kḭḭ kə̄ dɔɔ́ nujə sák sák kɔ̄ɔ́. I yá̰á̰ ń noō n Kɔ́ɔ̄ɓē əda najə̄n kété ní, ni-əda na:

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

IJAI 15:6

Dang man̄ kə́ Nimrim tél i dəla loo kə́ rɔ̄nel̄ gətóo tū tə́. Kāgə̄ gə̄ tutən̄ ō, mu gətóo kɔ̄ɔ́ ō. Yá̰á̰ kə́ to ɓōĺ gətóo.

NDŪ NAJƏ̄ 24:14

Ā ə́sa tətō nge kəla yāí kə́ nge rɔ̄ tō ndoō ō, ndoō rāān ō alé. Ká ni i ngōkó̰ó̰í, aké i tə̄rā kə́ nge nam̄ kə́ ndi dɔ nang yāí tə́, kem ɓē yāí tə́ gə̄gē anī, ā ə́sa tətōn alé.

Makətūbə̄ ń Pol ndang adə̄ Rom gə̄ ní 16:20

Na̰y i ngɔr kadə̄ Nə́ɓā kə́ nge kadə̄ de gə̄ kem sɔl̄ lɔm a rējə̄ Sətan kɔ̄ɔ́ gír njasí tə́. Ādə̄ Kɔ́ɔ̄ɓē yājí Jeju rāā kem majə sesí.

JAKARI 9:8

M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

IJAI 58:7

I kadə̄ ī-kēgə̄ mápa yāí ādə̄ deē ń ɓō rāān ní, i kadə̄ ngé ndoō gə̄ ń kújə yādə́ gətóó ní loo kadə̄ tonə̄ń, i kadə̄ ngé gə̄ ń kūbə̄ yādə́ gətóó ní kūbə̄ kadə̄ əlan̄ rɔ̄də́ tə́, i kadə̄ ī-tūr̄ gidií kɔ̄ɔ́ ta de kə́ ngōkó̰ó̰í tə́ alé.

JEREMI 40:11

Tāa Juda gə̄ malang ń ndin̄ Moab ō, dan Amon gə̄ tə́ ō, ngé gə̄ ń ndin̄ Edom ō, kə gō ɓē gə̄ malang ní ō, oōn̄ kadə̄ mban̄g kə́ Babilon na əya̰ gō yá̰á̰ kə́rēý gə̄ adə̄ Juda ō, na əndā Gedalia kə́ ngōn̄ Ahikam kə́ ngōn̄ Sapan dɔ ɓē gə̄ tə́ ō,

ABƏDIAS 1:14

Ngé ka̰ȳ naā gə̄ ní, majə kadə̄ ī-ra ta gajə róbə gə̄ tə́ yā tɔ̄ləńdə́ aĺ ō, ngé gə̄ ń ndin̄ kə kumdə́ kum mbang wur kɔl tə́ ní, majə kadə̄ ə́ládə́ kem jī madə̄ ba̰ā̰ gə̄ tə́ aĺ ō.