IJAI 16:12 - Bibəl ta Sar̄

¹² Moab gə̄ ɔrən̄ loo kal̄ tə́ ta kaw̄ kə̄ dɔɔ́, adə̄ de gə̄ a̰a̰n̄də́. Nin̄ aw̄n̄ ndɔ̄yɔ̄ɔ́ loo yādə́ kə́ yā ɓōĺ gidə tə́, banī nge ń noō a rāā yá̰a̰ alé.

Bible sar

¹² Moab gə̄ ɔrən̄ loo kal̄ tə́ ta kaw̄ kə̄ dɔɔ́, adə̄ de gə̄ a̰a̰n̄də́. Nin̄ aw̄n̄ ndɔ̄yɔ̄ɔ́ loo yādə́ kə́ yā ɓōĺ gidə tə́, banī nge ń noō a rāā yá̰a̰ alé.

IJAI 16:12 Referans Kwoze

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.

JEREMI 48:35

M-ā m̄-tɔ̄l̄ de kə́ Moab tə́ gə̄ ń tunə̄n̄ yá̰a̰ kə taá malang ō, róōn̄ yá̰a̰ ndējə̄ gə̄ ō dɔ loo ndɔ̄ȳ gə̄ tə́ rɔȳnəń nə́ɓā yādə́ gə̄ ní.

1 MBAN̄G GƏ̄ 18:29

Ba dan ń mbang əja rɔ̄n sḛ́ý ní a, ndewn̄ ngangan loo ɓāŕ Baal tə́. Nin̄-ɓāŕnən̄ kə rɔ̄ ndebeé bátə́ ugə̄ kum mbang ndējə̄ yá̰á̰ kə́ loo sɔlí. Banī deē oō ndū deē aĺ ō, deē ndigə ɓār̄ ní aĺ ō, yá̰á̰ kə́ rāā yá̰á̰ sḛ́ý gətóo ō.

TƏ́DA 23:28

Balak aw̄ kə Balam dɔ mbal̄ Peor tə́ ta dəla loo tə́.

TƏ́DA 23:14

Balak aw̄ kə Balam bátə́ teē seneé loo ngɔ̄m̄ loo kə́ dɔ mbal̄ Pisga tə́. Ni-rāā loo tun̄ yá̰á̰ gír sīrí, ba tɔ̄l̄ man̄g kógə̄ḿ ō, bal batə̄ kógə̄ḿ ō, ba tun̄ kə dɔ loo tun̄ yá̰a̰ gēé.

TƏ́DA 22:39

Balam nin̄ kə Balak aw̄ ugə̄n̄ Kiryat Husot.

JEREMI 48:46

Moab, i yá̰á̰ kə́ to kum kaȳ aĺ kə́ ba̰ý beé n rāāī ní? Ta gír de kə́ Kemos tə́ gə̄ tḭ̄ḭ̄ kɔ̄ɔ́. Əhɔn̄ ngání kə́ dəngam gə̄ ta rɔ̄ɔ̄ tə́ aw̄n̄ sedə́ ō, əhɔn̄ ngání kə́ dəyá̰ gə̄ əlan̄də́ dəngáyá ō.

JEREMI 48:13

Rɔ̄ Moab gə̄ a sɔldə́ najə̄ yā Kemos tə́, tītə̄ ń rɔ̄ Israel gə̄ sɔlə̄ńdə́ najə̄ yā Betel ń nin̄ ənīn̄ kemdə́ adə̄nən̄ tə́ ní.

JEREMI 48:7

Moab, ḭ̄ ə̄ndā kemií i dɔ kəhɔ rɔ̄ tɔgə yāí tə́ ō, dɔ yá̰a̰ kənge yāí kə́ to loo ɓɔ̄ɔ̄ tə́ tə́ ō. Banī taāīn̄ gidə yādə́ tə́ kɔ̄ɔ́. Unən̄ nə́ɓā Kemos yāí dɔ gúú tə́ aw̄n̄ seneé dɔ ɓē kə́ rang tə́, naā tə́ kə ngé tun̄ yá̰a̰ yāí gə̄ ō, ngār yāí gə̄ ō.

JEREMI 10:5

Ɓesə̄ gə̄ ní ran̄ tītə̄ ndíĺ yá̰á̰ kə́ kudə kem ndɔr̄ kosə́ gə̄ tə́ beē. Ɔrə̄n̄ najə̄ aĺ ō. A ətōn̄də́ i mbéé tá ō. Rɔ̄kum, a ətōn̄də́ i mbée tɔdɔ̄ asən̄ njə̄rā alé. Ī-lōōī ɓōĺdə́ na a rāān̄ yá̰a̰ sesí aĺ ō, asən̄ rāā yá̰á̰ kə́ majə sḛ́ý tām̄ yāsí tə́ aĺ ō.

IJAI 47:13

Kɔjə̄ gə̄ ń adīn̄ ngá̰ý ní, kɔr rāāī ta tə́ kɔ̄ɔ́! Ngé kəndā ma̰ȳ dɔ rā̰ ō, ngé tə́da najə̄ kə́ ndang kum tə́yō̰ gə̄ tə́ ō, ba nin̄ ədan̄ yá̰á̰ ń a rāā yā rāāī ní kə dɔ nāā gə̄ ní, ādə̄ reē ajiīn̄!

IJAI 37:38

Ndɔ̄ kógə̄ḿ tə́ ni-ra a ndɔ̄ȳ kem kújə yā Nisrok ń i nə́ɓā yān ní tə́, anī ngánən kə́ dəngam gə̄ jōó, Adəramelek nin̄ kə Sareser, tɔ̄l̄nən̄ ba a̰ȳ aw̄n̄ dɔ nang kə́ Ararat tə́. Ngōnən kə́ dəngam kə́ rang ń rīn na i Asaradon ní, ndi mban̄g gotən tə́.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

Gōsə̄ najə̄ gə̄ 1:28

Loo ń noō tə́ nin̄ a ɓāŕmə̄n̄, banī m-ā m̄-ndigədə́ aĺ ō, nin̄ a sāāmə̄n̄, banī a əngemə̄n̄ aĺ ō.

2 MBAN̄G 19:12

Ɓē kə́ Gojan ō, Haran ō, Resep ō, ngáń kə́ Eden tə́ gə̄ ń ndin̄ Telasar á mban̄g kə́ Asiri tə́ kə́ kété noḿ tə́ gə̄ nujən̄də́ sák sák kɔ̄ɔ́ ní ō ní, ɓesə̄ yādə́ gə̄ taān̄də́ əya̰n̄də́ dɔɔ́ noō a?

2 MBAN̄G 3:27

Anī ni un ngōn̄ hágən ń kadə̄ o̰o̰ ɓē gotən tə́ ní tɔ̄lən ba róōn kə́ loo tun̄ tə́ dɔ ndogə̄ mbal̄ tə́. Loo ń noō tə́ nél əsō ngán Israel gə̄ ngə̄rāá adə̄ əyan̄ mban̄g kə́ Moab ba télən̄ dɔ tə́ aw̄n̄ gogə́ dɔ nang yādə́ tə́.

1 MBAN̄G GƏ̄ 11:7

Dan ngeé ń noō tə́ ní Salomo̰ rāā loo kə́ kḭḭ kə̄ dɔɔ́ dɔ mbal̄ ń ra sɔɔ̄ no ɓē kə́ Jerusalem ní tə́ tām̄ yā ɓesə̄ Kemos ń i ɓesə̄ kə́ majaĺ ngá̰ý yā Moab gə̄ ní tə́ ō, rāā loo kə́ kḭḭ kə̄ dɔɔ́ kə́ rang tām̄ yā ɓesə̄ Milkom ń i ɓesə̄ kə́ majaĺ ngá̰ý yā Amon gə̄ ní tə́ ō.

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

TƏ́DA 22:41

Teē kə ndɔ̄ý anī, Balak aw̄ kə Balam Bamot Baal ń i loo kə́ kḭḭ kə̄ dɔɔ́ tə́ ní. Ré deē ra loo ní tə́ anī, a a̰a̰ dɔ núsə ngán Israel gə̄.

TƏ́DA 21:28

Hor ḭḭ Hesəbon. Ta ndo̰ hor teē kem ɓē yā Sihon tə́. Gān̄g əsō dɔ Ar ń i ɓē kə́ Moab ní tə́ o̰o̰n̄ ō, O̰o̰ń ngār gə̄ ń ndin̄ dɔ gósə bā Arnon tə́ ní ō.

IJAI 16:13

Najə̄ kə́ dɔ Moab tə́ ń Kɔ́ɔ̄ɓē əda kété ní n toó.