IJAI 16:10 - Bibəl ta Sar̄

¹⁰ Rɔ̄nel̄ kə́ ngá̰ý al̄ naā gətóo kɔ̄ɔ́ kem ndɔr̄ kāgə̄ yāsí gə̄ kə́ kan̄ tə́. Deē oō kōō pā, aláa kōō kɔŕ rɔ̄nel̄ kem ndɔr̄ kāgə̄ nduú gə̄ tə́ to̰ alé. Kasə nduú gətóo kem jóon gə̄ tə́, deē mbə́rē kan̄ nduú to̰ alé. Kɔŕ kə́ kənda yá̰a̰ gōtə́ to̰ gətóo.

Bible sar

¹⁰ Rɔ̄nel̄ kə́ ngá̰ý al̄ naā gətóo kɔ̄ɔ́ kem ndɔr̄ kāgə̄ yāsí gə̄ kə́ kan̄ tə́. Deē oō kōō pā, aláa kōō kɔŕ rɔ̄nel̄ kem ndɔr̄ kāgə̄ *nduú gə̄ tə́ to̰ alé. Kasə *nduú gətóo kem jóon gə̄ tə́, deē mbə́rē kan̄ *nduú to̰ alé. Kɔŕ kə́ kənda yá̰a̰ gōtə́ to̰ gətóo.

IJAI 16:10 Referans Kwoze

JEREMI 48:33

Rɔ̄nel̄ kə́ ngá̰ý gətóo kɔ̄ɔ́ kem ndɔr̄ kāgə̄ nduú gə̄ kə́ Moab tə́ ō, gō nang yān tə́ ō. m̄-rāā adə̄ kasə nduú iī kɔ̄ɔ́ kem jóon gə̄ tə́. De gə̄ mbə́rēn̄ kan̄ nduú kə kɔŕ rɔ̄nelēé to̰ alé.

AMOS 5:17

Dan ń m-ā m̄-mān̄ dáńsí tə́ anī, pā yo gə̄ a ɓārə̄n̄ kə̄ kem ndɔr̄ kāgə̄ nduú gə̄ tə́ malang. I Kɔ́ɔ̄ɓē n əda najə̄ ń noō ní.

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

IJAI 32:10

Na̰y i ɓāl̄ kógə̄ḿ kə ndɔ̄ gə̄ kóndóńg wań dɔ tə́, yā kadə̄ sḭḭ̄ ń ī-taāī kem rɔ̄sí mámák ní, ā ī-ndiī kə sōlōó. Kan̄ nduú kə́ yā kəja a gətóo, kōō kə́ yā sāā a gətóo.

Makətūbə̄ yā Job 24:11

Nin̄ usən̄ kan̄ olibə kə mbalá kadə̄ a̰ȳ yibə̄ kem ndogə̄ yā madə̄də́ gə̄ tə́ ō, rāān̄ kasə kan̄ kāgə̄ nduú kanjə̄ kadə̄ ɔdə tadə́ ō.

IJAI 24:11

De gə̄ nōōn̄ kasə kə́ kum róbə kɔsə gə̄ tə́, ədan̄ na kasə na gətóo, rɔ̄nel̄ gətóo kɔ̄ɔ́, tə̄ɓān̄ rɔ̄nel̄ kɔ̄ɔ́ kem ɓēé.

JOEL 1:12

Kāgə̄ nduú tutə kɔ̄ɔ́, kāgə̄ kótə̄ ndəlē riw kɔ̄ɔ́. Kāgə̄ gərenadə ō, kāgə̄ túmbur ō, kāgə̄ jīm̄ tītə̄ ō, kāgə̄ malang kə́ kem ndɔrɔ́ i kə́ tutə kɔ̄ɔ́. Rɔ̄nel̄ gətóo kɔ̄ɔ́ dan de gə̄ tə́.

AMOS 9:13

Kɔ́ɔ̄ɓē əda ɓáý to̰ na: Ndɔ̄ a reē noó kadə̄ kōō i ngá̰ý al̄ naā, adə̄ kōō gə̄ ní a ton̄ bátə́ ugə̄ń dan yā ndɔr̄ gə̄ tə́. Kəja kan̄ kāgə̄ nduú a to bátə́ ugə̄ń dan yā dubə̄ kōō gémē gə̄ tə́ tītə̄ ń noō ō. Loo ń noō tə́ kasə nduú kə́ kijə a nūgə́ dɔ ngán mbal̄ gə̄ tə́ ō, a un dɔ ngán mbal̄ gə̄ ō.

EJEKIEL 7:7

De kə́ kem ɓēé gə̄, ta i dɔsí tə́. Kum mbang asə. Dɔ ndɔ̄ gān̄g sarya i ngɔr. Kɔŕ rɔ̄nel̄ a ɓār̄ dɔ mbal̄ gə̄ tə́ to̰ alé, banī i ɓōĺ n a rāā de gə̄.