IJAI 15:5 - Bibəl ta Sar̄

⁵ m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

Bible sar

⁵ m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

IJAI 15:5 Referans Kwoze

JEREMI 48:5

De gə̄ alə̄n̄ kə̄ dɔ loo kə́ kḭḭ kə̄ dɔɔ́ kə́ Luhit tə́ i kə noó tadə́ tə́. De gə̄ risən̄ kə̄ nang tə́ loo kə́ risə kə̄ nang tə́ kə́ Horonaim tə́ anī, ōōn̄ kōō de gə̄ ń loo nujə dɔdə́ tə́ sák sák á a ɓārə̄n̄ ɓār̄ ní.

JEREMI 4:20

De gə̄ əgan̄ kɔŕ ədan̄ na: Loo nujə ba tél nujə ɓáý to̰ sák sák. Rɔ̄kum, ɓē kə taá malang i kə́ nujə kɔ̄ɔ́. Gérger yāḿ nujə gidə kógə̄ḿ, kújə tandā yāḿ gə̄ nujən̄ kum mbang kógə̄ḿ beé.

JEREMI 17:16

Mā tā anī, m̄-mbātə́ kadə̄ mā i nge kul̄ yá̰a̰ yāí alé. Ḭ̄ ī-ger̄ majə kadə̄ m̄-ndə̄ngā ndɔ̄ kə́ majaĺ alé. Najə̄ ń teē taḿ tə́ ní m-ə́da i ta kumií tə́.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 9:10

M-ā m̄-rāā Jerusalem kadə̄ to tītə̄ mbal̄ kə́ kán̄ dɔ naā tə́ ō, kadə̄ to tītə̄ loo ra tal̄ gə̄ ō. m-ā m̄-rāā ɓē kə́ Juda tə́ gə̄ kadə̄ télən̄ loo kə́ to kum ko̰ ō, de gə̄ a gətóon̄ kemeé ō.

IJAI 22:5

Tɔdɔ̄ Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý ní, ɓōólaā əla kə yá̰á̰ kə́ a̰a̰ gō naā aĺ ō, kə rɔ̄ɔ̄ kə́ tetəjí ō, kə ɓōló ō, adə̄jí. Ndogə̄ mbal̄ kə́ bo əsō nang tə́ wól loo kə́ deē a̰a̰ yá̰a̰ tū tə́ tə́ ō, de gə̄ ɓārə́n̄ yá̰a̰ wól loo ní tə́ kadə̄ kə rāān̄ sedə́, adə̄ ndūdə́ ḭḭ kə̄ dɔɔ́ kum kə̄ rɔ̄ mbal̄ bo gə̄ tə́ ō.

IJAI 16:14

Ba ngɔlaā ní Kɔ́ɔ̄ɓē əda na: Ɓāl̄ mətá ta asə naā anī, de kə́ bo gə̄ kə́ Moab ō, Moab gə̄ ń nin̄ i ngá̰ý ō ní, nin̄ i yá̰á̰ kógə̄ḿ to̰ alé. Ngé gə̄ ń a na̰yn̄ ní, nin̄ i sḛý beē, ngá̰ý aĺ bátə́.

2 SAMUEL 15:30

Dabid un róbə́ kə́ əta tan ta kaw̄ kə̄ dɔ mbal̄ kāgə̄ olibə gə̄ tə́ i kə nōó kumən tə́. Ni do̰ō̰ kūbə̄ ta kumən tə́ ō, njə̄rā i njan karī ō. De gə̄ malang ń dānə̄nən̄ ní do̰ō̰n̄ kūbə̄ ta kumdə́ tə́ ō, njə̄rān̄ i kə nōó ō.

2 SAMUEL 15:23

Dan ń de gə̄ a mānə̄n̄ anī, de kə́ kem ɓēé gə̄ malang unən̄ ndūdə́ kə̄ dɔɔ́ a nōōnneé. Mban̄g teē man̄ Sedəron kə̄ gidə kə́rēý tə́ ō, de gə̄ malang mānə̄n̄ kumdə́ sɔɔ̄ róbə́ ń to kə gō kadə dəla loo ní ō.

TA KƏLA 19:22

Āw̄ láẃ ī-ɓɔ̄ɔ̄ rɔ̄í kemeé. M-ā m̄-rāā yá̰á̰ kógə̄ḿ alé bátə́ kadə̄ ré údə kemeé pá tá. I tām̄ najə̄ ń noō tə́ n əndānəń rī ɓē ní na i Soar ní.

TA KƏLA 14:2

rɔ̄ɔ̄n̄ Bera mban̄g kə́ Sodom ō, Birsa mban̄g kə́ Gomor ō, Sineab mban̄g kə́ Adəma ō, Semeber mban̄g kə́ Seboim ō, mban̄g kə́ Bela ń i ɓē kə́ Soar ní ō.

TA KƏLA 13:10

Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

TƏ́DA 21:29

Moab, yá̰á̰ kə́ to kum kaȳ aĺ əso dɔí tə́. Sḭḭ̄ ngé rāā ɓesə̄ Kemos gə̄, tasí tḭ̄ḭ̄ kɔ̄ɔ́. Moab, rāān̄ ngání kə́ dəngam gə̄ adə̄ a̰ȳn̄ naā ram ram. Rāān̄ ngé kə́ dəyá̰ gə̄ ɓəlo yā Sihon mban̄g yā Amor gə̄ tə́.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

JEREMI 48:3

De gə̄ əgan̄ kɔŕ Horonaim ɓārə́n̄neé ngé dḭḭ̄də́ gə̄. Loo nujə sák sák ō, yá̰a̰ i kə́ tɔ̄ɔ̄ nang tə́ malang ō.

JEREMI 50:46

Dan ń taān̄ ɓē kə́ Babilon kɔ̄ɔ́ ní anī, dɔ nang ndebə ō, kɔŕ ɓār̄ ɓororo dáń nápar de gə̄ tə́ ō.